Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Túrkistanda jer telimderin alýdaǵy sot tájirıbesin qalyptastyrý jaıy talqylandy

2019 jylǵy 4 aqpan 12:58 1415
Bólisińiz:
Túrkistanda jer telimderin alýdaǵy sot tájirıbesin qalyptastyrý jaıy talqylandy

TÚRKІSTAN.QazAqparat - Túrkistan oblystyq sotynyń oqý ortalyǵynda jer telimderin memleket muqtajdyǵyna alý sanatyndaǵy ister boıynsha birkelki sot tájirıbesin qalyptastyrý maqsatynda dóńgelek ústel ótti, dep habarlaıdy QazAqparat tilshisi.

Basqosýǵa oblystyq jáne Túrkistan qalalyq sottarynyń sýdıalary, prokýratýra men ákimdiktiń, jer qatynastary men jer qatynastaryn baqylaý, sáýlet jáne qala qurylysy men sáýlet jáne qala qurylysyn baqylaý basqarmalarynyń qyzmetkerleri, BAQ ókilderi qatysty.

Jıynda oblystyq sottyń Azamattyq ister boıynsha sot alqasynyń tóraǵasy Túgel Bekimbetov, búgingi tańda Túrkistan qalasynyń mártebesi ózgerýine baılanysty jer telimderin memleket muqtajdyǵyna alý jumystary júrgizilip jatqandyǵyn atap ótti. Túrkistan qalalyq sotyna osy sanattaǵy túsken isterdiń sany birneshe ese kóbeıgenin jetkizdi.

Al, Túrkistan oblystyq sotynyń sýdıasy Aıat Alshynbaev pen Túrkistan qalalyq sotynyń sýdıalary Dına Beısenbekova men Qymbat Shyńǵysbaeva sotqa sońǵy kezde túsip jatqan jer telimderin memleket muqtajdyǵyna alýǵa baılanysty talap aryzdar túsip jatqanyn aıtyp ótti. Ondaǵy  keıbir talap aryzdarǵa qosa tirkeletin qujattardyń tolyq bolmaýyna baılanysty, isterdi zańmen belgilengen merzimde qaraý qıyndyq týdyryp otyrǵanyna toqtaldy. Jıynǵa qatysyp otyrǵan basqarmalar ókilderi óz taraptarynan oryn alyp jatqan keshilikterdiń sebepterin túsindirdi. Pikir almasý barysynda Túrkistan oblysy ákiminiń orynbasary Erbol Sadyr basqarma ókilderine aldaǵy ýaqytta mundaı jaǵdaılardy boldyrmaý týraly eskertti. Jıynǵa qatysýshylardy Túrkistan qalasynyń bolashaqta damý josparymen tanystyryp, osy sanattaǵy isterdiń áli de kóp bolý múmkin ekenin atap ótti. Sonymen qatar, qatysýshylar kún tártibindegi máseleler boıynsha usynystaryn ortaǵa salyp, aldaǵy ýaqytta ózara tyǵyz baılanysta jumys atqarýǵa kelisti.

 

 

Bizdiń kanalymyzǵa jazylyńyz:

Basty sózder: Sot, Túrkistan oblysy, Jer máselesi,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT