Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Shymkentte erli-zaıyptylardy óltirgen júrgizýshi eki aıǵa qamaýǵa alyndy

2019 jylǵy 19 aqpan 18:27 1020
Bólisińiz:
Shymkentte erli-zaıyptylardy óltirgen júrgizýshi eki aıǵa qamaýǵa alyndy

ShYMKENT. QazAqparat - Shymkentte kásipker men áıelin óltirgen osy otbasynyń kólik júrgizýshisi bolyp shyqty. Búgin Qarataý aýdandyq soty 28 jastaǵy Arys aýdanynyń turǵynyn eki aıǵa qamaý týraly sanktsııa shyǵardy,  dep habarlaıdy QazAqparat tilshisi.

Sanktsııa berý kezinde Shymkent qalasynyń prokýrory Maqsat Qojabaev qylmystyń qalaı jasalǵanyn baıandady. Onyń sózinshe, kólik júrgizýshi úı ıesi men áıelin qalaı óltirý kerektigin aldyn ala oılastyrǵan.

«Sezikti úıge jertóle arqyly kirgen. Sóıtip aldymen teledıdar qarap otyrǵan úı ıesine  oq atqan. Keıinnen as bólmege ótip, pyshaq alǵan. Oqtyń daýsynan oıanyp ketken áıeline de birneshe pyshaq jaraqatyn salǵan. Saldarynan jábirlenýshi sol jerde jantásilim etken. Qylmys jasaǵan túni Qulahmetov sol úıden 2 mln 300 myń teńge aqsha men altyn buıymdardy alyp ketken. Tergeý kezinde ol qylmysyn moıyndap, urlanǵan zattardyń barlyǵy aıǵaqty zattar retinde tárkilenip alyndy. Qylmys jasaǵannan keıin kúdiktini izdeý kezinde onyń 10 kún boıy óz úıinde bolǵany anyqtalǵan»,- dedi Maqsat Qojabaev. 

Alaıda, sotta júrgizýshiniń mundaı aýyr qylmysqa ne úshin barǵany jarııa etilmedi. Qazir kúdiktige «qaraqshylyq shabýyl jasap, atys qarýyn zańsyz alyp júrý jáne qoldaný arqyly eki jáne odan da kóp adam óltirdi» degen aıyp taǵylýda.

Esterińizge sala keteıik, Shymkentte 6 aqpan kúni túnde kásipkerlikpen aınalysatyn  erli-zaıyptylardy óz úıinde óltirip ketken bolatyn. Kúni keshe polıtsııa departamenti otbasyly erli-zaıyptynyń ólimine kúdikti retinde 27 jastaǵy jergilikti turǵyn ustalǵanyn habarlaǵan edi.

 

 

Bizdiń kanalymyzǵa jazylyńyz:

Basty sózder: Shymkent, Oqıǵa,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT