Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

«Júz jyldyq jylnama» oqyrmanǵa jol tartty

2019 jylǵy 11 maýsym 11:49 2428
Bólisińiz:
«Júz jyldyq jylnama» oqyrmanǵa jol tartty

NUR-SULTAN. QazAqparat - "Egemen Qazaqstan" gazetiniń 100 jyldyq mereıtoıyna arnalǵan "Júz jyldyq" jylnama atty 5 tomdyq jınaq  oqyrmanǵa jol tartty. Búgin Nur-Sultan qalasyndaǵy Ulttyq akademııalyq kitaphanada jınaqtyń tusaýy kesildi, dep habarlaıdy QazAqparat tilshisi.

Jınaqtyń tusaýy kesilmes buryn basylym tarıhy baıandalatyn derekti fılm usynyldy.

"Egemen Qazaqstan" respýblıkalyq gazeti" AQ-nyń basqarma tóraǵasy Darhan Qydyráliniń aıtýynsha, 1919-1976 jyldar aralyǵyn qamtıtyn 5 tomdyq jınaq ázirge 2000 danamen taralyp otyr.

"1919 jyly "Ushqyn" degen atpen shyǵa bastaǵan basylym ár jyldary  túrli atpen shyqsa da,  tildiń, dinniń, jerdiń, emleniń máselesin, ult múddesin kóterdi. Sol tustaǵy zııalylardyń arasyndaǵy aıtys- tartys, asharshylyq, repressııa, soǵys pen tyń ıgerý sııaqty tarıhı oqıǵalardyń bári osy jınaqta qamtyldy. Qazaq tarıhynyń shejireshisine aınalǵan gazettiń betinde Smaǵul Sádýaqasov, Júsipbek Aımaýytov, Muhtar Áýezov, Beıimbet Maılın, Sáken Seıfýllın, Turar Rysqulov, Oraz Jandosov, Ǵabbas Toǵjanov, Ǵabıt Músirepov sııaqty arystardyń izi qaldy. Kóp adam ol tusta gazetti ortalyq komıtettiń organy bolǵan dep oılaıdy. Olaı bolmaǵanyna osy bes tomdyqty oqyp kóz jetkizýge bolady. Bul jınaq gazet oqyrmandaryna ǵana emes, jýrnalıstıka tarıhy men ádebıettiń ótkenin zerttep júrgen ǵalymdarǵa, kásibı tarıhshylarǵa da taptyrmas qural bolady dep oılaımyn", - deıdi Darhan Qydyráli.

«Júz jyldyq jylnama» oqyrmanǵa jol tartty 

100 jyldyq mereıtoı qarsańynda jınaqtalǵan týyndynyń elektrondyq nusqasy keıin ınternet qoldanýshylarǵa da qoljetimdi bolmaq. "Júz jyl ishinde gazet birneshe álipbımen shyqty. Sonyń bárin birizdendirip, jalpy halyqqa túsinikti qarippen qaıta bastyq. Gazettiń ár jyldarda ár atpen shyqqan tigindilerin izdeýge ǵalymdardy da jumyldyrdyq."Ushqyndy" bir jerden tapsaq, "Eńbek týyn" taǵy bir jerden taptyq. Endigi mindet - Sherhan Murtaza, Ábish Kekilbaev sııaqty tulǵalar basqarǵan kezeńderdegi súbeli sandardy kitapqa basý", - deıdi gazet basshysy.

Jınaqty qurastyrýshylar kitapqa resmı tarıhta kezdese bermeıtin qundy derekter engenin aıtady.

«Júz jyldyq jylnama» oqyrmanǵa jol tartty 

"Sáken Seıfýlınniń kezindegi memlekettik til úshin baspasóz betinde qalaı kúres júrgenin, 1923 jyly ultqa qazaq ataýyn qaıtarý úshin kimderdiń basyn báıgege tikkenin kórýge bolady", - dedi Namazaly Omash.

«Júz jyldyq jylnama» oqyrmanǵa jol tartty 
«Júz jyldyq jylnama» oqyrmanǵa jol tartty 

Sharaǵa shaqyrylǵan ózge de mártebeli meımandar basylym ujymyna aqjarma tilekterin arnady.

 

 

Bizdiń kanalymyzǵa jazylyńyz:

Basty sózder: Qazaqstan tarıhy, BAQ,
Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT