Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Toqaev shetel Elshilerinen senim gramotalaryn qabyldady

2019 jylǵy 28 maýsym 15:54 1003
Bólisińiz:
Toqaev shetel Elshilerinen senim gramotalaryn qabyldady

NUR-SULTAN. QazAqparat - Búgin Aqordada Qazaqstan Prezıdenti Qasym-Jomart Toqaev birqatar eldiń Tótenshe jáne Ókiletti Elshisinen senim gramotalaryn qabyldady, dep habarlaıdy QazAqparat tilshisi.

Aldymen, Memleket basshysyna Taıland Koroldiginiń Elshisi Rass Djalıchandra senim gramotasyn tapsyryp shyǵyp, BAQ ókilderine brıfıng  ótkizdi.  

«Búgin Taıland Koroldiginiń jańa Elshisi retinde QR Prezıdenti, asa mártebeli Qasym-Jomart Toqaevqa senim gramotasyn tabystaý qurmetine ıe boldym. Qasym-Jomart Toqaev Qazaqstan Prezıdenti bolyp saılanǵannan keıin senim gramtotasyn tapsyrǵan birinshi Elshi bolý men úshin úlken mártebe. Senim gramotasyn tapsyrǵan soń Toqaev myrzamen shaǵyn ýaqyt áńgimelesý múmkinshiligi boldy. Biz qazirgi ýaqytta Qazaqstan men Taıland arasynda óte jaqsy dostyq qarym-qatynas bar degen ortaq pikirge keldik», - dedi ol.

Toqaev shetel Elshilerinen senim gramotalaryn qabyldady 

Sonymen qatar Rass Djalıchandra bıyl Bangkok pen Nur-Sultan qalasy arasyndaǵy dostyqtyń 15 jyldyǵy ekendigin aıtyp, qazirgi ýaqytta Taıland Elshiligi Nur-Sultan qalasy kúni merekesin atap ótýge daıyndalyp jatqanyn atap ótti.

Qazaqstan Prezıdentine  senim gramotasyn tapsyryp shyqqan Iordanııa Koroldiginiń Elshisi ıÝsýf Abdelganı Qazaqstan men Iordanııa Koroldigi arasynda tyǵyz qarym-qatynas ornaǵandyǵyna nazar aýdartty.  Eki el arasynda úkimetaralyq komıssııanyń jumys isteıtindigin,  mádenıet, bilim jáne ózge de salalarda birqatar kelisim jasalǵanyn aıtty.

Toqaev shetel Elshilerinen senim gramotalaryn qabyldady 

«Qazaqstannyń Tuńǵysh Prezıdenti - Elbasy Nursultan Nazarbaev Iordanııamen jaqsy qarym-qatynasty jolǵa qoıý úshin kóp eńbek sińirgendigin aıryqsha atap ótkim keledi. Búgin Prezıdent Qasym-Jomart Toqaev ta Iordanııa Koroldigimen aradaǵy qarym-qatynasty odan ary damytýǵa barlyq ýaqytta daıyn ekenin atap ótti», - dedi Elshi.

Toqaev shetel Elshilerinen senim gramotalaryn qabyldady 

Al Venesýela Elshisi Enrıke Antonıo Akýnıa Mendoza jańa tarıhı kezeńdi bastan keshirip otyrǵan Qazaqstan halqy men Úkimetine beıbitshilik, órleý men gúldený tileıtinin jetkizdi.

Toqaev shetel Elshilerinen senim gramotalaryn qabyldady 

«Qazaqstandaǵy bizdiń mıssııamyzdyń basty maqsaty - Úkimetterimizdiń arasyndaǵy saıası, áleýmettik, mádenı, ekonomıkalyq yntymaqtastyqty nyǵaıtý, halyqtarymyzdyń arasyndaǵy dostyq pen yntymaqtastyq baılanystardy kúsheıtý», - dedi Venesýella Elshisi.

Toqaev shetel Elshilerinen senim gramotalaryn qabyldady 


Toqaev shetel Elshilerinen senim gramotalaryn qabyldady 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT