Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Janseıit Túımebaev: Ǵylymı keńes qoǵamdaǵy protsesterdi tereń taldaýy tıis

2019 jylǵy 19 maýsym 17:05 1671
Bólisińiz:
Janseıit Túımebaev: Ǵylymı keńes qoǵamdaǵy protsesterdi tereń taldaýy tıis

NUR-SULTAN. QazAqparat - Elordada Qazaqstan halqy Assambleıasy tóraǵasynyń orynbasary Janseıit Túımebaevtyń tóraǵalyǵymen QHA Ǵylymı-saraptamalyq keńesiniń keńeıtilgen otyrysy ótip jatyr, dep habarlaıdy QazAqparat tilshisi.

«Biz búgin uly tarıhymyzdyń taǵy bir shebine táýelsizdigi bekem, bolashaǵy aıqyn el retinde qadam bastyq. Osynyń bári qoǵamdyq birlik pen ishki saıası turaqtylyqty saqtaý men ultaralyq qatynastardy retteýdiń tıimdi tetikterin jasaı alýymyzdyń arqasynda múmkin bolyp otyr. Bul Qasym-Jomart Toqaevtiń saılaýaldy baǵdarlamasynda aıqyndalǵan Sabaqtastyq, Ádildik, Órleý prıntsıpterimen ushtasady. Sabaqtastyq degen ol qoǵamnyń birligin saqtaý, el azamattarynyń turmys sapasyn arttyrý. Osy oraıda qoǵamdaǵy áleýmettik-ekonomıkalyq jáne saıası-rýhanı ózgerister men jańarýlardy júrgizýge Assambleıa belsene atsalysýda. Shynynda da, búgingi tańda Qazaqstan halqy Assambleıasy - saıası turaqtylyqtyń, etnosaralyq jáne konfessııaaralyq kelisimniń, el tynyshtyǵy men birliginiń belgisi bolyp otyr», - dedi keńes otyrysynda Janseıit Túımebaev.

Onyń aıtýyna qaraǵanda, Assambleıa ýaqyt talabyna saı jumys júrgizýi tıis.

«Jumystyń tyń ádisteri men amaldary kerek. Ǵylymı-saraptamalyq keńestiń basty mindeti osy dep bilemin. Birinshiden, Ǵylymı-saraptamalyq keńes qoǵamdaǵy protsesterdi tereń taldaı bilýi tıis. Jańa trendter men tegeýrinder men qaýipterdi aıqyndaýymyz kerek. Ol úshin shynaıy saıasatqa tereń ıntegratsııalanǵan abzal. Ekinshiden, ǵalymdar men sarapshylar qoǵamdyq-saıası alańdy qurýy tıis. Resmı basylymdarda ǵana emes, áleýmettik jelide de naqty ári uǵynyqty túsindirý jumystary júrgizilýi kerek», - dedi ol.

Janseıit Túımebaev: Ǵylymı keńes qoǵamdaǵy protsesterdi tereń taldaýy tıis 

Aıta ketsek, QHA Ǵylymı-saraptamalyq keńesiniń quramynda 52 ǵalym kiredi: onyń ishinde 31 ǵylym doktory, 12 ǵylym kandıdaty, zertteý ınstıtýttarynyń basshylary jáne qoǵam qaıratkerleri bar. QR Prezıdenti janyndaǵy MBA Ortalyq Azııa aımaǵyndaǵy etnosaralyq jáne konfessııaaralyq qatynastardy zertteý ortalyǵy QHA ǴSK-nyń jumys atqarý organy bolyp esepteledi.

Barlyq óńirlerde ǵylymı-saraptamalyq toptar qurylǵan. QHA ǴST-nyń ǵylymı bazasy - aımaqtyq JOO-lar. Qyzmetke barlyǵy 262 adam jumyldyrylǵan. Onyń ishinde ǵylym doktorlary - 57, ǵylym kandıdattary - 117, PhD doktorlary - 5.


Janseıit Túımebaev: Ǵylymı keńes qoǵamdaǵy protsesterdi tereń taldaýy tıis 

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT