Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Selfı akýladan bes ese qaýipti - Álemdik baspasózge sholý

2019 jylǵy 30 maýsym 10:20 1513
Bólisińiz:
Selfı akýladan bes ese qaýipti - Álemdik baspasózge sholý

NUR-SULTAN. QazAqparat - «QazAqparat» HAA ádettegideı oqyrman nazaryna álemdik aqparat kózderine sholýyn usynady.

Emıgranttardyń ómir súrýine eń qymbat qalalar reıtıngi shyqty - CNN

Selfı akýladan bes ese qaýipti - Álemdik baspasózge sholý 

«Ómirińdi ózgertip, shetelde jumys istegiń kele me? Jańa zertteý nátıjeleri kórsetkendeı, jumys isteý úshin Azııa elderine barýdyń qajeti joq.  Sebebi emıgranttardyń ómir súrýi úshin eń qymbat qalalardyń kóbi Azııada ornalasqan. 2019 jyldyń  Mercer Global Talent Trends reıtınginiń kóshin Gonkong qalasy bastap tur», dep jazady CNN basylymy. Avtordyń aıtýynsha, emıgranttardyń ómir súrýine eń qymbat qala tanylǵan on shahardyń segizi Azııa elderinde ornalasqan.

«Alǵashqy ondyqta Gonkongten (Qytaı) keıin Tokıo (Japonııa), Sıngapýr, Seýl (Ońtústik Koreıa), Tsıýrıh (Shveıtsarııa), Shanhaı (Qytaı), Ashhabad (Túrikmenstan), Beıjiń (Qytaı), Nıý-Iork (AQSh) jáne Shenchjen qalalary bar. Al eń arzan qalalar retinde reıtıngti Týnıs astanasy Týnıs (209-oryn), Ózbekstan astanasy Tashkent (208-oryn) qalalary túıindep tur», dep jazady basylym.

Álem gendi ózgertýge daıyn ba? - Nature

Selfı akýladan bes ese qaýipti - Álemdik baspasózge sholý 

«Іshte jatqan balanyń genin ózgertý esh qatesiz jasalǵan kúnniń ózinde, adam ómirine onyń qaýpi bar ma degen suraq týyndaıdy», dep jazady Ulybrıtanııanyń Nature jýrnaly.

«2017 jyly AQSh bıoınjenerııa jáne medıtsına ulttyq ǵylymı akademııasy adam embrıonyn ózgertpes buryn qandaı is sharalar atqarylýy kerektigi týraly sharttardy belgilegen edi. Solardyń birinde DNQ ózgirisi densaýlyqqa kesirin tıgizbeı, aýrýlardyń týýyn boldyrmaý kerektigi aıtylǵan. Degenmen, ǵalymdar bul talapty oryndaý múmkin emestigin, sebebi DNQ ózgerisi adamǵa bolashaqta qalaı áser etetinin boljaýǵa bolmaıtynyn aıtýda», delingen maqalada. Ǵalymdar damýdyń erte satysynda qaı kletkada zaqym baryn aldyn ala anyqtaýdyń da qıyn ekenin aıtýda.

«Ǵalymdar aıtyp jatqan problemalarǵa qaramastan, etıkalyq jáne áleýmetitk problemalar basym túsetini anyq. Dúnıejúzilik densaýlyq saqtaý uıymy naýryz aıynda embrıon genin ózgertý jaýapkershilikke jatpaıtynyn málimdegen bolatyn. Sondaı aq ázirge gen aqaýynan týyndaǵan aýrýy bar adamdar da máselege ún qospaǵan. Degenmen, qoǵam pikirin zertteýshiler kópshilik gendi ózgeristi qoldaıtynyn jetkizgen. Ulybrıtanııa ǵalymdary júrgizgen saýalnamaǵa qatysýshylardyń 83% emdelmeıtin aýrýlardyń aldyn alý úshin embrıon genin ózgertýdi qoldaıtynyn aıtqan», dep jazady avtor.

140 memleketten góri Amerıka áskeri qorshaǵan ortany kóp lastaıdy - Tages-Anzeiger

Selfı akýladan bes ese qaýipti - Álemdik baspasózge sholý 

«Amerıka Qurama Shtattarynyń jetpis memlekette 800-den astam áskerı bazasy bar. ıAǵnı, álemniń túkpir-túkpirinde Amerıka áskeriniń izi jatyr», dep jazady Shveıtsarııanyń Tages-Anzeiger basylymy. Avtordyń aıtýynsha, AQSh áskerı bıýdjeti 700 mlrd dollardy quraıdy jáne álemniń basqa memleketterin basyp ozady.

«AQSh áskerı bıýdjetiniń jartysynan kóbi ınfraqurylymdarǵa jumsalady. Búkil álem boıynsha operatsııalardy júrgizýdi júzege asyrý úshin únemi óte kóp janarmaıdy qajet etiletin tehnıka qoldanylady. Osyǵan oraı amerıka áskeriniń úlesine tıetin SO2 gazy da kóp. 2017 jyly ásker 269 myń barrel munaı alyp, aýaǵa 25 myń kılotonna kómirqyshqyl gazyn shyǵarǵan. Bul týraly Darem jáne Lankester ýnıversıtetteriniń ǵalymdary júrgizgen jańa zertteýde aıtyldy», delingen aqparatta. Zertteý týraly maqala Transactions of the Institute of British Geographers  ǵylymı jýrnalynda jarııalanǵan.

«Zertteý nátıjesine sensek, AQSh áskeri tarıhtaǵy qorshaǵan ortany eń kóp lastaýshy sanalady. Bir jylda amerıka áskeri basqa memleketterge qaraǵanda parnıkti gazdardy kóp shyǵarady jáne eń kóp janarmaı tutynady. Eger Amerıka áskeri jeke memleket bolsa, ol qorshaǵan ortany lastaýshy memleketter reıtınginde júz qyryq memleketti artqa tastap, 52-oryn alar edi», dep jazady avtor.

G20 sammıti: AQSh-Qytaı saýda kelissózderi qaıta jandanady - VVS

Selfı akýladan bes ese qaýipti - Álemdik baspasózge sholý

«AQSh pen Qytaı álemdik ekonomıkanyń báseńdeýine áser etken saýda daýyn sheshý úshin ózara kelissózderdi qaıta jandandyrýǵa kelisti», dep jazady VVS basylymy. AQSh prezıdenti Donald Tramp pen Qytaı basshysy Sı Tszınpın bul týraly Japonııada ótken G20 sammıtinde kelisti.

«Oskadaǵy G20 sammıtinde Donald Tramp AQSh-tyń 300 mlrd dollarlyq qytaı ımportyna tarıf salynbaıtynyn atap  ótti. Sonymen qatar baspasóz konferentsııasynda amerıkalyq kompanııalarǵa Qytaı tehnologııasyn satýǵa ruqsat beretinin málimdep, ótken aıda AQSh saýda mınıstrligi engizgen tyıymnyń kúshin joıǵandaı boldy», delingen agenttik aqparatynda. 

Selfı akýladan bes ese qaýipti - Le Figaro

Selfı akýladan bes ese qaýipti - Álemdik baspasózge sholý 

Selfı jasaımyn dep kóz jumatyndar qatary artty. Le Figaro basylymynyń jazýynsha, selfı akýlalarǵa qaraǵanda bes ese qaýipti  bolyp shyqty.

«Sońǵy onjyldyqta planetany basyp alǵan selfı sánge aınalyp, akýlaǵa qaraǵanda bes ese jıi ólim sebepshisi boldy. Sondaı-aq jyl saıyn smartfondar tanymaldyǵy artyp, selfıden kóz jumatyndar qatary da kóbeıe bastady», dep jazady avtor. Onyń aıtýynsha, Journal of Family Medecine and Primary Care jýrnalynda jarııalanǵan maqalada ǵalymdar sońǵy alty jylda búkil álem boıynsha selfı jasaý barysynda úsh júzden astam adam qaza tapqanyn keltirgen. Dál osy jyldar aralyǵynda akýlalar kesirinen elý adam kóz jumǵan.

«Selfıge kóbine áıelder qumar. Degenmen, fotografııalyq tragedııalardyń tórtten úshi er adamdarda bolady. Olar órt kezinde, qarý ustap nemese kólikten selfı jasap qaza taýyp jatyr. Selfıden bolǵan ólim kórsetkishi boıynsha 800 mln uıaly telefony bar Úndistan birinshi orynda tur. Odan keıin Reseı, AQSh, Pákistan keledi», dep jazady basylym. Avtordyń sózinshe, selfı jasaý kezinde poıyz astyna túsken nemese qaıyqtan qulap kóz jumǵandar qatary artqandyqtan, Úndistanda selfı jasaıtyn arnaıy oryndar jasalǵan.

Bir ǵana Bombeı qalasynda selfı jasaýǵa arnalǵan 16 oryn bar. "Selfı jasaý barysynda qarýy atylyp ketip kóz jumǵandar kórsetkishi AQSh-ta óte kóp», deı kele avtor adamdardyń mýzeılerde de selfı jasaýy kóbeıgenin aıtady.

«Venada selfı sergeldeńinen tsıfrlyq tehnologııalardan qorǵaý kampanııasy bastaldy. Osylaısha, Gýstav Klımttiń kartınalarynyń birinde «sýretke túsýdiń ornyna kartınaǵa qara» degen úlken qyzyl heshteg qoıylǵan», dep jazady avtor.

 

 

 

Bizdiń kanalymyzǵa jazylyńyz:

Basty sózder: Álem,
Bólisińiz:

Avtor:

Aıkúmis Bolatbek

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT