Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Tatarstan munaı-gaz salasynda Qazaqstanmen baılanysty nyǵaıtýǵa múddeli

2019 jylǵy 11 shilde 10:36 1373
Bólisińiz:
Tatarstan munaı-gaz salasynda Qazaqstanmen baılanysty nyǵaıtýǵa múddeli

NUR-SULTAN. QazAqparat - «QazMunaıGaz» jáne «Tatneft» ózara túsinistik týraly memorandýmdy bekitti, dep habarlaıdy QazAqparat tilshisi.

Aıta keteıik, «QazMunaıGaz» UK AQ basqarma tóraǵasy Alık Aıdarbaev pen QMG delegatsııasy Tatarstannyń Qazan qalasyna jumys saparymen bardy.

«Shildeniń 10-y kúni «Saýda-ekonomıkalyq, ǵylymı-tehnıkalyq jáne mádenı yntymaqtastyqtyń qaǵıdattary týraly» úkimetaralyq kelisimniń aıasynda «Samuryq-Qazyna» AQ basqarma tóraǵasy Ahmetjan Esimov pen QMG basshysy Alık Aıdarbaev Tatarstan Respýblıkasynyń Prezıdenti Rýstam Mınnıhanovpen kezdesti. Kezdesý barysynda taraptar munaı-gaz salasynda yntymaqtastyqtyń jańa kezeńin bastaýǵa ynta bildirdi. Atap aıtqanda, geologııalyq barlaý jumystary, munaı jáne gaz hımııasy, tehnıkalyq yntymaqtastyq jáne tsıfrlandyrý máseleleri boıynsha Tatarstan Respýblıkasynyń kásiporyndary men QMG arasyndaǵy ózara is-qımyl múmkindikteri talqylandy», - delingen QMG baspasóz qyzmeti málimetinde.

Tatarstan munaı-gaz salasynda Qazaqstanmen baılanysty nyǵaıtýǵa múddeli

Sol kúni «QazMunaıGaz» UK AQ jáne «Tatneft» JAQ arasynda ózara túsinistik týraly memorandýmǵa qol qoıyldy. Qujatta Qazaqstan men Reseı aýmaǵynda geologııalyq zertteý jáne birlesken geologııalyq barlaý jumystaryn júrgizý; munaı óndirýdiń jańa tehnologııalaryn engizý jáne óndiristi tsıfrlandyrý boıynsha tájirıbe almasý salasyndaǵy yntymaqtastyqtyń boljamdy baǵyttary aıqyndalǵan.

QMG basshysy Alık Aıdarbaev Tatneft jáne QazMunaıGaz kompanııalaryn tehnıkalyq aqparatpen almasý jáne mamandar oqytý salasynda uzaq jylǵy berik qarym-qatynastar baılanystyratynyn atap aıtty. «Memorandýmǵa qol qoıý arqyly biz birlesken dańǵyl joldyń jańa kezeńine jol ashatynymyzǵa senimdimin. Munaı-gazy bar Kaspıı mańy oıpatyn ıgerý máselesi iri halyqaralyq munaı kompanııalary úshin úlken qyzyǵýshylyq týdyryp otyr Tatarstannyń kompanııalary osy protseske belsendi qatysa alady», - dedi ol.

Taraptar Qazan qalasyndaǵy kezdesý munaı-gaz salasynyń qazirgi syn-tegeýirinderin talqylaýǵa arnalǵan alań ǵana emes, sondaı-aq yntymaqtastyqtyń jańa ári ózara tıimdi baǵyttaryn anyqtaýdyń keremet múmkindigi ekenin atap ótti.


Tatarstan munaı-gaz salasynda Qazaqstanmen baılanysty nyǵaıtýǵa múddeli

 

Bizdiń kanalymyzǵa jazylyńyz:

Basty sózder: Reseı, Energetıka,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT