Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.97 EUR 427.12
RUB 6.04 CNY 54.75
Jańalyqtar

Sheteldikter Qazaqstandy iskerlik kezdesýler eli dep oılaıdy - Kazakh Tourism

2019 jylǵy 12 shilde 20:25 286
Bólisińiz:
Sheteldikter Qazaqstandy iskerlik kezdesýler eli dep oılaıdy - Kazakh Tourism

NUR-SULTAN. QazAqparat - Elordada «Kıeli Qazaqstan» salt attylar ekspedıtsııasynyń ókilderi 9 kúndik saparyn qorytyndylady, dep habarlaıdy QazAqparat tilshisi.

«Qazaqstandaǵy tanymal baǵyttardy jasap shyǵarý úshin ekspedıtsııalar serııasyn uıymdastyrdyq. Bul baǵyttar buryn da bolǵan, biraq tolyqqandy aqparatpen qamtyp, nasıhattaý - bizdiń negizgi mindetimiz bolyp otyr», - «Kazakh Tourism» UK AQ basqarma tóraǵasynyń orynbasary Tımýr Dúısenǵalıev.

Spıkerdiń aıtýynsha, Qazaqstanda etnıkalyq baǵyttaǵy týrızmdi qolǵa alǵan jón.

«Shyntýaıtyna kelgende, biz kóshpeli ómir men atpen serýen sııaqty etnıkalyq baǵytta týrıstik ónim usynatyn el retindegi rólimizdi joǵaltyp aldyq. Sebebi bizdiń týrıster Qazaqstanǵa tek iskerlik forýmdarǵa ǵana kelýge bolady dep oılaıdy. Al etnıkalyq týrızm úshin Mońǵolııa nemese Qyrǵyzstanǵa barady.  Asylynda Uly dala eli ataýy Qazaqstanǵa tıesili», - dedi ol.

Ekotýrızmniń bir bóligi retinde elimizde salt attylar týrızmine de qyzyǵýshylyq bar.

«Ekotýrızmniń ózi álemdik úrdis retinde damyp keledi. Al salt atty týrızminiń eki ereksheligi bar: bekzattyq sport túri jáne kóshpelilerdiń ómir salty retinde nasıhattaýǵa bolady. ıAǵnı, bir mezgilde bekzat sportpen aınalysyp, kóshpelilerdiń ómir saltyn sezinýge bolady. Bul da - Qazaqstandaǵy salt attylar týryn nasıhattaýdyń bir marketıngtik joly», - dedi Tımýr Dúısenǵalıev.

Aıta keteıik, 21 maýsymda Nur-Sultan jáne Almaty qalalarynan «Kıeli Qazaqstan» salt attylar ekspedıtsııasy saparǵa attandy. Olar Jasybaı jáne Qaıyńdy ózenderine deıin at ústinde birneshe nysanǵa bardy.

 

 

Bizdiń kanalymyzǵa jazylyńyz:

Basty sózder: Nur-Sultan, Týrızm,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT