Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qazaqstannyń 10 oblysynda jylý berý maýsymy bastaldy

2018 jylǵy 16 qazan 09:27 1178
Bólisińiz:
Qazaqstannyń 10 oblysynda jylý berý maýsymy bastaldy

ASTANA. QazAqparat - Búgin QR Investısıalar jáne damý mınıstri Jeńis Qasymbektiń tóraǵalyǵymen 2018-2019 jyldar kezeńiniń jylytý maýsymyna daıyndyq pen ony oıdaǵydaı ótkizý máselesi boıynsha selektorlyq keńes ótti, dep habarlaıdy QazAqparat vedomstvonyń resmı saıtyna siltememen.

Keńeske QR Energetıka mınıstrliginiń, «Qazaqstan temir joly» UK» AQ men oblys ákimdikteriniń ókilderi qatysty.

Keńes barysynda turǵyn úı-kommýnaldyq sharýashylyq nysandaryn jáne halyqty kómirmen qamtamasyz etý máseleleri talqylandy. Oblys ákimderi ókilderiniń habarlaýynsha, aldaǵy jylytý maýsymyna daıyndyq aıaqtalyp keledi. Búgingi tańda Aqmola, Aqtóbe, Atyraý, Shyǵys Qazaqstan, batys Qazaqstan, Qaraǵandy, Qostanaı, Pavlodar, Soltústik Qazaqstan oblystary men Astana qalasynda jylý berý maýsymy bastalyp ketti. Jergilikti atqarýshy organdardyń bergen aqparattary boıynsha, negizgi jospardyń 99,99%-y nemese 10 989 bilim berý nysany daıyndaldy. 6 246 densaýlyq saqtaý nysany daıyn, ıaǵnı, 100 %. Jóndeý jumystary josparlanǵan 45 716 turǵyn úıdiń 45 604-i nemese 99,8%-y daıyn. Bul jumys jaqyn ýaqytta tolyq aıaqtalatyn bolady.

12 qazandaǵy derek boıynsha, kómir óndirýshi kompanıalar jyl basynan beri túrli markaly 84,8 mln. tonna kómir óndirgen. Bul 2017 jyldyń sáıkes kezeńimen salystyrǵanda 5,6 %-ǵa (4,5 mln.tonn) artyq. Kómir óndiretin kásiporyndardyń qoımalaryndaǵy qordy eseptegende jyl basynan beri 80,55 mln. tonna kómir tıelip, jóneltilgen. Bul 2017 jyldyń sáıkes kezeńimen salystyrǵanda (79,2 mln. tonna) 1,35 mln. tonnaǵa artyq.

 

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT