Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

ShQO qurylysshylary Arystaǵy 541 úı men ǵımaratty qalpyna keltiredi

2019 jylǵy 4 shilde 07:29 529
Bólisińiz:
ShQO qurylysshylary Arystaǵy 541 úı men ǵımaratty qalpyna keltiredi

ÓSKEMEN. QazAqparat  - Óskemende Arys qalasy turǵyndaryna gýmanıtarlyq kómek kórsetý jáne qoldaý boıynsha oblys ákimi Danıal Ahmetovtiń brıfıngi ótti, dep habarlaıdy óńir basshysynyń baspasóz qyzmeti.

Aıta ketý kerek, shyǵysqazaqstandyqtar Arys qalasynyń turǵyndaryna apat bolǵan alǵashqy kúnnen bastap barynsha kómekterin kórsetýde. Óńirde arnaıy shtab qurylyp, túsip jatqan qarajat pen materıaldyq zattardy baqylaýǵa alý úshin quramyna qoǵam belsendileri, BAQ ókilderi men blogerler kirdi.

Óńirdiń iri kásiporyndary jáne turǵyndarynyń qoldaýymen Arystaǵy qalpyna keltirý jumystaryn uıymdastyrý úshin qazirgi tańda 168 mıllıonnan astam teńge jınaldy. Gýmanıtarlyq kómek «Nur Otan» partııasynyń fılıaldary arqyly jınalýda. Keshe oblys ortalyǵynan 200 tonnadan astam gýmanıtarlyq júk jóneltildi. Onyń ishinde 150,3 tonna un, 22 tonna kúnbaǵys maıy, 7,6 tonna makaron ónimderi bar. Jalpy sany 5 myńnan asa alǵashqy tutynymdaǵy taýar ataýlary kiredi. 

Danıal Ahmetov atap ótkendeı, 2 shilde kúni aımaq basshysy bastaǵan Shyǵys Qazaqstan delegatsııasy Arysqa at basyn tirep, 8-inshi sektordaǵy nysandardyń jaǵdaıymen tanysty. Aıta ketý kerek, qala 17 sektorǵa bólinip, olardyń árqaısyna naqty oblys bekitildi.

- Shyǵys Qazaqstan az ýaqyt ishinde jarylys kezinde zardap shekken 541 nysandy qalpyna keltirýge múddeli. Olardyń 522-i jeke úıler. 6 úı turýǵa múldem jaramsyz. 12 baspanany qaıta qalpyna keltiremiz. Men Elbasymyz ben Prezıdentimizdiń tapsyrmasy boıynsha Arys qalasyna bardym. 60-tan astam úıdiń jaǵdaıymen tanystym. Іrgesinen bastap, tóbesine deıin tolyq qarap shyqtym. Turǵyndarǵa bir aıdyń ishinde bul jumystardy bitiretindigimizdi jetkizdim. Qazirgi tańda shyǵyndy baǵalaý jáne aýqymyn anyqtaý jumystary júrip jatyr. 140 adam jumys isteýde. Jaqyn arada olardyń qatary artady. 10 shildege deıin qosymsha 50 myń sharshy metr shatyr jabyndylaryn jiberemiz. Kelesi apta taǵy da Arys qalasyna baryp qaıtamyn, - dedi Danıal Ahmetov.

Jalpy, óńirdiń 25 qurylys kompanııasy iske kirisýge daıyn ekendikterin jetkizdi. Oqıǵa ornynda mamandar jumys júrgizýde. Aldaǵy tańda úı tóbesi men terezelerdi jóndeıtin 200-den jýyq qosymsha maman jolǵa shyǵady. 

Aıta ketý kerek, Shyǵys Qazaqstan oblystyń ózge balalarynyń demalysyn shektemeı, buǵan deıin alynǵan joldamalardy keri qaıtarmaı Arystyń 300 balasyn óz lagerlerine qabyldaıdy. Búldirshinderdiń demalystaryn uıymdastyrý, ıaǵnı, Túrkistannan lagerge deıingi, sondaı-aq, keri qaıtar jol, tamaq pen jatar oryn shyǵyndary qalalar men aýdandardyń esebinen júrgiziledi.  

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT