Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Taýyq jylynyń basty kadrlyq aýys-túıisteri

2017 jylǵy 29 jeltoqsan 08:45 895
Bólisińiz:
Taýyq jylynyń basty kadrlyq aýys-túıisteri

ASTANA. QazAqparat - Ótip bara jatqan Taýyq jylynda elimizdiń memlekettik basqarý júıesinde birqatar mańyzdy taǵaıyndaýlar oryn aldy. Prezıdent Ákimshiligi basshysynyń orynbasary, Premer-Mınıstrdiń orynbasarlary, oblys ákimderi aýysty. Jańadan Densaýlyq saqtaý mınıstrligi qurylyp, onyń basshysy taǵaıyndaldy. Elimizdiń sheteldegi dıplomatııalyq korpýsynda da ózgerister  bolyp, Bas prokýror, Joǵarǵy sot tóraǵasy ózgerdi. QazAqparat osy jyldyń ishinde jańa qyzmetke kelgen tulǵalar jaıyndaǵy derekterdi oqyrman nazaryna usynady.

Aıta keterligi, jyl basynda oryn alǵan keıbir kadrlyq ózgeristerdi Memleket basshysy jan-jaqty túsindirip bergen bolatyn.

«Keıbir kadrlyq aýys-túıister oryn aldy. «Báıterek» qorynda zań buzýshylyq pen qarjylyq tártip boıynsha tergeý júrgizilip jatqandyqtan, onyń burynǵy basshylyǵy men Ulttyq ekonomıka mınıstri qyzmetterinen bosatyldy. Soǵan baılanysty, mınıstrlik basshylyǵyna Tımýr Súleımenov taǵaıyndaldy, óte bilimdi, daıyndyǵy myqty, shetelde joǵary bilim alǵan, aǵylshyn tilin ıgergen. Tımýr Súleımenov Máskeýde Eýrazııalyq ekonomıkalyq odaqta qyzmet etti. Menińshe, bul tańdaý jaman tańdaý emes. Densaýlyq saqtaý mınıstrliginiń aldynda úlken mindetter turǵandyqtan, Áleýmettik damý mınıstrligi men Densaýlyq saqtaý mınıstrlikterin bólýdi sheshtik. Mınıstr bolyp Eljan Birtanov taǵaıyndaldy. Ol da jas, daıyndalǵan, myqty mektepten ótken azamat, Densaýlyq saqtaý mınıstrleriniń orynbasarlyǵyna eki márte taǵaıyndalǵan. Medıtsına mamany jáne menedjer retinde medıtsınalyq saqtandyrý qoryn qurý isin jaqsy qolǵa alyp, halyqqa túsindirý jumystaryn oıdaǵydaı ótkizedi degen senimdemin. Bul ár azamatqa tıimdi dep sanaımyn. Ol mınıstrlikte tártip ornatady degen oıdamyn», - dedi Elbasy.

Prezıdent Marat Tájınniń Astanaǵa oralýyna, Tasmaǵambetovtiń Reseıdegi Qazaqstan elshiligine aýysýyna qatysty pikir bildirdi.

«Taǵy bir úlken aýys-túıis oryn aldy, Reseıdegi Qazaqstan elshisi qyzmetinen bosatyldy. Marat Tájın Prezıdent apparatyna ótti. Osyǵan oraı, menimen birge kóp jyldar boıy qyzmet etken Imanǵalı Tasmaǵambetovti Qazaqstan elshisi etip taǵaıyndadym. Ol ózi dál osy qyzmetke, naq osy Reseıdegi elshilikti basqarýǵa surandy. Menińshe, bul jaqsy sheshim, sebebi Máskeý - bizdiń eń basty seriktesimiz, jaqyn kórshimiz ben odaqtasymyz. Ol jerde bedeldi, Qazaqstandaǵy jáne Reseıdegi jaǵdaıdy biletin adam otyrýy tıis. Men osynyń barlyǵy bizdiń isimizdiń, elimizdiń ıgiligine jaraıdy dep oılaımyn», - dedi Memleket basshysy.

Este bolsa, qyrkúıek aıynda altynshy saılanǵan QR Parlamentiniń úshinshi sessııasynyń ashylýynda Elbasy Nursultan Nazarbaev Asqar Jumaǵalıev pen Erbolat Dosaevtyń Úkimetke Premer-Mınıstrdiń orynbasarlary bolyp oralý sebebin de túsindirgen edi.
Memleket basshysynyń aıtýynsha, Asqar Jumaǵalıevtyń Úkimet basshysynyń orynbasary bolyp taǵaıyndalýy elimizde «Tsıfrlyq Qazaqstan» atty aýqymdy memlekettik baǵdarlamanyń júzege asyryla bastaýymen baılanysty boldy.

«Biz kóshýge tıisti «Tsıfrly Qazaqstan» baǵdarlamasynyń máni óte zor. Munymen barlyq elder aınalysýda. Bul damýdyń bolashaǵy, eńbek ónimdiligi, jańa tehnologııalar jáne onymen naqty adam aınalysýy tıis ári kún saıyn bizdiń aldymyzda Úkimet atynan esep berýi qajet. Bul pozıtsııaǵa bilimi boıynsha ІT mamany sanalatyn Asqar Jumaǵalıevti taǵaıyndadym. Ol men taǵaıyndaǵan laýazymdarda ózin jaqsy menedjer retinde kórsetti. Oǵan dál osy ýchaske tapsyrylady», - degen edi Nursultan Nazarbaev.
Sonymen qatar Memleket basshysy Úkimetke Erbolat Dosaevtyń qaıta oralý sebebin de aıtty.

«Ekonomıkanyń makroekonomıkalyq bóligin kúsheıtý Erbolat Dosaevqa júkteledi. Ol naǵyz azamat, djentelmen retinde ókilettigin óz erkimen toqtatqan jaǵdaı boldy. Biraq, bul onyń kinási emes. Onyń tájirıbesi men bilimi, jumys taǵlymdamasy elimizdiń ekonomıka, qarjy, makroekonomıkasyn, sonymen qatar bıýdjetimizdiń jartysyn tutynatyn áleýmettik blogyn óz qolynda ustaýǵa múmkindik beredi dep úmit artýǵa bolady», - dedi QR Prezıdenti.

***

Sonymen QR Prezıdenti Ákimshiligi basshysynyń birinshi orynbasary qyzmetine Máskeýdegi Qazaq eliniń Elshisi bolǵan Marat Tájın keldi. 1960 jyly dúnıege kelgen Marat Muhanbetqazyuly buǵan deıin de Prezıdent Ákimshiliginde jumys istep, Ákimshilik basshysynyń orynbasary - Taldaý jáne strategııalyq zertteý ortalyǵynyń basshysy, QR Prezıdentiniń ulttyq qaýipsizdik jónindegi kómekshisi - QR Qaýipsizdik Keńesiniń hatshysy, QR Prezıdenti Ákimshiligi basshysynyń birinshi orynbasary qyzmetterin atqarǵan. Sondaı-aq ol QR Ulttyq qaýipsizdik komıtetiniń tóraǵasy, Syrtqy ister mınıstri, QR Memlekettik hatshysy bolǵan.

Taýyq jylynyń basty kadrlyq aýys-túıisteri

***

Al onyń ornyna Reseı Federatsııasyndaǵy Tótenshe jáne Ókiletti Elshisi qyzmetine taǵaıyndalǵan Imanǵalı Nurǵalıuly Tasmaǵambetov 1956 jyly 9 jeltoqsanda Gýrev oblysynda dúnıege kelgen. 1991 jyldan - QR Jastar isi jónindegi memlekettik komıtetiniń tóraǵasy. 1993 jyldan - QR Prezıdentiniń kómekshisi. 1995 jyldan - QR Premer-mınıstriniń orynbasary. 1997 jyldan - QR Premer-mınıstriniń orynbasary - Bilim jáne mádenıet mınıstri. 1997 jyldan - QR Prezıdent Ákimshiligi Basshysynyń orynbasary, uıymdastyrý-baqylaý bóliminiń meńgerýshisi. 1998 jyldan - QR Prezıdentiniń Birinshi kómekshisi. 1999 jyldan - Atyraý oblysynyń ákimi. 2000 jyldan - QR Premer-mınıstriniń orynbasary. 2002 jyldan - QR Premer-mınıstri. 2003 jyldan - QR Memlekettik hatshysy. 2004 jyly QR Prezıdent Ákimshiliginiń Basshysy bolyp taǵaıyndaldy. 2004 jyldyń jeltoqsan aıynan 2008 jyldyń sáýirine deıin - Almaty qalasynyń ákimi. 2008 jylǵy sáýir aıynan bastap - Astana qalasynyń ákimi. 2014 jyldyń qazanynan QR Qorǵanys mınıstri boldy. 2016 jyldan osy taǵaıyndaýǵa deıin QR Premer-Mınıstriniń orynbasary bolyp qyzmet atqardy.


Taýyq jylynyń basty kadrlyq aýys-túıisteri

***

QR Úkimet basshysynyń orynbasary qyzmetine kelgen Asqar Qýanyshuly Jumaǵalıev 1972 jyly týǵan. Sverdlovskidegi Sývorov áskerı ýchılıesin, Qazaq ulttyq tehnıkalyq ýnıversıtetin, Qazaq gýmanıtarlyq zań ýnıversıtetin, Lozannadaǵy Shveıtsarııa Federaldy Tehnologııa Instıtýtyn bitirgen. Eńbek jolyn kommertsııa salasynan bastaǵan. 2001 jyly memlekettik qyzmetke Qazaqstan Respýblıkasynyń Kólik jáne kommýnıkatsııa mınıstrligine ornalasty. Bólim bastyǵynan bastap Komıtet tóraǵasynyń orynbasaryna deıin kóterildi. Qazaqstan Respýblıkasy Aqparattandyrý jáne baılanys agenttiginiń tóraǵasy, «Qazaqtelekom» AQ Prezıdenti, QR Baılanys jáne aqparat mınıstri, QR Kólik jáne kommýnıkatsııa mınıstri, QR Baılanys jáne aqparat agenttiginiń tóraǵasy laýazymynda qyzmet atqardy. 2015 jyldan bastap «Qazatomónerkásip» UAK» AQ-nyń basqarma tóraǵasy boldy.

Taýyq jylynyń basty kadrlyq aýys-túıisteri

***

Premer-Mınıstrdiń taǵy bir orynbasary qyzmetine kelgen Erbolat Asqarbekuly Dosaev 1970 jyly 21 mamyrda Almaty qalasynda týǵan. Almaty energetıkalyq ınstıtýtyn, Baýman atyndaǵy Máskeý memlekettik tehnıkalyq ýnıversıtetin bitirdi. QR Energetıka, ındýstrııa jáne saýda vıtse-mınıstri, QR Qarjy vıtse-mınıstri, Qazaqstan Damý banki Dırektorlar Keńesiniń Tóraǵasy, QR Tabıǵı monopolııalar, básekelestikti qorǵaý jáne shaǵyn bıznesti qoldaý agenttiginiń tóraǵasy QR Qarjy mınıstri, Densaýlyq saqtaý mınıstri, QR Ekonomıkalyq damý jáne saýda mınıstri, QR Ekonomıka jáne bıýdjettik josparlaý mınıstri, Ulttyq ekonomıka mınıstri bolǵan. Jańa qyzmetke taǵaıyndalǵanǵa deıin «Báıterek» UBH» AQ Basqarma tóraǵasy qyzmetin atqarǵan.

Taýyq jylynyń basty kadrlyq aýys-túıisteri

***

 

Al 6 jylǵa jýyq «Samuryq-Qazyna» AQ Basqarmasynyń tóraǵasy bolyp kelgen Ómirzaq Shókeev Úkimetke Premer-Mınıstrdiń orynbasary - Aýyl sharýashylyǵy mınıstri bolyp oraldy. 1964 jyly 12 naýryzda dúnıege kelgen ol QR Ekonomıka mınıstri, Ekonomıka jáne saýda mınıstri, QR Premer-Mınıstriniń orynbasary, «Bank Turan-Álem» JAQ Basqarmasynyń tóraǵasy, QR Prezıdenti Ákimshiligi jetekshisiniń orynbasary, Qostanaı oblysynyń ákimi, QR Prezıdenti janyndaǵy Joǵary ekonomıkalyq keńestiń múshesi, «Qazaqoıl» UMK» JAQ Baqylaý keńesiniń tóraǵasy, Astana qalasynyń ákimi, Ońtústik Qazaqstan oblysynyń ákimi, QR Premer-Mınıstriniń orynbasary, birinshi orynbasar qyzmetterin atqarǵan. 2011 jyl 26 jeltoqsandaǵy №1600 qaýlysymen «Samuryq-Qazyna» AQ Basqarmasynyń tóraǵasy bolyp taǵaıyndalyp, Dırektorlar keńesiniń quramyna «Samuryq-Qazyna» AQ Basqarma tóraǵasy retinde saılanǵan. 

Taýyq jylynyń basty kadrlyq aýys-túıisteri

***

Jaqyp Qajmanuly Asanov QR Joǵarǵy sotynyń tóraǵasy qyzmetine keldi. Ol 1963 jyly 17 tamyzda Qyzylorda qalasynda dúnıege kelgen. QR Prezıdenti Ákimshiliginiń Zańdylyq, quqyqtyq tártip jáne sot reformasyn qamtamasyz etý bóliminde konsýltant, sektor meńgerýshisi, Ońtústik Qazaqstan oblysynyń Salyq polıtsııasy basqarmasy bastyǵynyń birinshi orynbasary, Bas prokýrordyń aǵa kómekshisi - Áleýmettik-ekonomıkalyq saladaǵy zańdylyqty qadaǵalaý basqarmasy bastyǵynyń orynbasary, keıin osy basqarmanyń bastyǵy, odan keıin Bas prokýratýranyń Memlekettik organdar qyzmetindegi zańdylyqty qadaǵalaý departamentiniń bastyǵy, Almaty qalasy prokýrorynyń birinshi orynbasary, Pavlodar oblysynyń prokýrory, QR Ádilet vıtse-mınıstri bolyp qyzmet atqardy. «Nur Otan» HDP partııalyq tizimi boıynsha QR Parlamenti Májilisiniń IV jáne V shaqyrylymdarynyń depýtaty, Qazaqstan Respýblıkasy Parlamenti Májilisiniń Zańnama jáne sot-quqyqtyq reforma komıtetiniń múshesi boldy. 2012 jyldyń 6 qyrkúıeginde Memleket basshysynyń Ókimimen QR Bas prokýrorynyń orynbasary, al 2016 jylǵy 25 sáýirde Prezıdent Jarlyǵymen Bas prokýror laýazymyna taǵaıyndalǵan.

Taýyq jylynyń basty kadrlyq aýys-túıisteri

***

Qaırat Perneshuly Qojamjarov elimizdiń Bas prokýrory qyzmetine keldi. Ol 1965 jyly týǵan. A.Jdanov atyndaǵy Lenıngrad memlekettik ýnıversıtetin bitirgen. QR prokýratýra organdarynda qyzmet etken. Aqtóbe oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń bastyǵy, QR Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasary boldy. 2008 jylǵy jeltoqsan aıynan bastap Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy qyzmetin atqardy. Keıin Aqmola oblysyn basqardy. QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy qyzmetin atqardy.

Taýyq jylynyń basty kadrlyq aýys-túıisteri

***

Qaırat Perneshulynyń ornyn orynbasary Alık Jatqambaıuly Shpekbaev basty. Ol 1957 jyly 4 shildede Almaty oblysynda dúnıege kelgen. QR Іshki ister vıtse-mınıstri, QR Prezıdenti Ákimshiligi Quqyq qorǵaý júıesi bóliminiń meńgerýshisi, QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary, QR Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) tóraǵasynyń orynbasary, QR  Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary qyzmetterin atqarǵan.

Taýyq jylynyń basty kadrlyq aýys-túıisteri

***

«ASTANA EKSPO-2017» UK« AQ basqarmasynyń tóraǵasy bolǵan Ahmetjan Esimov «Samuryq-Qazyna» AQ tizginin qolyna aldy. 1950 jyly 15 jeltoqsanda Almaty oblysynda dúnıege kelgen ol Qazaq aýyl sharýashylyǵy ınstıtýtyn, Reseı qoǵamdyq ǵylymdar akademııasyn bitirgen. Ekonomıka ǵylymdarynyń doktory. QR Premer-Mınıstriniń orynbasary, QR Premer-Mınıstriniń birinshi orynbasary - Memlekettik qarjy salymdar komıtetiniń tóraǵasy, QR Prezıdent Ákimshiliginiń jetekshisi, QR-nyń Benılıýks memleketterindegi Tótenshe jáne Ókiletti Elshisi, QR Aýyl sharýashylyǵy mınıstri, QR Premer-Mınıstriniń orynbasary, Almaty qalasynyń ákimi bolǵan.

Taýyq jylynyń basty kadrlyq aýys-túıisteri

***

Jyl basynda jańadan qurylǵan Densaýlyq saqtaý mınıstrligine basshy bolyp Eljan Amantaıuly Birtanov  keldi. Ol Almaty memlekettik medıtsına ýnıversıtetin, Arızona shtatynyń ýnıversıtetin, Reseı dıplomnan keıingi medıtsınalyq  bilim akademııasyn, Sharıte Ýnıversıtettik klınıkasyn (Germanııa), Turan ýnıversıtetin, Duke University, Fugua School of Business (AQSh), Global Executive MVA magıstratýrasyn bitirgen. Almaty qalasynda jedel medıtsınalyq kómek aýrýhanasynyń reanımatolog-dárigeri, Respýblıkalyq toksıkologııa ortalyǵynyń basshysy, QR Densaýlyq saqtaý mınıstrliginiń bas toksıkology, QR Densaýlyq saqtaý mınıstrliginiń «Densaýlyq saqtaýdy damytý ınstıtýty» RMK dırektory, QR Premer-Mınıstriniń keńesshisi, «Ulttyq  medıtsınalyq  holdıng» AQ Basqarma tóraǵasynyń orynbasary, QR Densaýlyq saqtaý vıtse-mınıstri, «Ulttyq  medıtsınalyq  holdıng» AQ Basqarma tóraǵasy bolyp jumys istedi. 2014 jylǵy mamyrdan bastap - Memlekettik-jekeshelik áriptestik jobalaryn súıemeldeý ortalyǵy basqarmasynyń tóraǵasy. Mınıstr bolyp taǵaıyndalǵanǵa deıin QR Densaýlyq saqtaý jáne áleýmettik damý vıtse-mınıstri boldy.

Taýyq jylynyń basty kadrlyq aýys-túıisteri

***

Mańǵystaý oblysynyń ákimi bolyp Toǵjanov Eraly Luqpanuly taǵaıyndaldy. Eraly Luqpanuly 1963 jyly 13 mamyrda Batys Qazaqstan oblysynda dúnıege kelgen. Ol Qaraǵandy oblysy ákiminiń orynbasary, QR Ádilet mınıstrligi Din ister komıtetiniń tóraǵasy bolyp jumys istedi. 2008 jyldyń qańtarynda Qazaqstan Respýblıkasy Prezıdenti Ókimimen Qazaqstan Respýblıkasy Prezıdent Ákimshiliginiń Qazaqstan halqy Assambleıasy Hatshylyǵynyń meńgerýshisi bolyp taǵaıyndalyp, 2017 jylǵa deıin jumys istedi. 

Taýyq jylynyń basty kadrlyq aýys-túıisteri

***

Erlan Qoshanov Qaraǵandy oblysynyń ákimi qyzmetine taǵaıyndaldy. Erlan Jaqanuly QR Parlamentindegi QR Úkimetiniń ókili, QR Premer-Mınıstri Keńsesi basshysynyń orynbasary, QR Kólik jáne kommýnıkatsııa vıtse-mınıstri, QR Kólik jáne kommýnıkatsııa mınıstrligi Azamattyq avıatsııa komıtetiniń tóraǵasy, QR Premer-Mınıstriniń Keńsesi basshysynyń orynbasary - Úkimettiń Parlament Májilisindegi ókili boldy. Jańa qyzmetke taǵaıyndalǵanǵa deıin QR Premer-Mınıstri Keńsesiniń basshysy qyzmetin atqardy.

Taýyq jylynyń basty kadrlyq aýys-túıisteri

***

Málik Myrzalın Aqmola oblysynyń ákimi qyzmetine keldi. Ol Soltústik Qazaqstan oblysy ákiminiń orynbasary, birinshi orynbasary, «Nur Otan» halyqtyq-demokratııalyq partııasy ortalyq apparaty basshysynyń orynbasary, QR Prezıdenti Іs Basqarmasynyń apparat basshysy, QR Din isteri agenttiginiń jaýapty hatshysy, QR Prezıdenti Іs Basqarýshysynyń orynbasary bolǵan. 2016 jyldyń jeltoqsan aıynan bastap QR Prezıdenti Іs Basqarýshysynyń birinshi orynbasary qyzmetin atqardy.  

 
Taýyq jylynyń basty kadrlyq aýys-túıisteri

***

Qazaqstan musylmandary dinı basqarmasynyń tóraǵasy, Bas múftı laýazymyna Serikbaı Oraz Satybaldyuly saılandy. Ol 1975 jyly  12 sáýirde dúnıege kelgen. Tashkent qalasynda qarılar daıyndaıtyn medreseni tamamdaǵan. Mysyrdaǵy Ál-Azhar ýnıversıtetinde oqyǵan. Islamabadtaǵy Álemdik ýnıversıtette bilimin kótergen. Almaty meshitiniń naıb ımamy, Islam ınstıtýtynyń ustazy, Islam ınstıtýtynyń rektory, QMDB tóraǵasynyń orynbasary, naıb múftı, Almaty ákimshiligi dinı bóliminiń sektor meńgerýshisi, OQO Saryaǵash aýdanynyń Bas ımamy, Memlekettik qyzmet agenttiginiń aǵa qyzmetkeri, Astana qalasy Ádilet departamenti dinı ister bóliminiń bas mamany, QR Prezıdenti is basqarmasynyń Ákimshilik ǵımarattar dırektsııasynyń dırektory bolyp jumys istedi. Qazaqstan musylmandary dinı basqarmasynyń Qostanaı oblysynyń ókil ımamy, «Áziret Sultan» meshitiniń bas ımamy jáne naıb múftı qyzmetin atqardy.

Taýyq jylynyń basty kadrlyq aýys-túıisteri

Bizdiń kanalymyzǵa jazylyńyz:

Basty sózder: Jyl qorytyndysy, Taǵaıyndaý,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT