Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Túrikmenstan Kaspıı konventsııasyn ratıfıkatsııalady - QR SІM

2019 jylǵy 11 aqpan 17:34 1635
Bólisińiz:
Túrikmenstan Kaspıı konventsııasyn ratıfıkatsııalady - QR SІM

ASTANA. QazAqparat - QR Syrtqy ister mınıstrligi Kaspıı konventsııasyn ratıfıkatsııalaý protsesi jaıynda málimet taratty, dep xabarlaıdy QazAqparat tilshisi.

Mınıstrliktiń resmı ókili Aıbek Smadııarovtyń aıtýynsha, osy ýaqytqa deıin Kaspıı konventsııasyn Qazaqstanmen qatar Túrikmenstan ǵana ratıfıkatsııalady.

"Endigi kezekte, biz Kaspıı mańy basqa da elderdiń atalǵan qujatty ratıfıkatsıalaýyn kútemiz", - dedi A.Smadııarov Astanada ótken baspasóz máslıxatynda.

A.Smadııarov osydan úsh kún buryn QR Prezıdenti Nursultan Nazarbaevtyń Kaspıı teńiziniń quqyqtyq mártebesi týraly konventsııany ratıfıkatsııalaý týraly zańǵa qol qoıǵanyn eske saldy.

«Osylaısha, bizdiń memleketimiz bul tarıxı qujatty ratıfıkatsııalady. Atalǵan qujat qazaqstandyq dıplomattardyń jáne basqa da memlekettik organdardyń Kaspıı mańy elderimen 20 jyldan astam ýaqyt boıy júrgizgen kelissózderdiń nátıjesi bolyp tabylady. Byltyrǵy jyly 12 tamyzda Kaspıı bestiginiń memleket basshylary Aqtaý qalasynda Kaspıı teńiziniń quqyqtyq mártebesi týraly konventsııaǵa qol qoıǵan bolatyn. Memleket basshysy atap ótkendeı, konventsııa Kaspıı teńiziniń konstıtýtsııasy bolyp tabylady. Quqyqtyq máselelerdi sheshý tek jaǵalaýdaǵy memleketterdiń is-qımylyna ǵana emes, sonymen qatar, ınvestıtsııa tartý úshin qolaıly jaǵdaı týǵyzady. Kaspııdiń besjaqty saýda-ekonomıkalyq baılanystaryn syrtqy álemmen, kóliktik ınfraqurylymmen jáne tutastaı alǵanda aımaqtyń tranzıttik áleýetin damytýǵa oń áserin tıgizedi. Budan bólek, konventsııa qazaqstandyq sektordyń túbin delımıtatsııalýdy aıaqtaýǵa, sondaı-aq, memlekettik shekaranyń búkil perımetri boıynsha, onyń ishinde Kaspıı teńiziniń shekarasyn delımıtatsııalaýdy aıaqtaýǵa múmkindik beredi» , - dep atap kórsetti A.Smadııarov. 

 

 

Bizdiń kanalymyzǵa jazylyńyz:

Basty sózder: Kaspıı, Aqtaý sammıti, QR SІM,
Bólisińiz:

Avtor:

Arman Asqarov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT