Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Japonııamen atom energııasyn paıdalaný jónindegi yntymaqtastyǵymyzǵa 25 jyl toldy - Prezıdent

2019 jylǵy 4 shilde 13:14 601
Bólisińiz:
Japonııamen atom energııasyn paıdalaný jónindegi yntymaqtastyǵymyzǵa 25 jyl toldy - Prezıdent

NUR-SULTAN. QazAqparat - Qazaqstan Prezıdenti Qasym-Jomart Toqaev «Marýbenı» saýda kompanııasynyń vıtse-tóraǵasy Shıgerý ıAmazoeni qabyldady, dep habarlaıdy QazAqparat Aqordanyń baspasóz qyzmetine silteme jasap.  

Memleket basshysy japondyq saýda kompanııasynyń tabysty qyzmet atqaryp jatqanyn atap ótip, Sheteldik ınvestorlar keńesiniń plenarlyq otyrysyna qatysatynyna rızashylyǵyn bildirdi. 

– Bizdiń Japonııamen atom energııasyn beıbit maqsatta paıdalaný jónindegi yntymaqtastyǵymyzǵa bıyl 25 jyl toldy. Biz osy aralyqta qarym-qatynastardy jan-jaqty keńeıtip ári nyǵaıta aldyq. Sonyń ishinde, ekijaqty tıimdi saýda-ekonomıkalyq baılanysymyz artty. «Marýbenı» kompanııasy Qazaqstan naryǵynda 1993 jyldan beri tabysty jumys istep keledi, – dedi Qasym-Jomart Toqaev.

Shıgerý ıAmazoe Qazaqstan men Japonııa arasyndaǵy qarym-qatynastardyń negizin salǵan QR Tuńǵysh Prezıdenti Nursultan Nazarbaevtyń eńbegin erekshe atap ótip, Memleket basshysy Qasym-Jomart Toqaevtyń barlyq saladaǵy ekijaqty yntymaqtastyqty odan ári jalǵastyratynyna senim bildirdi.

– Biz 30 jylǵa jýyq Qazaqstan naryǵynda jumys istep kelemiz. Osy aralyqta biz ınfraqurylym, energetıka, kólik salalaryna aralasyp, Nur-Sultan qalasynyń áýejaı qurylysyna da qatystyq. Sonymen qatar, biz 2007 jyldan beri eki el dostyǵynyń sımvoly ispettes – «Horasan» jobasyna da qatysyp kelemiz, – dedi Shıgerý ıAmazoe.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT