Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Sheteldegi qazaq dıasporasynyń balalary elordaǵa jınaldy

2019 jylǵy 10 shilde 14:19 772
Bólisińiz:
Sheteldegi qazaq dıasporasynyń balalary elordaǵa jınaldy

NUR-SULTAN. QazAqparat - Astanada «Nazarbaev zııatkerlik mektepteri» bazasynda sheteldegi qazaq dıasporasy balalaryna arnalǵan birinshi «Uly dala urpaǵy» jazǵy mektebi ashyldy, dep habarlaıdy QazAqparat tilshisi.

Eki aptalyq jazǵy mektepte balalar ana tilin úırenip, qazaqtyń tarıhy men salt-dástúrin zerdeleıdi.

Jıynǵa Reseı, Iran, Mońǵolııa, Túrkimenstan, Tájikstan, Ózbekstan jáne Qyrǵyzstan elderinde turatyn 150-ge jýyq bala jınaldy. Olardy QR bilim jáne ǵylym mınıstri Ashat Aımaǵambetov qarsy aldy.

Sheteldegi qazaq dıasporasynyń balalary elordaǵa jınaldy 
Sheteldegi qazaq dıasporasynyń balalary elordaǵa jınaldy 
Sheteldegi qazaq dıasporasynyń balalary elordaǵa jınaldy
Sheteldegi qazaq dıasporasynyń balalary elordaǵa jınaldy  

Jazǵy mektep «Otandastar» qory men Dúnıejúzi qazaqtary qaýymdastyǵynyń qoldaýymen uıymdastyrylǵan.

«Álemde 16 mln-ǵa jýyq qazaq ómir súrse, onyń úshten biri shet elderde turady. Ózim kóptegen elderge baryp, shettegi qazaqtardyń óz mádenıetin, salt-dástúrin, tamyryn bilmeıtinin baıqadym. Árıne, olardyń kinási joq, sebebi ózge tilde bilim alady. Bizdiń basty mindetimiz - álem boıynsha ultymyzdy saqtaý. Sondyqtan, balalarǵa jazǵy mektep uıymdastyrýdy bastadyq. Aldaǵy ýaqytta balalar sanyn 4 myńǵa deıin kóbeıtkimiz keledi», - dedi Dúnıejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov.

Sheteldegi qazaq dıasporasynyń balalary elordaǵa jınaldy
Sheteldegi qazaq dıasporasynyń balalary elordaǵa jınaldy  

Balalar elordanyń basty týrıstik nysandary - EKSPO ortalyǵyn, Báıterekti, Tuńǵysh Prezıdent kitaphanasyn, Áziret Sultan meshitin, Beıbitshilik jánen kelisim saraıyn aralaıdy. Sonymen birge, «Býrabaı» memlekettik ulttyq parkine, «Aljır» mýzeılik-memorıaldyq keshenine, ashyq aspan astyndaǵy «Bozoq» arheologııalyq-etnografııalyq mýzeıine, «Rodına» agrofırmasy men «Aqqaıyń» tálimbaǵyna barý josparlanǵan. Ulttyq mýzeıde «Uly dalanyń jeti qyry» taqyrybynda tarıh sabaǵy ótedi. «Qazaqstan Ǵarysh Saparynda» balalar Baıqońyr ǵarysh aılaǵynyń tarıhymen tanysady.

Sheteldegi qazaq dıasporasynyń balalary elordaǵa jınaldy 
Sheteldegi qazaq dıasporasynyń balalary elordaǵa jınaldy 

Jáne oqýshylar Nazarbaev ýnıversıtetine, L. N. Gýmılev atyndaǵy EUÝ men S. Seıfýllın atyndaǵy agrarlyq ýnıversıtetke barady.

«Ulttyq aspaptar, qoldanbaly óner, halyq bıinen sheberlik synyptary jáne jaratylystaný-matematıka baǵyty, rotobotehnıka, dızaın boıynsha STEM-oqytý, kóshbasshylyq pen sheshendik ónerden trenıngter ótedi. Qazaqstannyń mádenı baılyǵyna tereńirek úńilý úshin Nazarbaev zııatkerlik mektebiniń «Týǵan elge taǵzym», «Qazaqtyń 100 áni», «100 kúı» jobalary kómektesedi. «100 kitap» jobasy boıynsha sheteldik qonaqtarǵa kitaptar kórsetiledi», - deıdi uıymdastyrýshylar.

Sondaı-aq, balalar úshin «Ulttyq aspaptar saǵaty», «Ulttyq oıyndar saǵaty» jáne ulttyq ashana festıvali uıymdastyrylady.


Sheteldegi qazaq dıasporasynyń balalary elordaǵa jınaldy
Sheteldegi qazaq dıasporasynyń balalary elordaǵa jınaldy  

 

Bizdiń kanalymyzǵa jazylyńyz:

Basty sózder: Qandastar, Nur-Sultan, Týrızm,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT