Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.97 EUR 427.12
RUB 6.04 CNY 54.75
Jańalyqtar

Jalaǵashta et konservileıtin kásiporyn ashyldy

2019 jylǵy 12 shilde 23:50 230
Bólisińiz:
Jalaǵashta et konservileıtin kásiporyn ashyldy

JALAǴASh. QazAqparat - Qyzylorda oblysy Jalaǵash aýdanynda et býmalaý jáne konservileý tsehy óz jumysyn bastady, dep habarlaıdy QazAqparat tilshisi.

Tuńǵysh Prezıdent - Elbasy Nursultan Nazarbavtyń 2018 jylǵy Qazaqstan halqyna joldaýynda agroónerkásip kesheniniń áleýetin tolyq iske asyrý kerektigi aıtylǵan.

Atalmysh tseh Jalaǵash aýdany Tań aýyldyq okrýgine qarasty Jańaqonys eldi mekeninde ornalasqan.  «AgroLıder Tań» JShS-ne qarasty et býmalaý, konservileý tsehy memlekettik-jekeshelik áriptestik negizinde júzege asqan. Munda kúnine 10 iri qara soıylyp, 500 keli et óńdeledi. Tseh qurylysy ótken jyldyń tamyz aıynda bastalǵan edi. Ǵımaratta mal soıý, et kesý jáne býmalaý bólmeleri, muzdatqysh ornalasqan. Jaýapty jumysty veterınar, tehnolog, zerthanashylar atqarady.

Jalaǵashta et konservileıtin kásiporyn ashyldy 

«Bizdiń ónimdi ázirge óńir turǵyndary tutynýda. Aldaǵy ýaqytta naryq aýqymyn ulǵaıtyp, basqa oblystarmen baılanys ornatýǵa bekinip otyrmyz», - dedi «AgroLıder Tań» JShS dırektory Sáken Shaǵyrtaev.

Búginde Syr óńirinde mal basy ósip keledi. Qazirgi tańda oblysta 350,9 múıizdi iri qara, 821,2 myń qoı men eshki, 147,9 myń jylqy, 51,9 myń túıe bar dep eseptelip otyr. Jyl basynan beri tirileı salmaqta 13,4 myń tonna et óndirilgen.

Sondaı-aq, bıyl mamyr aıynda Qyzylorda qalasyna qarasty Talsýat aýylynda et kombınatynyń irgetasy qalandy. Oblys ortalyǵynda salynyp jatqan kombınat vakýýmdyq qaptamada jylyna 5 myń tonna tereń óńdelgen et óndiredi. 

 

 

Bizdiń kanalymyzǵa jazylyńyz:

Basty sózder: Qyzylorda oblysy, Ónerkásip,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT