Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Jańaózen jastary elimizdiń tarıhı oryndarynda boldy

2019 jylǵy 25 maýsym 11:57 1325
Bólisińiz:
Jańaózen jastary elimizdiń tarıhı oryndarynda boldy

JAŃAÓZEN. QazAqparat  - Saıası qýǵyn-súrgin qurbandaryn eske alyp, jastardy tarıhı-mádenı eskertkishtermen tanystyrý maqsatynda Jańaózen jastar resýrstyq ortalyǵy 18-20 maýsym kúnderi el astanasy Nur-Sultan qalasyna, Qaraǵandy jáne Aqmola oblystaryna tanymdyq ekspedıtsııa uıymdastyrdy. Top quramynda oqýshylar, stýdentter jáne jumysshy jastar, barlyǵy 30 belsendi jas boldy.

Jańaózen jastarynyń tanymdyq sapary 19 maýsym kúni Qaraǵandy oblysynyń Dolınka kentindegi Qaraǵandy eńbekpen túzetý lageriniń «Karlag» murajaıynan bastaldy. Qazaq jurtynyń qasiretine aınalǵan zulmatty jyldar men jazyqsyz jalmanǵan taǵdyrlardyń kýágeri bolǵan ǵımarat búginde mýzeıge aınalǵan. Jastar «Karlag» lagerinde tutqynda bolǵan azamattardyń ómir tarıxymen tanysyp, olardyń nelikten «xalyq jaýy» atanǵandyǵy týraly keńinen maǵlumattar aldy. Tutqyndardyń lagerde qandaı jaǵdaıda ómir súrgeninen, olardyń qalaı qınalyp, azaptalǵanynan habar beretin mýzeı eksponattarymen tanysty. Mýzeı qyzmetkerleri ótken tarıxty zerdelep, stalındik repressııa qurbandary týraly aqparat alýda «Karlag» murajaıyna tek Qazaqstannan ǵana emes, alys-jaqyn shet elderden qyzyǵýshylyq tanytyp keletin azamattar kóp ekendigin, sondaı-aq tarıxtyń áli de zerttelip, murajaı eksponattary tolyǵý ústinde ekendigin jetkizdi.

Jańaózen jastary elimizdiń tarıhı oryndarynda boldy 

Sapardyń ekinshi kúni jastar Aqmola oblysy Aqmol eldi mekeniniń aýmaǵyndaǵy saıası qýǵyn-súrgin jáne totalıtarızm qurbandarynyń «ALJIR» memorıaldy-murajaı keshenin aralady.  Saıası qýǵyn-súrgin qurbandaryn eske alý, elim dep eńiregen Alash zııalylarynyń ómirimen, olardyń jubaılarynyń azapty taǵdyrymen jastardy tereńirek tanystyrýdy maqsat tutqan ekskýrsııa barysynda jastar kóptegen qundy aqparattar aldy. Tutqyndar turǵan sabannan jasalǵan baraktar men sol kezde "Stalındik vagon" nemese "Qyzyl vagon" dep atalyp, lagerge tutqyn áıelderdi Odaqtyń jer-jerinen ákelgen vagondy, tutqyndardyń eńbekte qoldanǵan tigin mashınkalaryn, jazǵan hattaryn  jáne odan da ózge túpnusqa eksponattarmen tanysty.

Jańaózen jastary elimizdiń tarıhı oryndarynda boldy 

Murajaı eksponattarymen tanystyryp, naqaqtan jala jabylyp «halyq jaýy» atanǵan arystarymyzdyń, qatigez taǵdyrǵa dýshar bolǵan olardyń aıaýly jarlarynyń sol kezeńdegi qasiretti ómirinen syr shertken óte áserli ekskýrsııalar úshin Jańaózen jastary mýzeı ekskýrsovodtaryna sheksiz alǵysyn bildiredi. Murajaı ujymy men basshylyqtaryna raxmet aıta otyryp, xalqymyzdyń basynan keshken qasiretti jyldary endigi jerde tek tarıx betteri men murajaı sórelerinde ǵana qalsyn, aspanymyz ashyq, xalqymyz máńgi baqytty bolsyn degen tilek bildiredi.

Jańaózen jastary elimizdiń tarıhı oryndarynda boldy 

Jastar sondaı-aq, Tuńǵysh Prezıdent mýzeıin, «Atameken» etno-memorıaldy keshenin aralap, Qazaqstannyń egemendik alǵannan keıingi tarıhymen tanysty. Tanymdyq sapar jańaózendik jastardyń «Áziret sultan» meshitine barýymen qorytyndylandy. 


Jańaózen jastary elimizdiń tarıhı oryndarynda boldy 
Jańaózen jastary elimizdiń tarıhı oryndarynda boldy 
Jańaózen jastary elimizdiń tarıhı oryndarynda boldy 

 

Bizdiń kanalymyzǵa jazylyńyz:

Basty sózder: Jastar, Aımaq, Mańǵystaý oblysy,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT