Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Pavlodarda Aıt namazynda kóp balaly anaǵa 3 bólmeli páter tabys etildi

2019 jylǵy 6 maýsym 02:28 907
Bólisińiz:
Pavlodarda Aıt namazynda kóp balaly anaǵa 3 bólmeli páter tabys etildi

NUR-SULTAN. QazAqparat - Pavlodar oblysynyń jamaǵaty kóp balaly, jalǵyzbasty anaǵa Aqsý qalasynan 3 bólmeli páter tartý etti, dep habarlaıdy pavlodarnews.kz.

Bul týraly QMDB-nyń Pavlodar oblysy boıynsha baspasóz hatshysy Amantaı Toıshybaı málim etti.

- Pavlodar óńirinde barlyq meshitterde Oraza aıt namazy tańǵy saǵat 07.00 de bastaldy, - dedi Amantaı Toıshybaı. - Qala ortalyǵyndaǵy jeti meshitke qaraı musylmandar tolassyz aǵylyp jatty. Aı boıy Allanyń razylyǵy úshin ashqursaq júrip, kózdi haramnan, qulaqty ósek tyńdaýdan, tildi ǵaıbat sóıleýden tyıyp, kóńili tazarǵan musylman Alla Taǵalaǵa sansyz shúkirshilik retinde Oraza aıty kúni eki rákat namaz oqyp, tákbir aıtyp, duǵa jasady.

Oblystyq ortalyq «Máshhúr Júsip» záýlim meshitinde Aıt namazy bastalardan jarty saǵat buryn QMDB-nyń Pavlodar oblysy boıynsha ókil ımamy Joldas Qospaquly ýaǵyz aıtyp, «El úlesi-páterge!» naýqany boıynsha Pavlodar oblysy jamaǵaty atynan  tórt balasy bar jalǵyzbasty anaǵa Aqsý qalasynan tolyq jóndeýden ótken, úı jıhazdarymen jabdyqtalǵan 3 bólmeli páter kiltin tabys etip, osy saýapty sharanyń júzege asýyna barynsha úles qosqan jamaǵat qaýymyna erekshe alǵysyn bildirdi.

- Ardaqty aǵaıyn. Minekeı, meıirimi sheksiz Allanyń qalaýymen qasıetti Ramazan aıyn ótkerdik, ulyq mereke - Oraza aıtyna da jettik. Sizderdi shyn júrekten osy bir erekshe kúnmen quttyqtaımyn. Bul ıisi musylman jurty úshin qurmetti bolǵan, qadirli hám qasıetti meıram. Búgingi shara - sizderdiń, halyqtyń osy merekeni shynaıy sezinip, yqylaspen toılatyp, dúbirletip, máz-meıram, shat-shadyman kúıde ótkizsin degen nıetpen jasalyp otyr. Merekelerińiz múbárak bolǵaı, - dedi Joldas Qospaquly.

 

 

Bizdiń kanalymyzǵa jazylyńyz:

Basty sózder: Din, Pavlodar oblysy, Turǵyn úı,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT