Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.97 EUR 427.12
RUB 6.04 CNY 54.75
Jańalyqtar

SQO-da «Jasyl el» baǵdarlamasyna qatysýǵa eki ese artyq adam tilek bildirgen

2019 jylǵy 12 shilde 16:50 329
Bólisińiz:
SQO-da «Jasyl el» baǵdarlamasyna qatysýǵa eki ese artyq adam tilek bildirgen

PETROPAVL. QazAqparat - Soltústik Qazaqstan oblysynda «Jasyl el» eńbek jasaǵyna 665 adam alynýy kerek bolsa, jastardan 1050 ótinish túsken, dep habarlaıdy QazAqparat tilshisi.

 «Jasyl el» jastar eńbek jasaqtary SQO shtabynyń málimetinshe, bıyl jastar maýsymnyń 1-inen bastap jumysqa kiristi. Ótken aıda 91 sarbaz jumys istese, osy aıda baǵdarlama aıasynda 346 jas qamtylmaq. Olardyń eńbekaqysy atqaratyn jumystaryna baılanysty 30 ben 75 myń teńge aralyǵynda.
SQO-da «Jasyl el» baǵdarlamasyna qatysýǵa eki ese artyq adam tilek bildirgen 

«Jyl saıyn orman sharýashylyqtarynda 323 sarbaz eńbek etedi. Olar aǵash ishin aramshópten, qoqystan tazartady, sypyrǵysh baılaıdy. Tálimjaılarda jumys isteıdi. Sondaı-aq jastardy qalaǵa, aýdandardyń jastar resýrstyq ortalyqtaryna da jumysqa ornalastyramyz. Bıyl «Zenchenko ı K» komandıttik seriktestigi, «Soltústik Qazaqstan elektr jelilerin taratý kompanııasy» AQ, «Qyzyltý Sý arnasy» JShS sarbazdardy jumysqa aldy», - deıdi  «Jasyl el» jastar eńbek jasaqtary SQO shtabynyń tóraǵasy Asqar Baımuqanov.

Petropavl qalasynda búgingi kúni 4: eriktilerdiń 2 otrıady, ekologııalyq jáne medıa-jasaqtar eńbek etýde. Eriktiler ótken aıda jalǵyzbasty 15 ardager men qartqa kómek kórsetken. Ekologııalyq jasaq «Taza aýla», «Taza jaǵalaý» jáne «Saıabaqtardyń marshy» atty birneshe aktsııany uıymdastyryp, PIK tóraǵalarymen tyǵyz jumys istegen. Medıa otrıad kúndelikti atqarǵan jumystary jaıynda áleýmettik jelilerde esep beredi eken.

«Jasyl el» sarbazdary úlken otbasy sekildi. Qala jáne oblystaǵy is-sharalarǵa belsendi qatysady. Sporttyq jarystarda júldeli oryn alyp júr. Jumystan bos ýaqytta tabıǵat aıasyna birge shyǵamyz, án aıtyp, oıyndar oınaımyz. Sodan da bolar «Jasyl el» qataryna ótýge tilek bildirýshiler sany artyp keledi», - deıdi Asqar Baımuqanov.

Bıyl baǵdarlama aıasynda 665 adam jumysqa alynady. Oblysqa bólinetin kvota bıyl da ózgerissiz qalǵan. Shtab músheleriniń aıtýynsha, bul óte az. Óıtkeni jastardan osy ýaqytqa deıin 1050 ótinish túsken.

Bıyl «Jasyl el» jastar eńbek jasaqtarynyń qurylǵanyna 15 jyl. Mereıtoılyq eńbek maýsymynyń respýblıka boıynsha jabylýy Petropavl qalasynda ótedi dep josparlanǵan.


SQO-da «Jasyl el» baǵdarlamasyna qatysýǵa eki ese artyq adam tilek bildirgen 

 

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT