Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Vladımır Bojko: Qazaq tilin úıretý jumysyn kúsheıtýimiz kerek

2019 jylǵy 14 maýsym 09:36 5269
Bólisińiz:
Vladımır Bojko: Qazaq tilin úıretý jumysyn kúsheıtýimiz kerek

NUR-SULTAN. QazAqparat - Qazaqstan halqy Assambleıanyń jumysyna qazaq zııalylaryn, qazaq jastaryn tartýymyz kerek. Parlament Májilisiniń vıtse-spıkeri Vladımır Bojko osylaı aıtty, dep habarlaıdy QazAqparat tilshisi.

«Biz Assambleıanyń jumysyna qazaq zııalylaryn, qazaq jastaryn tartýymyz kerek. Birlik pen kelisimdi tý etip kelemiz. Quraýshy ult (qazaqtyń - avt.) ekenin durys túsinip otyrmyz. Sońǵy oqıǵalardy saraptaı otyryp, jastardy, qazaq zııalylaryn belsendi túrde Qazaqstan halqy Assambleıasynyń jumysyna jumyldyrýǵa tıispiz. «Qazaqstannyń 100 jańa esimine» engen myqty azamattar barshylyq. Jetistikke jetken azamattardy assambleıanyń jumysyna aralastyrý kerek», - dedi ol QR Prezıdenti ulyqtaý rásiminde aıtylǵan bastamalardy talqylaýǵa arnalǵan QHA keńesiniń otyrysynda.

Sonymen birge, Vladımır Bojko qazaq tilin úıretýdi tereńdetý qajettigin atap ótti.

«Biz qazaq tilin úıretý jumysyn kúsheıtýimiz kerek. Ásirese, jastar arasynda. Qazaq tilin biletin jastar flagman, úlgi bolyp, osy baǵytta jumys júrgizýimiz kerek. Qazaq tili - memlekettik til. Bizdiń bárimiz qazaq tiliniń áleýmettik, ekonomıkalyq lıftke aınalǵanyn túsinýimiz kerek», - dedi Vladımır Bojko.

Eske sala ketsek, atalmysh otyrysta QHA tóraǵasynyń orynbasary Janseıit Túımebaev Prezıdent Qasym-Jomart Toqaevtyń ulyqtaý rásiminde aıtylǵan baıandamasyna baǵdarlamalyq sıpat berip, assambleıa qandaı baǵytta jumys júrgizetinin aıtqan bolatyn.

 

 

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT