Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.60 EUR 417.75
RUB 6.13 CNY 54.58
Jańalyqtar

Tennıs: Rybakına Bastad týrnıriniń shırek fınalyna shyǵa almady

2019 jylǵy 10 shilde 22:19 496
Bólisińiz:
Tennıs: Rybakına Bastad týrnıriniń shırek fınalyna shyǵa almady

NUR-SULTAN. QazAqparat - Qazaqstandyq Elena Rybakına Bastad (Shvetsııa) chellendjer týrnıriniń shırek fınalyna shyǵa almady, dep habarlaıdy QazAqparat tilshisi.

Dúnıejúzilik reıtıngte 109-orynda turǵan E.Rybakına ekinshi aınalymda álemniń 117-raketkasy, japonııalyq Mısakı Doımen kezdesti.

Matchty sátti bastaǵan qazaqstandyq tennısshi birinshi partııany óz esebine jaza bildi - 6:4.

E.Rybakına ekinshi sette de breık jasap, alǵa shyqty - 4:2. Budan keıin esepti ulǵaıtatyndaı múmkindigi boldy. Alaıda M.Doı jeńistik bermeı, qaıyra breıkpen tarazy basyn teńestirdi - 4:4. Aqyry taǵy bir breıkpen túıindedi - 6:4.

Úshinshi, sheshýshi partııada breık jasaǵan japonııalyq sportshy alǵa shyqty - 3:0. Degenmen qazaqstandyq tennısshi qatarynan tórt geımdi aldy - 4:3. Báribir jeńis Doıdyń enshisinde ketti - 6:4.

Tartysty báseke eki saǵattan sál astam ýaqytqa sozyldy.

M.Doı jartylaı fınalǵa shyǵý úshin osy jarystyń tórtinshi, álemniń 96-raketkasy, germanııalyq Mona Bartelmen talasady.

Eske sala keteıik, budan buryn E.Rybakınanyń Bastad týrnırin jeńispen bastaǵanyn jazǵan bolatynbyz.

 

 

 

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT