Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Shymkenttiń ortalyq alańyna zańsyz sherýge shyqqan arystyqtardyń 90 paıyzy tarady

2019 jylǵy 27 maýsym 19:37 904
Bólisińiz:
Shymkenttiń ortalyq alańyna zańsyz sherýge shyqqan arystyqtardyń  90 paıyzy tarady

NUR-SULTAN. QazAqparat - Shymkenttiń ortalyq alańyna zańsyz sherýge shyqqan arystyqtardyń  90 paıyzy tarady. Bul týraly Shymkent qalasy ákiminiń orynbasary Danat Jýmın Facebook-tegi paraqshasynda jazdy, dep habarlaıdy QazAqparat tilshisi.

"Qalaǵa kelýshilerdiń aıtarlyqtaı óskeni baıqalady. Tsıfrlar mynadaı, Arys qalasy turǵyndarynyń 97 paıyzy Shymkentte zardap shegýshi retinde tirkelgen. Búgin tańerteńgi saǵat 9-0-degi jaǵdaı boıynsha Shymkent qalasyndaǵy evakýatsııalyq beketterge 39 400 azamat tirkelgen. Bul keshegi derekterden 12 609 adamǵa kóp.  Bir táýlikte evakýatsııalyq beketterge ornalastyrylǵan zardap shegýshilerdiń sany 33,8 paıyzǵa artyp, 10 626 adamdy qurady. Kelip jatqan adamdardyń úlken tobyn basqarý barǵan saıyn qıyndaı túsýde. Memlekettik organdar, bıznes, qala turǵyndary men ózge óńirlerden kelgen eriktiler qoldarynan kelgenshe kómektesýde, zardap shekenderdi qonatyn jermen, sýmen, tamaqpen, kıim-keshekpen jáne ózge de qajetti zattarmen qamtamasyz etýge tyrysýda",  - dep jazady ákim orynbasary.

Onyń jazýynsha, qala ákimdiginiń barlyq qyzmetkerleri zardap shegýshilerge kómekke jumyldyrylǵan.

"Qalaǵa kelgenderdiń bir toby Shymkentten baspana men jer ýchaskesin berýdi talap etip otyr. Búgin Arystyń zardap shekken turǵyndarynyń atynan bir top erkek pen áıel ruqsat etilmegen sherýge shyǵyp, kólikterdiń qozǵalysyna kedergi keltirdi. Olar aıqaılap, ótip bara jatqan adamdardyń úreıin ushyrdy, qalalyqtardyń mazasyn aldy. Sherýshilerdiń tarapynan jekelegen agressıvti qylyq ta baıqaldy", - dedi ol.

Danat Jýmınniń atap ótýinshi, sherýge shyqqandarǵa quqyq qorǵaý organdary jappaı kúsh qoldanǵan joq. Degenmen,  ahýal quqyq qorǵaý organdarynyń jiti baqylaýynda bolǵan jáne olar aıta qoıarlyqtaı quqyqqa qaıshy áreketterge jol bermegen.

"Qala ákimi Ǵabıdolla Ábdirahymov  sherýshilermen eki ret kezdesip, qoıylǵan suraqtar men talaptarǵa jaýap berdi. Bastapqyda Ortalyq meshitte, odan keıin qalanyń ortalyq alańynda.  Qazirgi ýaqytta sherýshilerdiń 90  paıyzy tarady. Alańda shaǵyn ǵana adamdar toby qaldy.  Shymkent qalasynyń turǵyndary men qonaqtaryna alańdamaýdy ótinemin. Bizde qalanyń jáne onyń turǵyndarynyń qaýipsizdigin qamtamasyz etý jáne qoǵamdyq tártipti buzýshylar tarapynan  kez kelgen zańǵa qaıshy áreketterdi tyıýǵa resýrs jetkizilikti. Búgin Túrkistan oblysynyń ákimi erteń Arys qalasy turǵyndardyń úılerine oralýy úshin ashyq bolatyndyǵyna sendirdi. Erteń tańerteńgi 06-00-den bastap avtobýstar adamdardy Shymkentten shyǵara bastaıdy", - dedi qala ákiminiń orynbasary.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT