Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

ShQO-da basshylyq qyzmettegi sheneýnikter partaǵa otyrdy

2018 jylǵy 30 mamyr 15:28 10357
Bólisińiz:
ShQO-da basshylyq qyzmettegi sheneýnikter partaǵa otyrdy

ÓSKEMEN. QazAqparat - QR Prezıdenti janyndaǵy memlekettik basqarý akademııasynyń Shyǵys Qazaqstan oblystyq fılıaly aýdan ákimderi men basqarma basshylaryna arnap  jobalaý menedjmenti boıynsha trennıng ótkizýde, dep habarlaıdy QazAqparat tilshisi.

Túske deıin trennıngke oblys ákiminiń orynbasarlary men aýdan ákimderi, basqarma basshylary men apparat jetekshileri qatysty. Al tústen keıin basqarma basshylarynyń orynbasarlary men memlekettik uıym basshylary bilim alýda.

«Elbasy nusqaǵan 100 naqty qadamnyń toǵyzynshy tarmaǵyn oryndaý maqsatynda 15 óńirde akademııanyń fılıaldary ashylǵan bolatyn. Shyǵystaǵy bólimshe buǵan deıin aýyldyq okrýg ákimderin bıýdjetti tıimdi ıgerý kýrstarynan ótkizgen. Al bul joly oblystyq deńgeıdegi eń joǵarǵy laýazymdaǵy basshylardy oqytpaqpyz. Bizdiń jumysymyz teorııalyq turǵyda bilim berýmen shektelmeıdi. Kóptegen ilki jobalardy ádistemelik turǵydan súıemeldeıtin bolamyz», - deıdi fılıal dırektory Janar Rysbekova.

Jalpy ýaqyty 15 saǵatty qamtıtyn kýrsqa 50 sheneýnik tartylǵan. Kýrs barysynda olar óńirde qolǵa alynǵan 13 iri jobany júzege asyrý boıynsha ádistemelik nusqaýlyqtar alady.

«Mysaly Shyǵysta Qytaı standarttary boıynsha aýylsharýashylyq ónimderdi sertıfıkattaıtyn zerthana ashylmaqshy. Osy jobany ádistemelik turǵyda súımeldeýdi moınymyzǵa aldyq aldyq. Búgingi kúnniń memlekettik qyzmetkeri bilikti menedjer bolýy qajet. Trennıng tizginshisi Janbolat Daýharın brıtandyq jáne eýropalyq sanattar boıynsha  bilikti dárisker sanalady. Kýrs bitken soń barlyq qatysýshylarǵa sertıfıkat beriledi. Alaıda onyń qyzmettik ósýde eshqandaı artyqshylyǵy bolmaıdy. Kýrs sheneýniktiń qyzmet barysyndaǵy tıimdiligin arttyrýǵa ǵana baǵyttalǵan» - deıdi Janar Rysbekova.

Erkin formatta, oıyndar men pikirtalastar túrinde ótken trennıgte áleýmettik joba jetekshileri men baqylaýshy komıssııa ókilderi shaqyrtylypty.

«Oblysta qolǵa alynǵan 13 áleýmettik jobanyń biri  - densaýlyq saqtaý salasyn jetildirýge arnalǵan. Men sol jobany baqylaý komıssııasynyń múshemin. Búgingi kýrs komıssııa quramynda atqaratyn jumystardy tıimdi uıymdastyrýǵa múmkindik beredi dep oılaımyn», - deıdi oblystyq «Jas Otan» jastar qanatynyń tóraıymy Marjan Baqytqyzy.

 

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT