Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Úkimet 2019 jylǵa arnalǵan bıýdjetti naqtylaý týraly sheshim qabyldady

2019 jylǵy 2 shilde 10:24 991
Bólisińiz:
Úkimet 2019 jylǵa arnalǵan bıýdjetti naqtylaý týraly sheshim qabyldady

NUR-SULTAN. QazAqparat - Búgin Qazaqstan Úkimeti 2019 jylǵa arnalǵan bıýdjetti naqtylaý týraly sheshim qabyldady, dep habarlaıdy QazAqparat tilshisi.

"Prezıdent birqatar áleýmettik sharalardy qabyldady. Olardy iske asyrý azamattarǵa áleýmettik problemalardy sheship qana qoımaı óziniń materıaldyq jaǵdaıyn aıtarlyqtaı jaqsartýǵa múmkindik beredi. Sondyqtan qazir bizdiń aldymyzda turǵan mindet  - olardy ýaqytynda oryndaý  úshin barlyq uıymdastyrýshylyq jáne zańnamalyq máselelerdi jyldam sheshý",  - dedi Úkimet otyrysyn qorytyndylaǵan Asqar Mamın.

Úkimet basshysynyń atap ótýinshe, ol úshin 2019-2021 jyldarǵa arnalǵan respýblıkalyq bıýdjettiń jobasyna qajetti qarajat kózdelgen. 

"Baıandamalarda "Eńbek" baǵdarlamasyna túzetýler engiziletindigi aıtyldy. Olar shaǵyn kredıtter berýge, grant bólý quraldaryn keńeıtýge, kásipkerlik negizderin oqytýǵa, qysqa merzimdi oqytýǵa baǵyttalǵan. 2019-2021 jyldarǵa arnalǵan respýblıkalyq bıýdjetke jáne "Eńbek" memlekettik baǵdarlamasyna ózgerister men tolyqtyrýlar engizý týraly tıisti Úkimet qaýlylaryn daýys berýge shyǵaramyn",- dep atap ótti Premer-Mınıstr.

Qaýly jobalaryn Úkimet músheleri biraýyzdan qoldaǵannan keıin Asqar Mamın Qarjy mınıstrligine Premer-Mınıstr keńsesimen birlesip, 2019 jylǵa arnalǵan respýblıkalyq bıýdjetti naqtylaý boıynsha zań jobasyn Parlament Májilisine engizýdi tapsyrdy.

Aıta keteıik, búgin Úkimet otyrysynda Qazaqstandyqtardyń ál-aýqatyn arttyrý jáne áleýmettik máselelerdi sheshý boıynsha Memleket basshysynyń tapsyrmalaryn, sondaı-aq 26 maýsymdaǵy Qazaqstan azamattarynyń borysh júktemesin azaıtý sharalary  týraly Jarlyǵyn iske asyrý úshin 2019 jylǵa arnalǵan respýblıkalyq bıýdjetti naqtylaý jobasy tanystyrylǵan bolatyn. 

 

 

 

Bizdiń kanalymyzǵa jazylyńyz:

Basty sózder: QR Premer-Mınıstri, Bıýdjet,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT