Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý

2019 jylǵy 8 maýsym 11:20 1879
Bólisińiz:
«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA shetelde qazaq tilinde taraıtyn aqparat kózderine aptalyq sholýyn usynady.

Tıbet ústirti álemdegi eń jaqsy jer - «Jenmın jıbao» (People Daily)

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Qytaı  ǵylym akademııasy mamandarynyń baǵalaýynsha, Tsınhaı-Sıkan-Tıbet taýly qyraty álemdegi ekologııalyq jaǵdaıy eń jaqsy óńirlerdiń biri  bolyp sanalǵan,  dep habarlaıdy kazakh.people.com.cn saıty.

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

«Tıbet ústirtiniń túrli ekologııalyq júıesiniń tabıǵı birtutastyǵy saqtalyp, aýa, sý, topyraq ekologııasy bólinbegen. Qazirgi kúni Tıbet avtonomııalyq ólkesinde 47 ártúrli erekshe qorǵalatyn tabıǵı aýmaqtar bar. 2001  jyldan beri memleket mundaı  erekshe qorǵaý rejımi belgilengen memlekettik tabıǵı-qoryqtar men tabıǵı keshenderdi qorǵaýǵa 32 mlrd ıýanǵa jýyq aqsha bólgen», - dep jazady basylym.

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Málimetke qaraǵanda, Tsınhaı-Sıkan-Tıbet taýly qyraty - Jer sharyndaǵy eń bıik jáne aýmaqty taýly qyrat. Jer aýmaǵy 2 mln sharshy km. Ortasha bıiktigi 4000 - 5000 m, kóptegen jotalardyń bıiktigi 6000 - 7000 m jetedi. «Tıbettiń tarıhı astanasy Lahasada Tıbet býddısteriniń qasıetti ortalyǵy  Potala jáne Norbýlıngka saraılary ornalasqan», - dep jazady «Jenmın jıbao» saıty.

«Asyl mura» kompanııasynyń ónimderin Ulybrıtanııalyqtar satyp alady  - KAZNEWS

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Mońǵolııanyń KAZNEWS aqparattyq portalynda ulttyq qolóner kásibimen naryqtan óz ornyn sátti tapqan, belgili kásipker - «Asyl mura» kompanııasynyń negizin qalaýshy Gúlmaıra Ákimqyzymen bolǵan suhbat jaryq kórdi.

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Atalǵan BAQ-tyń jazýynsha, Gúlmaıra Ákimqyzy 2004 jyly Choı Lývsanjav atyndaǵy Lıngvıstıka ınstıtýtynan mádenıettanýshy mamandyǵyn ıgergen. 2013 jyly Mońǵolııanyń Ǵylymı tehnologııalyq ýnıversıtetinen dızaın-jobalaýshy magıstri dárejesin alǵan. Onyń ónerge degen talpynysy men talanty qolónerdi kásip etip, qazaq halqynyń ulttyq murasyn Mońǵolııa eli men shetelderge tanytýyna jáne álem jurtyna óz ónimderin saýdalaıtyn kompanııa qurýyna jol ashqan.

«Stýdent kezimde art-dúkender arqyly týrısterge eski túskıiz satyp júrdim. Eski túskıiz azaıǵan soń, jańasyn nege tigip satpasqa degen oı keldi. Sodan bastap týra osy kásipti qolǵa aldym. 2007 jyly suranystyń artýyna oraı jumysshylar sanyn kóbeıtip, «Asyl mura» kompanııasyn joldasym ekeýimiz qurdyq. Qazir tigin óndirisimizde Nalaıh qalasynda 32 jumysshy,  Baıan-ólgeıde 22 kesteshi jumys isteıdi. Sonymen birge 80-ge jýyq kesteshimen kelisimshart arqyly birlese jumys atqarýdamyz. Ónimniń jetpis paıyzyn tapsyryspen jasaımyz. Ulybrıtanııalyq áriptesterimiz bar. Qyryq paıyzyn solar alady. Odan keıingisin QHR Shyńjań-Uıǵyr avtonomııaly raıonyndaǵy kompanııaǵa ótkizemiz. Elimizdegi eń úlken saýda jelisi «Nomın» sýpermarketterinde, Baıan-Ólgeıde Pamýkalle ǵımaratynyń ekinshi qabatynda ónimderimiz satylady. Óndiristiń basty qozǵaltqyshy - ónim satyp alýshylar. Solardyń arqasynda jetistikke qol jetkizýdemiz», - deıdi Gúlmaıra Ákimqyzy.

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Kásipker KAZNEWS aqparattyq portalyna bergen suhbatynda bolashaq josparlarymen de bólisken.

«Qolónershiler ortalyǵyn týǵan jerimde ashpaqpyn. Jerdi alyp qoıdym, endi ınfraqurylymdardan bastap iske qosýym qajet. Qazir týrıster úshin ǵana ónim óndirsek, keleshekte Qazaqstanǵa eksporttalatyn eksklıýzıv, sapaly zattardy shyǵarý maqsatymyz bar. Basty armanym aldaǵy 3-5 jylda halyqaralyq dárejedegi 500 áıel jumys jasaıtyn kásiporyn ashý,  óndirister jelisin qurý. Keleshekte «Asyl mura»-dan qalǵan zat dep aıtatyndaı jeke qoltańbasy bar ónimder shyǵarsam deımin. Ulanbatyrda turatyndyqtan kóbinde mońǵol tilindegi kitaptardy oqýǵa týra keledi. Ózim ǵana oqyp úırenbeı, jumysshylardy da oqytýǵa nazar aýdaramyn.  Shveıtsarııanyń kýrstyq oqytý jáne Japonııanyń mońǵol-japon bıznes ortalyqtarymen birlese jumys isteımiz», - deıdi ol.

Gúlmaıra Ákimqyzy atalǵan suhbatynda adamdar eńbekshil, talapty bolsa oılaǵan armanyn oryndaı alatynyn jáne áıelderdiń bıznespen aınalysýy áleýmettik máselelerdiń ońtaıly sheshilýine jol ashatynyn aıtady.

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

«Qytaı ǵulamasy Konfýtsıı «Dúnıede eki adam bolady. Bireýi basqarýshy, ekinshisi - jumysshy» degen. Ol áıel, erkek demegen. Eńbekshil adamǵa ǵana basqalar qurmetpen qaraıtyn bolady. Jetistik ońaı kelmeıdi. Sondyqtan áleýmettik máselelerdi sheshý úshin áıelder bızneske kóptep kelýi qajet dep oılaımyn. Biraq áıel, er adam dep bólgim kelmeıdi. Daıyn zat satýdan óndiris bastaýdyń mańyzy qoǵamda óte zor. Óndiris damymaı, el damymaıdy. Salyq tóleý, adamdarǵa jumys taýyp berý arqyly biz aqsha óndiretin bolamyz», - deıdi.

«Tulpar mekeni» atalǵan Mońǵolkúre -  «Ortalyq halyq radıosy» (CNR)

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Qytaı memleketi «Tulpar mekeni» dep tanyǵan Іle Qazaq avtonomııaly oblysynyń Mońǵolkúre aýdanynyń jylqy mádenıetiniń tarıhy uzaq, tamyry tereńde, dep jazady qytaılyq kazakcnr.com saıty.

«Іle jylqysy tarıhta Qytaıdyń han dınastııasy men Úısin memleketi tusynda atty áskerlerdiń senimdi serigi sanalyp, dańqy shyqqan. Tarıhtan beri tekti tulparymen ataǵy alysqa jetken Mońǵolkúreniń jylqy mádenıetiniń tarıhy uzaq, tamyry tereńde. Іle jylqysyn ósirý ortalyǵy sanalatyn bul aýdanda 100 myń jylqy bar, munyń 90 paıyzy Іle jylqysy. Bul, Shynjańdaǵy Іle jylqysynyń 60 paıyzyn quraıdy. Sondyqtan Mońǵolkúre búkil Qytaı eli boıynsha jylqy sany eń kóp, jylqy sapasy eń jaqsy aýdan esepteledi», - dep jazady saıt.

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Aqparatqa qaraǵanda, Qytaı aýyl sharýashylyǵy mınıstrligi 2003 jyly Mońǵolkúre aýdanyna «Qytaıdyń tulpar mekeni» degen ataq bergen.

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

«Іle óńiriniń qońyrjaı klımaty, taýly, adyrly alqaby, shuraıly jaıylymy jylqy ósirýge erekshe qolaıly. Mońǵolkúre aýdanynyń tulparlary memleket, ólke dárejeli at sporty básekesinde 150 medal alyp, aldyńǵy orynǵa shyqqan. Al Іle jylqysy memleket boıynsha at sporty jarystaryna qatysatyn jylqylardyń 70 paıyzǵa  jýyǵyn ıelegen», - delingen qytaılyq BAQ-ta.

Qazaqstandyq ushaqty Mýglada «Sýdan alqa» rásimimen kútip aldy - TRT

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Qazaqstannan túńǵysh ret Mýglaǵa jolaýshylar ushaǵy kelip qondy. Bul oqıǵaǵa arnalyp sýdan jasalǵan alqa rásimi uıymdastyryldy, dep habarlaıdy Túrkııa Radıo Televızııa mekemesiniń resmı portaly.

«Almaty qalasynan alǵashqy týrıster tobyn tasymaldaǵan jolaýshy ushaǵyn Mılas-Bodrým áýejaıynda órt sóndirý kólikteri «Sýdan alqa» rásimimen kútip aldy. Ushaqtan túsken 189 jolaýshyǵa áýejaıda kútip alýshylar gúl usyndy, ushqysh pen ekıpajǵa arnalyp tort berildi. Mılas-Bodrým áýejaıynyń basshysy Ijlal Kaıaoǵlu málimdeme jasap, «Eır Astanany» Almaty men Mýgla arasyndaǵy ózara ushaq reısi senbi jáne sársenbi kúnderi qatynaıtynyn aıtty», - dep jazady TRT.

Basketboldan Qytaı  quramasyna Shyńjańdyq eki oıynshy qabyldandy - «Jenmın jıbao» (People Daily)

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Qytaı basketbol qoǵamy toptyq jattyǵýǵa qatysatyn erler quramasy músheleriniń jańa tizimin jarııalady. Olardyń qatarynda Shyńjańdyq eki oıynshy bar, dep jazady kazakh.people.com.cn saıty.

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

«Basketboldan Qytaı quramasynyń jańa músheleriniń qataryna Shyńjań ólkesinen Qyranbek Beken men Abdysalam Ábdreshıt qabyldandy. Shyńjań ólkesi Basketbol quramasynyń kapıtany Qyranbek Beken men eki jyldan beri memlekettik quramada oınap júrgen  Abdysalam Ábdreshıt osy ýaqytqa deıin túrli jarystarǵa qatysyp, ózderiniń bilikti, sheber oıynshy ekenderin dáleldegen. A.Ábdreshıt asqan sheberligimen  2018 jylǵy Azııa chempıonatynda Qytaı quramasynyń jeńiske jetýine septigin tıgizgen. Qazirgi kúni Ulttyq quramaǵa 20 oıynshy tańdalyp alynǵan. Bul qurama Qytaıda ótetin basketboldan 2019 jylǵy Álem chempıonatyna jáne  2020  jylǵy olımpıada oıyndaryna daıyndalý úshin qurylǵan», - dep jazady «Jenmın jıbao» saıty.

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Oqýshy qyzdar kıiminiń etegi tizeden tómen bolady -«ÓzA» aqparattyq agenttigi

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

2019-2020 oqý jylynan bastap Ózbekstanda memlekettik jalpy orta bilim berý mekemelerinde zamanaýı mektep formasyn engizý josparlanýda, dep habarlaıdy Ózbekstannyń «ÓzA» memlekettik aqparattyq agenttigi.

«Aldaǵy ýaqytta búkil respýblıka boıynsha barlyq oqýshylar birdeı kıinetin bolady. Kıim óte tar nemese óte keń pishimde bolmaıdy. Memlekettik standartqa saı, oqýshy qyzdardyń kıimi tizeden 5-15 sm tómen bolady», -  dep jazady  «ÓzA» aqparattyq agenttigi.

Al oqýshy balalardyń shalbary tobyqtan tómen, aıaq kıiminiń ókshesi 3 sm aspaıtyndaı etip jasalady. 

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

«Zamanaýı jańa mektep kıiminiń matasy, oqýshylardyń jasyna qaraı, sanıtarııa talaptaryna, normaǵa saı jáne gıgıenalyq talaptarǵa da baılanysty tolyqtaı sáıkes keletin etip jasalady», delingen.

Irannyń tańǵajaıyp tarıhı aýyly - Meımand - «Fars» aqparat agenttigi

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

Meımand aýyly - Irannyń tarıhı aýyldarynyń biri. Ol Kerman oblysynda Babak qalasynan 30 shaqyrym jerde ornalasqan, dep habarlaıdy parstoday aqparat agenttigi.

«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

«Qolda bar derekterge sáıkes, jartastardyń ortasynda oıylyp salynǵan bul tańǵajaıyp aýyldyń 2-3 myń jyldyq tarıhy bar. Meımand aýylyndaǵy bir nemese birneshe bólme men qoradan turatyn úı «kıdje» dep atalady», - dep jazady parstoday.


«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 
«Tulpar mekeni» atalǵan Mońǵolkúre - Sheteldegi qazaqtildi BAQ-qa sholý 

 

 

Bizdiń kanalymyzǵa jazylyńyz:

Basty sózder: BAQ, Álem, Qandastar, Internet,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT