Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Shymkent 2023 jylǵa deıin qalaı ózgeredi

2019 jylǵy 10 shilde 23:28 833
Bólisińiz:
Shymkent 2023 jylǵa deıin qalaı ózgeredi

ShYMKENT. QazAqparat - Shymkenttiń ákimdiginde «Qalany damytýdyń 2023 jylǵa deıingi keshendi josparyn» iske asyrý boıynsha májilis ótti, dep habarlaıdy QazAqparat tilshisi.

Jıynda shahar basshysy  Ǵabıdolla Ábdirahymov bul baǵytta atqaratyn negizgi jumystardan habardar etip, úlken jaýapkershilik júktelip otyrǵanyn atap shyqty.

Ákimniń aıtýynsha, 10 baǵyttan turatyn keshendi jospar memlekettik organdarmen, mınıstrliktermen kelisilgen. 2023 jylǵa deıingi strategııalyq keshendi jospar kólik ınfraqurylymy, turǵyn úı qurylysyn damytý, bilim berý, sport, mádenıet, densaýlyq saqtaý, abattandyrý, qaýipsizdikti saqtaý, ındýstrıaldy aımaqtardy damytý baǵyttaryn qamtıdy. Erekshe nazar aýdaratyn jaıt, keshendi jospardy iske asyrý nátıjesinde bıýdjetke júktemeni azaıtý úshin, 836 mlrd teńge nemese josparlanǵan somanyń 65% jeke ınvestorlar esebinen júzege asyrylady.

«Keshendi jospar - qala úshin mańyzdy qujat dep aıtýǵa bolady. Eń aldymen 10 kúnniń ishinde jospardy iske asyrýdyń josparyn daıyndap, bekitýimiz kerek. Ár jobaǵa jaýapty adamdar bekitiledi. Jobany iske asyrýǵa ákimdiktiń árbir múshesin belsendi atsalysýǵa shaqyramyn. Naqty maqsattar aıqyn. Merzim qysqa. Endi tek jumys isteý qajet. Bizde barlyq múmkindik bar. Kadrlar da jetkilikti. Tapsyrma boıynsha  depýtattyq toptar da óz saılaýshylarymen kezdesip, jobalarmen tanystyrý qajet. Aýdan ákimderine de osyndaı tapsyrma beriledi», - dedi qala ákimi.

Sondaı-aq, jıyn barysynda aýdan ákimderi men basqarma basshylaryna birqatar naqty tapsyrmalar berildi.

Eske salsaq, kúni keshe Nur-Sultan qalasynda QR Premer-Mınıstri Asqar Mamınniń basshylyǵymen Úkimet otyrysy ótken bolatyn. Onda qala əkimi Ǵabıdolla Ábdirahymov 2023 jylǵa deıin shahardy damytýdyń keshendi josparyn tanystyrǵan edi. Qalany damytý úshin jalpy quny 1 trln 284 mlrd teńgeni quraıtyn 10 baǵyt boıynsha 89 joba Úkimet músheleri tarapynan tolyq qoldaý tapqan.

 

 

Bizdiń kanalymyzǵa jazylyńyz:

Basty sózder: Shymkent, Qurylys,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT