Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Sońǵy kýrsta oqýdan shyqqysh stýdentter kóbeıgen - mınıstr

2019 jylǵy 1 shilde 17:37 1123
Bólisińiz:
Sońǵy kýrsta oqýdan shyqqysh stýdentter kóbeıgen - mınıstr

NUR-SULTAN. QazAqparat - Sońǵy 6 jylda memlekettik grantta oqıtyn stýdentter memleket aldyndaǵy mindetinen jaltarýǵa beıim bolyp alǵan. Bul týraly QR Bilim jáne ǵylym mınıstri Ashat Aımaǵambetov vedomstvo jıynynda aıtty, dep habarlaıdy QazAqparat tilshisi.

Ashat Aımaǵambetov mundaı bassyzdyqqa zańnyń solqyldaqtyǵy jol ashyp otyrǵanyn aıtady. 

«Mınıstrlik stýdentterdiń jumysqa ornalasý derekterine monıtorıng jasap otyrady. Osy monıtorıng sońǵy 6 jylda grantta oqyǵan stýdentterdiń aqyrǵy kýrsta oqýdan shyǵyp ketýi jıilegenin kórsetip otyr. Bir jylda 800 stýdent oqýdan ketken ýnıversıtetter bar. Bul zańnamanyń solqyldaqtyǵy dep aıtýǵa bolady. Osy solqyldaqtyqty paıdalanyp, keıbir stýdentter memleket aldyndaǵy mindetinen jaltaryp júr. Jyldar boıy tegin oqyp keledi de, sońǵy kýrsta shyǵyp ketedi. Keıin ony aqyly negizde jalǵastyra salady. Bul - tegin oqyǵan jyldar úshin joldama boıynsha eńbek etpeýdiń nemese memleket shyǵynyn qaıtarmaýdyń amaly. Zańnamanyń osy kemshin tusyn bekemdeý qajet», - dedi mınıstr. 

Mınıstr qazirgi tańda joǵary oqý oryndaryna akademııalyq erkindik berilip otyrǵanyn da atap ótti. Onyń aıtýynsha, byltyr qosymsha 20 myń grant bólinse, bıyl taǵy 5000 grant bólindi.

Eske salsaq, QR Bilim jáne ǵylym mınıstri Ashat Aımaǵambetov salada joǵarydan berilgen tapsyrmalardyń oryndalmaýy jıilep ketkenin aıtqan bolatyn.

 

 

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT