Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

ShQO-da kezekti sensatsııalyq jańalyq: Saqtardyń ejelgi qonysy tabyldy

2019 jylǵy 10 maýsym 10:13 3037
Bólisińiz:
ShQO-da kezekti sensatsııalyq jańalyq: Saqtardyń ejelgi qonysy tabyldy

ÓSKEMEN. QazAqparat - Shyǵys Qazaqstan oblysynyń Ulan aýdanyndaǵy Aqbaýyr shatqalynda arhelogtar saqtardyń ejelgi qonysyn tapty, dep habarlaıdy QazAqparat.

9 maýsymda belgili qazaqstandyq arheolog Zeınolla Samashev oblys ákimi Danıal Ahmetovti Ulan aýdany Besterek aýylynan soltústikke qaraı 3 shaqyrym jerde ornalasqan Aqbaýyr taýyndaǵy arheologııalyq eskertkishterden tabylǵan sensatsııalyq jańalyqpen tanystyrdy.

Bul jerde jartas sýretteri men petroglıfteri bar alaptarymen ataqty Aqbaýyr shatqalynda Zeınolla Samashev sońǵy qola dáýirindegi jáne erte temir dáýirindegi qonys qaldyqtaryn tapty. Sońǵy fakt erekshe qyzyǵýshylyq týdyrady, óıtkeni Qazaqstan aýmaǵyndaǵy saqtardyń otyryqshy qonystary óte az zerttelgen, al eldiń shyǵysynda bul alǵash ret ashylyp otyr.

«Bul jaǵdaı ejelgi saq halyqtarynyń ekonomıkasy men qoǵamdyq qurylymyn jańasha zerdeleý tásilderin ashady, óıtkeni ejelgi dala kóshpendileriniń tek kóshpendi salt-ǵurpy jaıyndaǵy pikir árdaıym basym bolatyn. Ataýy Aqbaýyr-1 atalǵan eldi mekenindegi kóp mólsherde dánúkkishterdiń, oıý-órneksiz keramıkalardyń, qaıraq tastardyń, jylqy, qoı, eshki súıekteriniń kóp mólsherde tabylýy osy eskertkishti qaldyrǵan adamdar sharýashylyǵynyń keshendi sıpatyn aıqyn dáleldeıdi. Jumys jetekshisi, professor Zeınolla Samashev aıtqandaı, bul eskertkishtiń shamamen ýaqyty b.z.d. XI - IX ǵǵ», delingen habarlamada.

Zeınolla Samashevtyń tujyrymdarymen Reseı Ǵylym akademııasynyń Materıaldyq mádenıet tarıhy memlekettik ınstıtýtynyń arheologııa bóliminiń aǵa ǵylymı qyzmetkeri (Sankt-Peterbýrg q.) Nıkolaı Bokovenko kelisedi. Ol Aqbaýyr-1 eldi mekeninde óte mańyzdy ǵylymı jańalyq jasalǵanyn atap ótti.

«Shyǵys Qazaqstan aýmaǵynda alǵash ret ejelgi saq qonysy ashyldy, buny qazba jumystary kezinde tabylǵan kóptegen artefaktiler rastaıdy. Ásirese, erte saqtardyń kóshpendi sharýashylyǵyn kórsetetin qaıraqty tastardy atap ótken jón. Qola jáne erte temir dáýiriniń qabattaryn bólý úshin keramıka sıpattamalaryn muqııat qaraý kerek», - dedi Nıkolaı Bokovenko.

Sondaı-aq, Shyǵys Qazaqstan aýmaǵynda birneshe jyl ǵana jumys istep kele jatqan N. A. Bokovenko ekspedıtsııanyń tamasha uıymdastyrylǵanyn, álemdik arheologııadaǵy biregeı jańalyqtar ashatyn ártúrli arheologııalyq eskertkishterdi zertteýge ǵylymı kózqarasty joǵary atap ótti.

ShQO-da kezekti sensatsııalyq jańalyq: Saqtardyń ejelgi qonysy tabyldy 

Barlyq jumystar oblys ákimi jetekshilik etetin oblystyq arheologııalyq zertteýler baǵdarlamasy aıasynda ótýde. Tabylǵan zattar aımaqtyń erte dáýir saqtary otyryqshy ómir saltyn júrgizgenin, olarda eginshilik, mal sharýashylyǵy, metallýrgııa, qolóner óndirisi qatar damyǵanyn bildiredi.

 S. Amanjolov atyndaǵy ShQMÝ stýdentteri men oqytýshylary myńnan astam qysh ydystar synyqtary tabyldy. Bul materıaldar kameraldyq jaǵdaıda óńdeledi. Barlyq artefaktiler oblystyq etnografııalyq murajaı qoryna beriledi, biraq ýnıversıtet stýdentteri Qazaqstannyń ejelgi tarıhynyń sheshilmegen kóptegen suraqtaryna jaýap tabatyn osy kórnekti artefaktilerdi aldyn ala zerdeleýge úırenetin bolady.

Ǵalymdardyń pikirinshe óte perspektıvaly bolǵandyqtan, eskertkishti qazý jumystary kelesi jyly jalǵasady. Ǵylym aldynda osy shaǵyn aýdan aýmaǵynda ornalasqan eskertkishterdiń ár túrli túrleriniń máni men maǵynasyn anyqtaý, tıpologııa, klassıfıkatsııa, onyń ishinde olardy sınhrondaý mindetteri tur.

Ótken jyldardaǵydaı aımaq eskertkishterin zertteý halyqaralyq sıpatqa ıe, oǵan Reseı Federatsııasy, Túrkııa, Ázerbaıjan arheologtary qatysady. Al, munda M. Qarıevtiń jetekshiligimen jumystar atqaryp jatqan ShQMÝ stýdentteri jaqsy ǵylymı tájirıbe alatyndary sózsiz.


ShQO-da kezekti sensatsııalyq jańalyq: Saqtardyń ejelgi qonysy tabyldy 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT