Sıfrlyq forým Qazaqstanǵa qandaı paıdasyn tıgizedi

ALMATY. QazAqparat - Sarapshy «Jahandaný dáýirindegi sıfrlandyrýdyń kún tártibi 2.0.» forýmynyń Qazaqstanǵa tıgizetin paıdasy qandaı ekenin aıtty, dep habarlaıdy QazAqparat tilshisi.

«Forýmǵa jınalǵan sarapshylar sanynyń ózi bul salaǵa qyzyǵýshylyq mol ekenin bildiredi. Forým sońynda 4 eldiń, atap aıtqanda Reseı, Armenıa, Qyrǵyzstan jáne Qazaqstan tehnoparkteriniń arasynda ózara yntymaqtastyq týraly memorandýmǵa qol qoıylady. Atalǵan ýaǵdalastyq aıasynda jobalardyń júzege asýyna basa mán beriledi. Atalǵan uıymdar ózara tyǵyz baılanysta bolmaq. Odan bólek, bizge basqa elder tehnoparkteriniń jobalary, ozyq tájirıbeleri, oqytý baǵdarlamalary úlken qyzyǵýshylyq týǵyzyp otyr. Olarǵa kerisinshe, bizdiń jobalar qyzyqty bolýy múmkin», - dedi Ádilet Nurǵojın.

Sonymen qatar, ol qazaqstandyq kásipkerlerdiń óz óndiristerin avtomattandyrýǵa umtylyp otyrǵanyn aıtty.

Onyń aıtýynsha, «Astana Hub» startaptarynyń kópshiligi ınternet saýdasy salasynda.

Búgin Eýrazıalyq ekonomıkalyq odaq Úkimet basshylary Almatyda ótip jatqan forým barysynda sıfrlandyrý máselelerin talqylap jatyr. Jıyndy QR Aqparat jáne kommýnıkasıalar mınıstrligi uıymdastyrdy.

«Jahandaný dáýirindegi sıfrlandyrýdyń kún tártibi 2.0.» dástúrli forýmy Nursultan Nazarbaevtyń bastamasymen ótkizilip keledi. Alqaly jıyn EAEO múshe elderi arasynda sıfrlyq tehnologııalardy birige damytýǵa baǵyttalǵan.