Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Jappaı kásipkerlikti damytý baǵdarlamasy bıznestiń kókjıegin keńeıtýge múmkindik beredi

2017 jylǵy 24 qazan 21:27 10640
Bólisińiz:
 Jappaı kásipkerlikti damytý baǵdarlamasy bıznestiń kókjıegin keńeıtýge múmkindik beredi

QYZYLORDA. QazAqparat - Qyzylordalyq kásipker  Juldyzaı Arystanbaeva 6 paıyzdyq syıaqymen Jappaı kásipkerlikti damytý baǵdarlamasy aıasynda nesıe aldy.

 Bul týraly QazAqparat tilshisi «Damý» qoryna silteme jasap habarlady.

 Memlekettik baǵdarlamanyń kómegimen bıznesvýmen tigin tsehyn keńeıtý jobasyn júzege asyrýdy josparlaýda. Birneshe jyl kóleminde Juldyzaı Arystanbaeva otbasymen birge tiginshilikti meńgerip, tapsyrysqa kıim, jalıýzı jáne perdeler tigýmen aınalysyp keledi. Alaıda eskirgen qural-jabdyqtardyń kesirinen kásipkerge úlken kólemde tapsyrystar qabyldap, tsehtyń úzdiksiz jumys jasaýyn qamtamasyz etý qıynǵa soqty. Osy máseleni sheshý maqsatynda ol «Damý» qorynyń Kásipkerlerge qyzmet kórsetý ortalyǵyna kelip, Nátıjeli jumyspen qamtý jáne jappaı kásipkerlikti damytý baǵdarlamasynyń sharttary týraly aqparat aldy. KQKO keńesshisi Baǵdat Jomartov baǵdarlamanyń sharttarymen tanystyryp qana qoımaı, kásipker jobasyn qarjylandyrýǵa Ekinshi deńgeıli bankke súıemeldeý qyzmetin kórsetti.

Jappaı kásipkerlikti damytý baǵdarlamasy bıznestiń kókjıegin keńeıtýge múmkindik beredi

Nátıjesinde Qyzylorda qalasyndaǵy «ATF Bank» AQ fılıaly Juldyzaı Arystanbaevanyń jobasyn qarjylandyryp, Nátıjeli jumyspen qamtý jáne jappaı kásipkerlikti damytý baǵdarlamasy aıasynda 6%-ben nesıe berdi.Jeńildetilgen nesıe kásipkerge tigin tsehyn jańa qondyrǵylarmen jabdyqtap, ónim óndirisin arttyrýǵa múmkindik týǵyzady.

Eske sala ótsek, Nátıjeli jumyspen qamtý jáne jappaı kásipkerlikti damytý baǵdarlamasy aıasynda bıznesti bastaý nemese ony damytý maqsatynda Qyzylorda oblysy boıynsha kelesi Ekinshi deńgeıli bankterden nesıe rásimdeýge bolady: «Sberbank» AQ, «Qazaqstan Halyq Banki» AQ jáne «ATF Bank» AQ.  Baǵdarlamaǵa jumyssyz, bastaýysh jáne áreket etýshi kásipkerler qatysa alady. Qarjylandyrý baǵyty -saýda salasynyń aınalym qarajatyn toltyrýdan basqa kez kelgen bıznes túrine beriledi. Nesıe boıynsha syıaqy mólsheri 6 paıyz ǵana.

Toqtalyp óter jáıt, Elbasy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginiń 54-qadamynda: Kásipkerlerdiń múddelerin qorǵaý úshin bıznes-ombýdsmen ınstıtýtyn nyǵaıtý máselesin kótergen bolatyn. Sondaı-aq, jańa ınstıtýttyń quramyna bıznestiń jáne Ulttyq kásipkerler palatasynyń ókilderi kiredi»,-dep naqty kórsetken bolatyn.

 

 

Bizdiń kanalymyzǵa jazylyńyz:

Bólisińiz:

Avtor:

Elýbaı Áýezov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT