Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Petropavlda polıtseıler kóshe kórkin buzǵan 1800 adamǵa eskertý jasady

2019 jylǵy 2 shilde 21:39 679
Bólisińiz:
Petropavlda polıtseıler kóshe kórkin buzǵan 1800 adamǵa eskertý jasady

PETROPAVL. QazAqparat - Petropavlda polıtseıler qalany kóriktendirý tártibin buzǵandardy anyqtaý maqsatynda jyl basynan beri 40 shaqty reıd ótkizdi, dep habarlaıdy QazAqparat tilshisi.

SQO PD baspasóz qyzmetiniń habarlaýynsha, tártip saqshylary mundaı reıdterdi qalalyq ákimdik ókilderimen birge uıymdastyrady. Mundaı is-sharalar barysynda polıtseıler usaq quqyq buzýshylyqtar úshin jaýapkershilikti túsindirip, mańaıdaǵy aýmaqty abattandyrý boıynsha usynymdar bar jadnamalar taratyp, qala turǵyndary jáne qonaqtarymen profılaktıkalyq áńgime júrgizedi. Óıtkeni maqsat - qylmys pen quqyq buzýshylyqtardyń aldyn alý.

Petropavl qalalyq polıtsııa basqarmasynyń bastyǵy Jandos Muqatovtyń aıtýynsha, oblys ortalyǵynda polıtsııanyń 13 ýchaskelik pýnkti bar. Quqyq buzýshylyqtardy boldyrmaý jáne aldyn alý úshin kúndelikti 53 ýchaskelik ınspektor jumys isteıdi.

«Jyl basynan QR Ákimshilik quqyq buzýshylyq kodeksiniń 505-baby boıynsha Petropavlda 1912 ákimshilik quqyq buzýshylyq anyqtaldy. 54 adamǵa aıyppul salyndy. Qalǵanyna eskertý túrinde ákimshilik shara qoldanyldy. Qala kórkin buzýshylar kóbine jeke sektorda anyqtalady. Podgora aýdanynda ýchaskelik ınspektorlar jyl basynan 246 ákimshilik hattama toltyrdy. Jalpy, shilde aıynda ǵana ýchaskelik ınspektorlar qala boıynsha 366 ákimshilik quqyq buzýshylyqty anyqtasa, 345 jaǵdaıda buzýshylar eskertildi, 21 adamǵa aıyppul salyndy», - deıdi Jandos Muqatov.

Qoǵamda usaq quqyq buzýshylyqtarǵa «nóldik tózimdilik» qaǵıdasyn qalyptastyrýdy tártip saqshylary únemi nazarda ustaıdy. Qoqysty tastaǵandarǵa nemese usaq buzaqylyq jasaǵandarǵa der kezinde áreket etý óz jemisin berip, qala kúnnen kúnge kórkeıip keledi.  

Tártip saqshylarynyń aıtýynsha, QR Ákimshilik quqyq buzýshylyq kodeksiniń 505-baby «Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý» boıynsha jeke tulǵalarǵa eskertý jasalady nemese 20AEK mólsherinde aıyppul salynady. Bir jyldyń ishinde qaıtalanǵan jaǵdaıda aıyppul kólemi 30 AEK deıin artady. 

 

 

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT