Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

TOP-10: Qostanaı oblysy bıyl nemen maqtana alady

2017 jylǵy 31 jeltoqsan 11:56 1221
Bólisińiz:
TOP-10: Qostanaı oblysy bıyl nemen maqtana alady

QOSTANAI. QazAqparat - 2017 jyl Qostanaı oblysynda «Tarıhqa taǵzym jasaý jyly» bolyp jarııalanǵan bolatyn. «QazAqparat» HAA astyqty aımaqtaǵy jyldyń eleýli on oqıǵasyna toqtalady.

Keıki batyrdyń súıegi jer qoınyna tapsyryldy

TOP-10: Qostanaı oblysy bıyl nemen maqtana alady 

Keıki batyr Kókembaıulynyń bas súıegin jer qoınyna tapsyrý rásimi tutas el úshin erekshe tarıhı oqıǵa boldy. 15 qyrkúıek kúni Amankeldi aýdanyna qarasty Tasty aýylynyń tusynda batyrǵa arnalyp salynǵan kesenege bassúıek jerlendi. Shara respýblıkalyq sıpatqa ıe boldy. Jerleý rásimine Parlament depýtattary, memlekettik organdardyń basshylary, qoǵam qaıratkerleri, belgili ǵalymdar, shyǵarmashylyq zııaly qaýym ókilderi qatysty. Túrli mádenı jáne sporttyq sharalar, halyqaralyq ǵylymı-tájirıbelik konferentsııa ótti. QR Mədenıet jəne sport mınıstri Arystanbek Muhamedıuly Keıki batyrdyń músinin Qostanaı oblysynyń mýzeıine syıǵa tartty.

Shaqshaq Jánibektiń eskertkishi ashyldy

TOP-10: Qostanaı oblysy bıyl nemen maqtana alady 

Qostanaıda Jánibek Qoshqarulynyń eskertkishi boı kóterdi. Joba bastamashysy - belgili akademık Kenjeǵalı Saǵadıev. Tarıhı tulǵanyń tuǵyry qalanyń batys jaq kireberisindegi aınalma joldyń ortasyna qoıyldy. Shaqshaq Jánibek eskertkishi qurylysyna 270 tonna tas jumsaldy. Eskertkishtiń ózine Almaty oblysynda óndirilgen qola paıdalanyldy. Nysannyń bıiktigi - 14,45 metr. Eskertkish avtory - belgili mádenıet qaıratkeri  Qadyrjan Kákimov. Batyr babaǵa arnalǵan baǵdarlamalar legi A. Baıtursynov atyndaǵy Qostanaı memlekettik ýnıversıtetindegi halyqaralyq ǵylymı-tájirıbelik konferentsııamen jalǵasty.

Indýstrııalyq aımaq - ekonomıkalyq qýat

TOP-10: Qostanaı oblysy bıyl nemen maqtana alady 

Jyl aıaǵynda ashylǵan ındýstrııalyq aımaqtyń negizgi maqsaty - jeke kásipkerlerdi qoldap, otandyq jáne sheteldik óndiris nysandarynyń jumys isteýine qolaıly jaǵdaı jasaý. Óndiris orny oblys ortalyǵynyń soltústik-batys jaq qıyrynda, Fedorov aýdanyna qaraı shyǵa beriste ornalasqan. Ony salý úshin 2,5 mlrd teńge jumsaldy. Kólemi 400 gektar jerdi alyp jatyr. Ázirge 120 ga aýmaqta qurylys qarqyndy júrýde. Qalǵan aýmaqqa taǵy basqa ınvestorlar tartý qarastyrylý ústinde. Oblys ákimi A.Muhambetovtiń aıtýynsha, aldaǵy eki jylda munda kem degende 10 óndiris oshaǵy jumys isteýi tıis.

Halyqaralyq ınvestıtsııalyq forým ótti

TOP-10: Qostanaı oblysy bıyl nemen maqtana alady 

«Kostanay-Invest 2017» - Qostanaı oblysynyń áleýmettik-ekonomıkalyq damý jetistikterin kórsetetin ashyq dıalog alańy. Eki kún boıy jalǵasqan aýqymdy sharaǵa QR Investıtsııa jáne damý vıtse-mınıstri Erlan Qaıyrov, QR Mádenıet jáne sport vıtse-mınıstri Asqar Batalov, Qazaqstan damý banki basqarmasynyń tóraǵasy Bolat Jámishev, Qazaqstandaǵy Azııa Damý banki ókildiginiń dırektory Djovannı Kapanellı jáne Búkilálemdik bank ókili Eraly Beksultan qatysty. Forýmnyń birinshi kúni sheteldik meımandar Qostanaıdaǵy iri ónerkásip oryndarynyń jumystarymen tanysqan. Olar «Sokolov-Sarybaı» kenishi, «Jas qanat - 2006» qus fabrıkasy, «Baıan sulý» kondıter fabrıkasynda bolyp, óndiris oshaqtarymen kásipkerlik baılanys ornatýǵa nıetti ekenin jetkizdi. Máselen, Qazaqstanmen tyǵyz áriptestik ornatqan halyqaralyq qarjy uıymynyń biri - Azııa damý banki. Elimiz atalǵan bankke múshe bolǵan 23 jylda 5 mlrd AQSh dollarynyń qarjylandyrýy júrgizildi. Bul kórsetkish byltyrdyń ózinde 200 mln dollardy qurasa, bıyl olar nesıeleýdi 40% arttyrýdy kózdep otyr. Halyqaralyq ınvestıtsııalyq forýmǵa Reseı, Belarýs, Ózbekstan, Polsha jáne Egıpetten 100-ge jýyq kásipker atsalysty. 4 paneldi sessııada 40-tan astam sarapshy óz jobalaryn usyndy. Sondaı-aq, Qostanaı oblysy shet eldermen áriptestik baılanys aıasynda 26 memorandýmǵa qol qoıdy. Oblys ákimi Arhımed Muhambetovtiń aıtýynsha, 2017 jyly Qostanaı oblysyna 180 mlrd teńge ınvestıtsııa quıylǵan. Bul kórsetkish byltyrǵy jylmen salystyrǵanda 21,4 mlrd teńgege artyq. Indýstrııalandyrýdyń ekinshi bes jyldyǵynda 25 iri joba iske asyrylady. Onyń quny - 628 mlrd teńge. Barlyǵy 6 myń jumys orny ashylady.

6 myń kólik qurastyryldy

TOP-10: Qostanaı oblysy bıyl nemen maqtana alady 

«SaryarqaAvtoProm» JShS usaqtúıindi óndiris boıynsha jańa tehnologııalyq ədisti iske qosty. Ədis «monokok» dep atalady. Tyń təsil birinshi JACS3 krossoverine qoldanyldy. Jalpy, bıyl zaýyt 6 myń avtokólik qurastyrdy. Bul - zaýyt tarıhynda buryn sońdy bolmaǵan jaǵdaı. Avtobýs óndirisi 12,4 esege artty. 215 «Iveko» markaly avtobýs Astanada ótken «EKSPO-2017» halyqaralyq kórmesine kelýshilerdi tasymaldaýǵa jóneltildi. Sondaı-aq, 2126 jeńil kólik shet elge ótkizildi. Onyń ishinde 1149 - «Hıýndaı», 290 - «Ravon», 283 - «Djak», 173 - «Shevrole Nıva», 119 - «Pejo» jáne 19 «Ssan Iong» kólikteri satylymǵa shyǵaryldy. Barlyǵy 41,6 mlrd teńgeniń ónimderi óndirildi. Kásiporynnyń óndiristik alańynda ANKAI atty avtobýstardyń birlesken seriktestigi iske qosyldy. Avtobýstar «Eýro 5» ekologııalyq talaptaryna saı keledi. Gazben de, dızeldi otynmen de júredi. Aıta ketý kerek, kólikterdiń keıbir bólshekteri zaýytta shyǵarylady. Búginde onyń úles salmaǵy 33%-ǵa jetti. Mashına shanaqtary tórt deńgeıli syrlaýdan ótedi. Zamanaýı jabdyqtar jumysty sapaly, múltiksiz atqarýǵa múmkindik beredi. Kásiporynda usaqtúıindi qurastyrý tsehy iske qosylǵaly dánekerleý, syrlaý, quraý sııaqty jumystar joǵary sapada atqarylady.

Jańa nysandar - turǵyndar ıgiligine

TOP-10: Qostanaı oblysy bıyl nemen maqtana alady 

2017 jyly oblysta jańa kásiporyndardyń sany artty, sony sapaǵa kóshti. Óndiristik sala 4,1%-ǵa, aýyl sharýashylyǵy taýarlary ósimi 3,5%-ǵa eselendi. Indýstrııa 4.0 boıynsha taý-ken óndirisi salasynda da aıtýǵa turarlyq jetistikter bar. Máselen, «Sokolov-Sarybaı» ken baıytý ornynda «aqyldy kenish» jobasy qolǵa alyndy. «Mılh» JShS qyshqyl sút ónimderin shyǵaratyn zaýytyn respýblıkalyq dástúrli telekópir barysynda Elbasy N.Nazarbaev iske qosyp berdi. Sonymen qatar, «Baıan-sulý» AQ janynan snıkers tsehy, jedelsaty shyǵaratyn zaýyt iske qosyldy. Al qaraqumyq óńdeý tsehy jobasyn «Mıbeko» JShS qolǵa aldy. Tseh táýligine qýattylyǵy 55 tonna qaraqumyqty óńdeýge qaýqarly. Qazir qurylys-montajdaý jumystary tolyqtaı aıaqtaldy. Qural-jabdyqtar Gollandııa, Reseı, Túrkııa jáne Qytaıdan ákelingen.

Buǵan qosa qala turǵyndary kópten kútip júrgen  «Kostanay Plaza» oıyn-saýyq ortalyǵy men McDonald's tez ázirlenetin taǵamdar meıramhanasy ashyldy. «Kostanay Plaza» - bul oblystaǵy eń iri oıyn-saýyq nysany. Kólemi - 18424 sharshy metr. Ǵımarat Qostanaıdyń soltústik-batysyndaǵy «Altyn Arman» shaǵyn aýdanynda ornalasqan. Al McDonald's salý úshin qostanaılyq kásipkerler 780 mln teńge jumsaǵan. Meıramhana 100 adamǵa shaqtalǵan. 

Shalǵaı aýyldarǵa aýyz sý men gaz jetti

TOP-10: Qostanaı oblysy bıyl nemen maqtana alady 

Bıyl oblys turǵyndaryn aýyz sý jáne gazben qamtý jumystary josparǵa saı iske asty. Atap aıtqanda, Jitiqara aýdanynyń Yrsaı aýylyndaǵy aýyz sý qubyry jelisi paıdalanýǵa berildi. Aýyz sý tartý úshin ulttyq qordan 271 mln teńge bólingen. Bıyl sol qarajattyń 244,6 mln teńgesi ıgerilip otyr. Qubyrdyń jalpy uzyndyǵy - 13,7 shaqyrym. Onyń 10 shaqyrymy - magıstraldyq jeli, al 3,7 shaqyrymy sý taratýshy bólikten turady. Denısov aýdanynyń Alchanov, Antonov aýyldaryna jáne Qarabalyq aýdanynyń Toǵyzaq, Voroshılov eldi mekenderine kógildir otyn berildi. Jalpy, eki jyl ishinde oblys boıynsha 8 gaz taratý beketi ashylǵan.  Osylaısha, tabıǵı gazdy paıdalaný kórsetkishi óńirde 10 paıyzǵa kóterildi. Búgingi tańda Qostanaı oblysynyń 55% turǵyny kógildir otynǵa qosylǵan. 170 myńnan astam abonenttiń 1656-sy - zańdy tulǵalar, jeke tulǵalar - 168 624. Aldaǵy eki jylda olardyń sany 220 myńǵa jetedi dep josparlanyp otyr.  

«ıAndeks» agroónerkásiptik keshendi tsıfrlandyrady

TOP-10: Qostanaı oblysy bıyl nemen maqtana alady 

Qostanaı oblysynyń basshylyǵy «ıAndeks» kompanııasymen agroónerkásiptik keshendi tsıfrlandyrý boıynsha bir jobany qolǵa alady. Qostanaı oblysy ákiminiń orynbasary Meıirjan Myrzalıev Máskeýge jumys sapary barysynda ekonomıkalyq sektordy tsıfrlandyrý máselelerin talqylaý úshin «ıAndeks» kompanııasynyń vıtse-prezıdenti Marına Amelınamen kezdesti. Nátıjesinde qos tarap agroónerkásiptik keshendi tsıfrlandyrý boıynsha kelisimderge qol qoıdy. Ekijaqty qujatqa sáıkes, «ıAndeks» kompanııasynyń  ázirlegen jobalary Arqalyqtaǵy «aqyldy» qala júıesine engiziletin bolady. Bul qalada balamaly qýat kózin endirýdiń alǵashqy tájirıbeleri iske asyrylady. 

Sportshylar sapqa qosyldy

TOP-10: Qostanaı oblysy bıyl nemen maqtana alady 

Belarýs Respýblıkasynyń astanasy Mınskide ótken qazaq kúresinen álem chempıonatynda qostanaılyq Erlan Omarov top jardy. «Altyn» medal ıesi alǵashqy aınalymdarda Polsha men Qytaı sportshylaryn utty. Sodan soń tájirıbeli ázerbaıjandyqty, jartylaı fınalda latvııalyq balýandy jeńdi. Al, fınalda ataqty reseılik, dzıýdodan halyqaralyq dárejedegi sport sheberi Aleksandr Roslakov kútip turdy. Jaraqatyna qaramastan, beldesýdi abyroımen aıaqtap, el qorjynyna jalǵyz «altyndy» syılady.

Grekııada sambodan ótken álem chempıonatynda rýdnyılyq Anatolıı Veklıchtiń qorjyny «altynmen» tolyqty. Veklıch byltyr Horvatııada ótken álem chempıonatynda ártúrli salmaq dárejesi boıynsha 45 medal jıyntyǵyn ıemdenip, rekord jasaǵan. Jaqynda Italııanyń Olbııa qalasynda dzıýdo sheberleri arasynda ótken álem chempıonatynan da júldeli oraldy.

Halyqaralyq konkıshiler odaǵynyń irikteý qorytyndysy boıynsha, Qazaqstan quramasy toǵyz joldama jeńip aldy. Al qostanaılyq Denıs Kýzınde eki joldama bar. Ol 1000 jáne 1500 metrge júgiredi. Kýzınnen bólek, álemdik dodaǵa baratyndardyń qatarynda Ekaterına Aıdova, Fedor Mezentsev, Roman Krech, Stanıslav Palkın syndy tanymal konkıshiler bar. Aıta keteıik, Kýzın, Krech jáne Aıdova Sochı men Vankýverde ótken Olımpıada oıyndaryna qatysqan.

Mádenıettegi jetistikter: Tuńǵysh ret respýblıkalyq kúıshiler baıqaýy uıymdastyryldy, ánshi Ámre Chehııadaǵy baıqaýdan Gran-Prı utyp aldy

Kúıshilik ónerdi damytýǵa kúsh salǵan tulǵalardyń biri Saǵyn Jalmyshev atyndaǵy birinshi respýblıkalyq dombyrashylar baıqaýy Qostanaı óńirinde ótkizildi. Dombyrashylar dodasyna elimizdiń 14 óńirinen 24 ónerpaz qatysty. Kúıshiler konkýrsynda Aıgúl Úlkenbaeva, Nazymbek Moldahmetov syndy óner maıtalmandary qazylyq etti. Baıqaý nátıjesi boıynsha arqalyqtyq Danııar Rysbekovtiń baǵy janyp, bas júldege ıe boldy. 

Sondaı-aq Ámre esimimen tanys qostanaılyq jas ánshi Ernar Sadyrbaev Praga qalasynda ótken eki birdeı halyqaralyq án baıqaýynan Gran-Prı júldesin utyp aldy. Ol aldymen, Reseı Federatsııasynyń Chehııadaǵy elshiliginiń uıymdastyrýymen ótken baıqaýda ozyq shyqty. Ekinshi halyqaralyq vokal baıqaýy «Diamond voice festival-2017» dep atalady. Ispanııa, Bolgarııa, Grýzııa, Angola, Reseı, Chehııa, Kolýmbııa syndy elderdiń ánshileriniń arasynan bas júlde qostanaılyq ónerpazǵa buıyrdy. Ol birinshi kezeńde Motsarttyń áıgili Je dour ser der roses mıýzıklin oryndasa, sheshýshi týrda «Qusnı-Qorlandy» shyrqady.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT