Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 376.51 EUR 418.91
RUB 6.13 CNY 54.90
Jańalyqtar

Salyq raqymshylyǵy: Azamattar salyq bereshegi týraly qalaı bile alady

2019 jylǵy 12 shilde 13:20 655
Bólisińiz:
Salyq raqymshylyǵy: Azamattar salyq bereshegi týraly qalaı bile alady

NUR-SULTAN. QazAqparat - Búgin Úkimet úıinde ótken  baspasóz máslıhatynda QR Qarjy vıtse-mınıstri Qanat Baıedilov azamattar salyq bereshegin qalaı bile alatyndyǵyn aıtty, dep habarlaıdy QazAqparat tilshisi.

«Jeke tulǵalarǵa salyqtyq raqymshylyq osy jylǵy shilde aıynyń úshinshi onkúndiginde bastalatyn bolady. Erejege sáıkes, árbir aýdandyq memlekettik kirister basqarmasynda komıssııa jasaqtalyp, olar ósimpuldardy esepten shyǵarýmen aınalysady. Biz bul naýqandy taıaý arada bastap ketýge daıynbyz», - dedi ol.

Osy oraıda  vıtse-mınıstr jeke tulǵalardyń salyqtyq beresheginiń bar ekendigin qalaı bilýge bolatyndyǵyn aıtyp berdi.

«Jeke tulǵalar qaryzdyń barlyq somasyn Memlekettik kirister komıtetiniń resmı ınternet-resýrsynan ne bolmasa elektrondy úkimet portalynan bile alady. Buǵan deıin azamattarǵa qaryzyn bilý úshin elektrondy tsıfrlyq qoltańba qajet bolatyn. Degenmen, Qarjy mınıstrligi men Memlekettik kirister komıteti elektrondy tsıfrlyq qoltańbasy joq azamattarǵa arnaıy jaǵdaı jasap otyr. ETsQ-sy joq azamattarǵa Memlekettik kirister komıtetiniń saıtynda arnaıy qyzmet iske qosylǵan. Onyń kómegimen onlaın rejimde JSN-di terý arqyly qaryzdy bilýge bolady», - dedi Qanat Baıedilov.

Vıtse-mınıstr salyqtyq bereshekti óteý úshin arnaıy ótinim toltyryp, salyq organdaryna qandaı da bir qujattar alyp barýdyń qajeti joq ekendigin basa aıtty.

«Eń basty shart -  osy jyldyń 1 qańtarynda jınalyp qalǵan negizgi qaryzdy óteý. Qalǵanyn biz sońyna deıin jetkizip, jabamyz», - dedi vıtse-mınıstr.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT