Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 376.51 EUR 418.91
RUB 6.13 CNY 54.90
Jańalyqtar

Jazǵy ýnıversıada: Qazaqstan qorjynyna altynshy medal tústi

2019 jylǵy 11 shilde 03:31 654
Bólisińiz:
Jazǵy ýnıversıada: Qazaqstan qorjynyna altynshy medal tústi

NUR-SULTAN. QazAqparat - Italııanyń Neapol qalasynda ótip jatqan Jazǵy ýnıversıada oıyndarynda Qazaqstan qorjynyna altynshy medal tústi, dep habarlaıdy QazAqparat tilshisi.

Qazaqstandyq jelaıaq Mıhaıl Lıtvın ýnıversıadanyń kúmis júldegeri atandy. Jeńil atlet 400 metrlik qashyqtyqqa júgirýde máre syzyǵyn ekinshi bolyp qıdy. Onyń kórsetkishi - 46,77 sekýnd. Birinshi oryn meksıkalyq Valente Mendosqa buıyrsa, úzdik úshtikti Ońtústik Afrıkadan kelgen Gardeo Isaks túıindedi.

Esterińizge sala ketelik, búgingi kúnge deıin bizdiń elimizdiń qorjynyna bes medal tústi. Dzıýdodan Ǵalymjan Qyryqbaı chempıondyq tuǵyrǵa kóterilse, kúmis júldege gımnastıkadan Narıman Kýrbanov pen Mılad Karımı qol sozdy. Sondaı-aq, stend atýdan  Zoıa Kravchenko kúmis, Sársenkúl Rysbekova qola júldeger atandy.

Medaldar sany jóninen jalpy komandalyq esepte Qazaqstan 14 orynda keledi. Kósh basynda Japonııa, Qytaı, AQSh, Reseı jáne Ońtústik Koreıa quramalary keledi.

Jazǵy ýnıversıada oıyndary 3-14 shilde aralyǵynda ótkiziledi. Oǵan álemniń 170 memleketinen sportshylar keldi. Ýnıversıadada 5971 úmitker sporttyń 18 túrinen 222 medal jıyntyǵyn sarapqa salady. Jarysqa qatysýshylar fýtbol, basketbol, voleıbol, sý doby, sýda júzý, sýǵa sekirý, sporttyq gımnastıka, kórkem gımnastıka, dzıýdo, jeńil atletıka, ústel tennısi, jelkendi sport, regbı, nysana kózdeý, sadaqpen atý, tennıs, thekvondo, semserlesý sekildi sport túrlerinen baq synap jatyr.

Bıylǵy Jazǵy ýnıversıada oıyndarynda bizdiń elimizdiń atynan 94 sportshy el namysyn qorǵap jatyr. Olardyń arasynda semserlesýden 18, jeńil atletıkadan 16, thekvondodan 15, sadaqpen atýdan 8, nysana kózdeýden 10, sporttyq jáne kórkem gımnastıkadan 6, tennısten 4, dzıýdodan 10, sýǵa júzýden 7 sportshy qatysýda.

 

 

 

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT