Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Prezıdenttiń tóraǵalyǵymen Úkimettiń keńeıtilgen otyrysy ótedi

2019 jylǵy 9 shilde 11:45 1363
Bólisińiz:
Prezıdenttiń tóraǵalyǵymen Úkimettiń keńeıtilgen otyrysy ótedi

NUR-SULTAN. QazAqparat - Aldaǵy dúısenbide Memleket basshysy Qasym-Jomart Toqaevtyń tóraǵalyǵymen ótetin Úkimettiń keńeıtilgen otyrysynda «qarapaıym zattar ekonomıkasy» taqyryby qaralady. Bul týraly QR Úkimetiniń otyrysynda Premer-Mınıstri Asqar Mamın málim etti, dep habarlaıdy QazAqparat tilshisi.

«Qarapaıym zattar ekonomıkasyn» damytý arqyly jańa jumys oryndaryn quryp, shaǵyn jáne orta bıznesti damytý, halyqty jumyspen qamtamasyz etý máselelerin sheshýge tyrysý kerek. Nátıjesinde, munyń barlyǵy memleketimizdiń ekonomıkasyna áserin tıgizedi. «Qarapaıym zattar ekonomıkasy» jobalaryna qatysty maquldanǵan jobalar boıynsha, sondaı-aq ekinshi deńgeıli bankterdiń qaraýynda jatqan jobalar turǵysynda Aqmola, Mańǵystaý, Pavlodar, Qyzylorda, Túrkistan oblystary jumysy jaqsy jolǵa qoıǵan. Atyraý, Qostanaı, Batys Qazaqstan oblystary, Nur-Sultan qalasy ázirge qalys kele jatyr»,  - dedi ol.

Osy oraıda Úkimet basshysy atalǵan óńirlerdiń ákimderi tıisti sharalardy atqarý kerektigin, ıaǵnı halyq tutynatyn taýarlar óndirisin ulǵaıtý boıynsha qajetti qadamdardy iske asyrýǵa ekpin qoıý mańyzdylyǵyn atap ótti.

«Bıznes qoǵamdastyq pen memlekettik organdardyń usynystaryn eskere otyryp, «Qarapaıym zattar ekonomıkasy» jobalaryn damytý úshin jeńildikti qarjylandyrý sharttary ózgertiledi, paıyzdyq mólsherlemesi alty paıyzǵa deıin tómendetildi. Qaryzdy tóleýdiń jeńildikti kezeńi engizildi. Shyǵarylatyn ónimniń 45 jańa túri qosyldy. Qabyldanǵan sharalar birshama kompanııalarǵa jeńildikti qarjylandyrý múmkindigin beredi», - dedi A. Mamın.

«Osy qarqyndy odan ári arttyrý maqsatynda Ulttyq ekonomıka mınıstrligi múddeli memorgandarmen, Ulttyq bankpen, Qarjygerler qaýymdastyǵymen jáne «Atameken» palatasymen birlese aıtylǵan usynystardy eskere otyryp, on kún merzimde tıisti Úkimet sheshiminiń jobasyn ázirlesin. Aýyl sharýashylyǵy mınıstrligi Qarjy mınıstrligimen jáne múddeli memlekettik organdarmen birge aýyl sharýashylyǵy ónerkásibi kesheni jobalarynyń aınalym qarajatyn tolyqtyrý úshin sýbsıdııalardy ulǵaıtýǵa qarajat bólý máselesin qarastyrsyn», - dep tapsyrdy Úkimet basshysy.

Munymen qosa, ortalyq jáne jergilikti atqarýshy organdarǵa, basqarýshy holdıngterge «qarapaıym zattar ekonomıkasynyń» salalaryn damytýdyń jol kartalaryna sáıkes, satyp alynatyn otandyq taýarlary men qyzmetterinde jergilikti qamtý úlesin ulǵaıtý boıynsha KRI-ǵa qol jetkizýdi qamtamasyz etý júkteldi.

«Kelesi dúısenbi kúni Memleket basshysynyń tóraǵalyǵymen osy másele Úkimet otyrysynda qaralatyn bolady. Ákimder esep berýge daıyn bolýy kerek. «Qarapaıym zattar ekonomıkasyn» damytý baǵdarlamasy kásipkerlikti damytýdyń jáne jumyspen qamtamasyz etýdiń mańyzdy quraly.  Jobalardyń bári óńirlerde iske asyrylady. Ákimder baǵdarlamany iske asyrýǵa belsene atsalysyp, jańa jobalardy usynýy, tıisti túsindirý jumystaryn júrgizýi kerek», - dedi Úkimet basshysy.

 

 

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT