Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Sheteldegi qazaq balalaryna arnalǵan jazǵy mektep jumysyn bastady

2019 jylǵy 11 shilde 02:33 825
Bólisińiz:
Sheteldegi qazaq balalaryna arnalǵan jazǵy mektep jumysyn bastady

NUR-SULTAN. QazAqparat - Nur-Sultan qalasynda alǵash ret shetelde turatyn etnıkalyq qazaq oqýshylary úshin «Uly dala urpaǵy» jazǵy mektebi óz esigin aıqara ashty. Mekteptiń ashylý saltanatyna Bilim jáne ǵylym mınıstri Asxat Aımaǵambetov qatysyp, jetkinshekterge jyly lebizin bildirdi, dep habarlaıdy QazAqparat mınıstrliktiń baspasóz qyzmetine silteme jasap.  

«Shet elderde júrgen baýyrlarymyz - bizdiń baǵa jetpes baı qazynamyz. «Uly dala urpaǵy» jazǵy mektebin uıymdastyrýdaǵy negizgi maqsatymyz da - jastardyń túp qazyǵyn tanyp, atajurtynda tamyr jaıýyna úles qosý. Jazǵy mektep qandastarymyzdyń tarıhı Otanymen baılanysyn nyǵaıtyp, xalqymyzdyń salt-dástúrin tanýyna, ana tilin, el tarıhyn zerdeleýine jaǵdaı jasaýǵa baǵyttalǵan. Baýyrlarymyzdy atajurttyń búgingi kelbetimen tanysyp, týǵan jerge degen saǵynysh sezimin bassyn degen úmitpen jınap otyrmyz. Álemniń 7 elinen kelgen qandastarymyz úshin ashylǵan jazǵy mektep joba qatysýshylarynyń kóńilinen shyǵady degen úmittemiz», - dedi Bilim jáne ǵylym mınıstri óz sózinde.


Sheteldegi qazaq balalaryna arnalǵan jazǵy mektep jumysyn bastady

Jazǵy mektepti «Nazarbaev Zııatkerlik mektepteri» derbes bilim berý uıymy Dúnıejúzi qazaqtary qaýymdastyǵy jáne «Otandastar Qory» kommertsııalyq emes aktsıonerlik qoǵamymen birge uıymdastyrǵan. Ol 10-24 shilde aralyǵynda jumys isteıdi. Búgingi tańda Qazaqstan Respýblıkasy Bilim jáne ǵylym mınıstrligimen qatar, Aqparat jáne qoǵamdyq damý mınıstrligi, «Qazaq eli» shetelde turatyn etnıkalyq qazaq jastary klýby jáne «Generation Next» aqparat  portaly jazǵy mektepti ótkizýge qoldaý tanytyp otyr.


Sheteldegi qazaq balalaryna arnalǵan jazǵy mektep jumysyn bastady

Jazǵy mektepke Iran Islam Respýblıkasy, Reseı Federatsııasy, Mońǵolııa, Ózbekstan, Qyrǵyzstan, Tájikstan jáne Túrkimenstanda turatyn qazaq dıasporasynan 12-17 jas aralyǵyndaǵy 150 oqýshy jınalyp otyr. Jazǵy mektep baǵdarlamasy sheńberinde Qazaqstan tarıhy jáne qazaq tili pánderi oqytylyp, ulttyq qundylyqtarymyzdy dáripteıtin mýzyka, dombyra, qolóner úıirmeleri arqyly ulttyq jádigerlerimiz zerdelenedi.

Sondaı-aq, oqýshylar úshin Nur-Sultan qalasynyń mádenı nysandary men «Býrabaı» memlekettik ulttyq tabıǵı saıabaǵyna tanymdyq ekskýrsııalar uıymdastyrylady.


Sheteldegi qazaq balalaryna arnalǵan jazǵy mektep jumysyn bastady 

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT