Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

SQO-da «Jas kásipker» baǵdarlamasyna 600 adam qatysady

2019 jylǵy 10 shilde 15:50 658
Bólisińiz:
SQO-da «Jas kásipker» baǵdarlamasyna 600 adam qatysady

PETROPAVL. QazAqparat - Soltústik Qazaqstan oblysynda oqýsyz, jumyssyz júrgen jastarǵa arnalǵan jańa «Jas kásipker» memlekettik baǵdarlamasy shildeniń 24-inen bastap júzege asa bastaıdy, dep habarlaıdy QazAqparat tilshisi.

SQO Kásipkerler palatasy baspasóz qyzmetiniń habarlaýynsha, «Jas kásipker» respýblıkalyq jobasy jylyna 100 myń jasty qamtymaq. Baǵdarlamaǵa qatysýshylar kásipkerliktiń qyr-syryn meńgerip, isin dóńgeletý úshin 200 AEK mólsherinde grant ala alady. 

«Jas kásipker» baǵdarlamasynyń maqsaty jastardy kásipkerlikke tartý. Memleket osy joba aıasynda jumyssyz júrgen jastarǵa múmkindik bermek. Oqytyp, «Bıznestiń jol kartasy 2020» baǵdarlamasy aıasynda jas kásipkerlerge bıznes-ıdeıalaryn iske asyrý úshin memlekettik grant beredi, budan basqa nesıe, shaǵyn nesıeler beredi. Jastar bul qoldaýlardy tolyǵynan paıdalana alady», - deıdi SQO Kásipkerler palatasy qarjylaı emes qoldaý bóliminiń jetekshisi Raqymbek Zeınýllın.

Kýrstarǵa qabyldaýdy óńirlik kásipkerler palatasy shildeniń 22-23-i kúnderi júrgizdi. Nátıjesine qaraı Petropavlda ǵana emes, aýdan ortalyqtarynda da oqý toptary qurylýy múmkin.

«Jobaǵa qatysý úshin Kásipkerler palatasynyń fılıaldaryna nemese halyqqa qyzmet kórsetý ortalyqtaryna, eldi mekenderdiń ákimdikterine barý qajet. Ol jerde ótinish jazyp, saýalnama toltyrady. Ózimen birge jeke kýáliktiń kóshirmesin jáne mekenjaı anyqtamasyn alýy qajet», - deıdi Raqymbek Zeınýllın.

Oqý merzimi 25 kúnge shaqtalǵan. Baǵdarlamaǵa qatysýshylarǵa shákirtaqy tólenip, sertıfıkat beriledi. Osy qujat arqyly keıin grant nemese nesıe alýǵa bolady eken. Mamandardyń aıtýynsha, «Bastaý» baǵdarlamasy da jalǵasyn tabady.

«Jyl sońyna deıin oqýsyz, jumyssyz júrgen 600 jasty oqytýymyz kerek. Olar ózderiniń shaǵyn bıznesterin ashýǵa múmkindik alady. Bul ózderin ǵana emes, ata-anasyn, otbasyn qamtamasyz etýge úlken kómek. Sondaı-aq «Bastaý» baǵdarlamasy boıynsha jumyssyz júrgen jáne ózin-ózi jumyspen qamtyp júrgen turǵyndardy oqytamyz. Bul jobamen jyl sońyna deıin myńnan asa adamdy qamtý josparlanǵan», - deıdi SQO Kásipkerler palatasynyń dırektory Darhan Qalıev.

 

 

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT