Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Syr boıy halqy ındýstrııalandyrýdyń ıgiligin kórip jatyr

2017 jylǵy 4 qazan 12:05 10215
Bólisińiz:
Syr boıy halqy ındýstrııalandyrýdyń ıgiligin kórip jatyr

QYZYLORDA. QazAqparat - Elbasynyń bıylǵy jyl basynda halyqqa jarııalaǵan «Qazaqstannyń úshinshi jańǵyrýy: jahandyq básekege qabilettilik» atty Joldaýynan týyndaıtyn mindetterdiń biri - «Basym salalarda básekege qabiletti eksporttyq óndiristi damytý úshin ındýstrııalandyrýdy jalǵastyrý» bolyp tabylady.

Osy rette, bul baǵyttaǵy jumystar oblys kóleminde ındýstrııalandyrý baǵdarlamasynyń ekinshi besjyldyǵy aıasynda quny 610 mlrd teńgeni quraıtyn, iske qosylǵanda 6,2 myń adamdy jumyspen qamtıtyn 24 joba júzege asyrylýda. Bul týraly QazAqparat tilshisi oblystyq ındýstrııalyq-ınnovatsııalyq damý basqarmasyna silteme jasap habarlady.

   Jalpy alǵanda, baǵdarlamanyń birinshi besjyldyǵy aıasynda 17 joba iske qosylǵan bolsa, ekinshi besjyldyq aıasynda iske asyrylatyn 24 jobadan búgingi kúni 3 joba iske qosyldy. Syr elinde keıingi jyldary ındýstrııalandyrý baǵdarlamasy aıasynda júzege asyrylǵan jobalar qazirdiń ózinde el ıgiligi úshin jumys istep jatyr. Aımaqta júzege asyrylǵan 25 jobanyń búgingi tańda 15-niń óndiristik kólemi 90 paıyzdan 100 paıyzǵa deıin oryndalýda, 4 joba boıynsha 50-den 90 paıyzǵa deıin, 2 joba boıynsha 50 paıyzǵa deıin júktelgen. 2017 jyldyń 7 aıynda barlyq iske qosylǵan jobalar arqyly 10,7 mlrd teńgeniń ónimi óndirilip, óńdeý ónerkásibinde óndirilgen ónim kólemi 12,1 paıyzdy qurady.

    Atap ótý qajet, ındýstrııalyq jobalar buryn ónimderin 8 elge eksportqa, 2017 jyldan bastap 10 elge shyǵara bastady. 2017 jyldyń 7 aıynda ındýstrııalyq jobalar arqyly eksporttalǵan ónim kólemi byltyrǵy jyldyń uqsas kezeńimen salystyrǵanda 81,2 paıyz artty. Bir ǵana mysal, baǵdarlama aıasynda 2 birdeı ıspandyq tsehty iske qosqan «Araltuz» AQ 2016 jyly shet elderge 60 paıyz ónimin eksporttady. Tek sońǵy 2 jylda Reseı naryǵynda as tuzy boıynsha 12 paıyz úlesti ıelendi.

    Ónerkásip salasynda ústimizdegi jyly 23 jobanyń iske qosylýy josparlanǵan, onyń ishinde 10 kásiporyn ındýstrııalyq aımaqta ornalasqan. 2017 jyldyń І jartyjyldyǵynda 7 shaǵyn jáne orta kásiporyn ashylyp, 73 jumys orny qurylýda. Aǵymdaǵy jyldyń ІІ jartyjyldyǵynda 551 jumys orny qurylatyn 16 kásiporynnyń iske qosylýy josparlanǵan. Búgingi kúni oblysta 6 ındýstrııalyq aımaq jumys jasaýda.

  Bul jerde toqtalyp ótetin jaıt, Elbasy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginde ındýstrııalyq-ınnovatsııalyq damý máselesine erekshe mán berip ótken bolatyn. Ondaǵy  55-qadamda: Qazaqstannyń álemdik naryqqa shyǵýy jáne eksport taýarlary úshin óńdeý ónerkásibine eń keminde 10 transulttyq kompanııany tartý mindeti qoıyldy. Sonymen birge halyqaralyq ekonomıkalyq nysandardyń jańa múmkindikteri týraly halyqaralyq bıznesti aqparattandyrý qajettigi aıtyldy.

 

 

Bizdiń kanalymyzǵa jazylyńyz:

Bólisińiz:

Avtor:

Elýbaı Áýezov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT