Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.97 EUR 427.12
RUB 6.04 CNY 54.75
Jańalyqtar

SQO-da jarty jyl ishinde turǵyndarǵa 275 mln teńgeniń aıyppuly salynǵan

2019 jylǵy 12 shilde 18:29 292
Bólisińiz:
SQO-da jarty jyl ishinde turǵyndarǵa 275 mln teńgeniń aıyppuly salynǵan

PETROPAVL. QazAqparat - Soltústik Qazaqstan oblysynda bıylǵy alty aı ishinde turǵyndar 74 myńnan astam quqyq buzýshylyqqa jol berip, olarǵa shamamen 275 mln teńgeniń aıyppuly salynǵan, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń habarlaýynsha,  óńirdiń  ákimshilik polıtseıleri eki kúndik «Boryshker» jedel-profılaktıkalyq is-sharasyn ótkizip jatyr. Maqsat - tólenbegen ákimshilik aıyppuldary bar adamdardy anyqtaý.

Osy jyldyń 6 aıynda SQO-da 274 mln 964 myń teńge bolatyn 74 myńnan astam quqyq buzýshylyq anyqtalǵan. Alaıda onyń 70% ǵana óndirilip alynǵan. Polıtseıler aıyppuldy tóleýden jaltaryp júrgenderdi anyqtaý boıynsha jedel-profılaktıkalyq is-sharalardy júıeli túrde ótkizedi.

Inspektorlar «Jol prıstavy» mobıldi baǵdarlamalyq-apparattyq kesheniniń kómegimen avtokólik aǵynyna monıtorıng júrgizedi. Kólik kameranyń kórý aımaǵyna túsken kezde, kompıýter kólik ıesinde tólenbegen beresheginiń bar-joǵyn anyqtaıdy. Inspektor mashınany toqtatyp, kólik ıesin derekter bazasy boıynsha tekseredi.
SQO-da jarty jyl ishinde turǵyndarǵa 275 mln teńgeniń aıyppuly salynǵan 

Polıtseılerdiń aıtýynsha, reıdterdi ótkizýdegi taǵy bir maqsat - júrgizýshilerdi aqparattandyrý. Aıyppuldy tóleýdi sozyp júrgen júrgizýshilerge tártip saqshylary zamanaýı tólem jasaýdyń tártibin túsindiredi. Al boryshkerlerdiń qaryzdan qutylmaıynsha elden shyǵa almaıtyndyqtary eskertiledi.

«Boryshker» is-sharasynyń birinshi kúni polıtseıler 515 túbirtek boıynsha 5 mln teńgeni óndirip aldy. Qazirgi tańda Egov elektrondy úkimet arqyly online tártibinde jáne 12 banktiń fılaldarynda aıyppuldy tóleýge bolady. Sondaı-aq iri saýda ortalyqtaryndaǵy termınaldarda JSN-di engizý arqyly ákimshilik aıyppuldyń bar-joǵyn teksere alasyz», - deıdi SQO PD Ákimshilik polıtsııa basqarmasynyń bastyǵy Jasulan Ospanov.

«Jol prıstavy» avtokesheninen basqa boryshkerlerdi aqparattandyrý maqsatynda polıtseıler beresheginiń bary týraly SMS habarlamasyn jiberedi. Aıtýlarynsha jyl basynan osyndaı 6 myń habarlama taratylǵan. Jalpy, sońǵy jarty jylda Ákimshilik polıtsııa basqarmasy «Boryshker» is-sharasyn 10 ret ótkizipti. 

 


SQO-da jarty jyl ishinde turǵyndarǵa 275 mln teńgeniń aıyppuly salynǵan 

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT