Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 443.50 EUR 479.47
RUB 5.79 CNY 62.51
Jańalyqtar

ShQO-da 230 kópbalaly ana baspanaly boldy

2019 jylǵy 12 shilde 14:34 411
Bólisińiz:
ShQO-da 230 kópbalaly ana baspanaly boldy

NUR-SULTAN. QazAqparat - Shyǵys Qazaqstannyń  aýyldarynda 230 kópbalaly ana bir kúnde úıli boldy, dep habarlaıdy QazAqparat tilshisi.

Bul týraly ShQO ákiminiń orynbasary Ásem Núsipova Dáýlet Serikbaev atyndaǵy Shyǵys Qazaqstan memlekettik ýnıversıtetinde ótken aýyl áıelderiniń forýmynda aıtty. QR Prezıdenti janyndaǵy áıelder isi jáne áleýmettik-demografııalyq saıasatty qoldaý jónindegi ulttyq komıssııanyń qoldaýymen uıymdastarylǵan forým «Áleýmettik jaýapkershilik, teń quqyq pen múmkindikter saıasaty» degen taqyryp aldy.

Sharanyń plenarlyq otyrysyn ShQO ákiminiń orynbasary Ásem Núsipova ashyp, ónegeli isimen kópke úlgi bolǵan birneshe anaǵa qurmet gramotalary men 100 000 teńge kóleminde aqshalaı syıaqy tabystady.

«Bizdiń oblysta 1300 aýylsharýashylyq kásiporyn men 790 shaǵyn jáne orta bıznes nysanyn áıelder basqarady. Bir aýdannyń ákimi áıel adam.  24 aýyldyq okrýgti názik jandylar basqarady.  57 áıel  máslıhat depýtaty bolsa, 372  áıel memlekettik organdarda basshylyq qyzmet etip júr.  Kópbalaly analardy qoldaý - oblystaǵy áleýmettik saıasattyń basym baǵyty bolyp sanalady. Ol úshin tipti arnaıy óńirlik baǵdarlama qabyldanǵan bolatyn.  Dál búgin 230 kópalaly ana baspanamen qamtyldy. Bul - atalmysh baǵdarlamanyń bir kezeńi ǵana.  Kópbalaly januıadan shyqqan balalardyń barlyǵy balabaqshada tegin tárbıelenip, kolledjderde tegin bilim alady. Mektepte atalmysh sanattaǵy balalar tegin tamaqpen qamtylǵan. Jańa oqý jylynda olardyń bári tegin mektep formasyn alatyn bolady»,- dedi Ásem Núsipova.

Birneshe top pen sektsııaǵa bólingen aýyl áıelderine janynyń náziktigine qaramastan, jaýapty jumysty moıynǵa alyp, qatarynyń aldyn bolyp júrgen analar óz tájirıbelerin baıandady. Shaı bıznesin tabysty jolǵa qoıǵan Tatıana Smola men «Aıka» sharýa qojalyǵy bazasynda óńirdegi tanymal týrıstik nysan ashqan Aelıta Ahmetsálimqyzynyń dárisin tyńdaýǵa nıetti qyz-kelinshekter kóp boldy.

Forýmnyń praktıkalyq bóliginde Qazaqstan kóleminde aty tanylǵan isker áıelder jeke sheberlik saǵattaryn ótkizdi.

 

 

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT