Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Zańdar sapasyn arttyrý úshin Senatta aýqymdy sarapshylar pýly qurylmaq

2019 jylǵy 4 shilde 15:34 1295
Bólisińiz:
Zańdar sapasyn arttyrý úshin Senatta aýqymdy sarapshylar pýly qurylmaq

NUR-SULTAN. QazAqparat - Ózekti ári rezonansty máseleler boıynsha parlamenttik tyńdaýdy jıi ótkizý qajet. Bul týraly QR Parlamenti Senatynyń tóraǵasy Darıǵa Nazarbaeva málim etti, dep habarlaıdy QazAqparat tilshisi.

"Prezıdent Qasym-Jomart Kemeluly qyzmetke kirisý rásiminde sóılegen sózinde ózi júrgizetin saıasattyń 10 baǵytyn tujyrymdady. Bul baǵyttardyń árqaısysy Parlamenttiń mazmundy qyzmetter atqarýy qajettigin bildiredi", - dedi D. Nazarbaeva Senattyń jalpy otyrysynda.

Osy oraıda ol qyzmettik turǵydaǵy Senattyń qadamdaryna toqtaldy.

"Birinshiden, Prezıdenttiń tapsyrmalaryn eskere otyryp, 2019 jylǵa arnalǵan Senattyń jumys josparyn túzetý. Qajet bolsa, zań jobalaryn ázirleý men qabyldaýǵa bastamashylyq jasaý kerek. Ekinshiden, zańdardyń oryndalýyn qadaǵalaý úshin Úkimet músheleriniń óz qyzmeti týraly esepterin tyńdaý rásimderin tolyq kólemde paıdalanǵan jón. Ózekti ári rezonansty máseleler boıynsha parlamenttik tyńdaýdy jıi ótkizý qajet", - dep toqtaldy Senat spıkeri.

Úshinshiden, aımaqtarmen júıeli negizde mańyzdy máseleler boıynsha jumys júrgizý qajet, sondaı-aq  senatorlarǵa aımaqtardy aralap, jergilikti máslıhattarmen jáne qoǵamdyq uıymdarmen jumys isteýdi josparlaý kerektigi aıtyldy.

"Tórtinshiden, biz Senattyń qyzmetin barynsha jarııa jáne ashyq túrde júzege asyrýǵa nıettimiz. Bul jumys qazirdiń ózinde júrgizilip jatyr. Senattyń veb-saıty jańartyldy. Kúzden bastap Parlamenttiń joǵary palatasynyń zańnamalyq jáne jumys materıaldary qoljetimdi bolady. Besinshiden, qabyldanǵan zańdardyń sapasyn arttyrý úshin Senatta aýqymdy sarapshylar pýlyn qurýdy kózdep otyrmyz. Zańdardy talqylaý ári qabyldaý kezinde ǵylymı qoǵamdastyqtyń, jastar men genderlik uıymdardyń, eriktiler qozǵalystarynyń, ÚEU jáne kásipkerlerdiń pikirleri eskerilýi kerek", - dedi Darıǵa Nazarbaeva.

 

 

Bizdiń kanalymyzǵa jazylyńyz:

Basty sózder: Senat, Parlament, Zań,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT