Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Janseıit Túımebaev: QHA jumysynyń áleýmettik vektoryn damytýymyz kerek

2019 jylǵy 13 maýsym 18:21 2141
Bólisińiz:
Janseıit Túımebaev: QHA jumysynyń áleýmettik vektoryn damytýymyz kerek

NUR-SULTAN. QazAqparat - QHA tóraǵasynyń orynbasary Janseıit Túımebaev Prezıdent Qasym-Jomart Toqaevtyń ulyqtaý rásiminde aıtylǵan baıandamasyna baǵdarlamalyq sıpat berip, assambleıa qandaı baǵytta jumys júrgizetinin aıtyp berdi, dep habarlaıdy QazAqparat tilshisi.

«Keshe Qasym-Jomart Toqaevtyń Qazaqstan Respýblıkasynyń saılanǵan Prezıdenti qyzmetine resmı kirisý rásimi ótti. Bul oqıǵa Qazaqstannyń jańa tarıhı kezeńge ótýi dep aıtýǵa tolyq negiz bar. Memleket basshysy Qasym-Jomart Toqaev óziniń ulyqtaý rásiminde sóılegen sózinde birqatar mańyzdy baǵyttarǵa basa mán berýimiz kerek ekenin atap ótti», - dedi Janseıit Túımebaev Prezıdenti ulyqtaý rásiminde aıtylǵan bastamalardy talqylaýǵa arnalǵan QHA keńesiniń otyrysynda.

Janseıit Túımabaevtyń aıtýyna qaraǵanda, assambleıaǵa birshama mindetter júktelip otyr.

«Memleket basshysynyń basty maqsatynyń biri - qoǵamnyń birligi saqtaý men ár azamattyń quqyǵyn qorǵaý ekenin eske salǵym keledi. Elektoraldy kampanııa áleýmettiń bul suranysyn qoǵamnyń kún tártibine alyp shyqty. Assambleıanyń quramyna barlyq etnostar kiretinin atap ótkim keledi. Qazaq halqy qoǵamdyq kelisim keńesi men analar keńesi arqyly assambleıanyń jumysyna belsendi aralasyp keledi», - dedi ol.

QHA tóraǵasynyń orynbasary óz sózinde jalpy máselelerdiń ortaqtyǵyn esepke alǵanda assambleıanyń biriktirýshi áleýeti kórinetinin jetkizdi.

«Biz QHA jumysynyń áleýmettik vektoryn damytýymyz kerek. Áleýmettik ahýaldyń jaılylyǵy halyqtyń birligin bekemdeı túsedi», - dedi ol.

Eske sala keteıik, keshe jańadan saılanǵan Qasym-Jomart Toqaev Qazaqstan Respýblıkasynyń Prezıdentin ulyqtaý rásiminde halqyna adal bolýǵa ant bergen bolatyn.

 

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT