Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Ortalyq Azııa elderiniń temirjol baǵytyn Iran portymen baılanystyratyn konsortsıým qurý usynyldy

2019 jylǵy 14 qańtar 10:28 1687
Bólisińiz:
Ortalyq Azııa elderiniń temirjol baǵytyn Iran portymen baılanystyratyn konsortsıým qurý usynyldy

SAMARQAN. QazAqparat - Beıbit Atamqulov «Úndistan - Ortalyq Azııa» Dıalogy syrtqy ister mınıstrleriniń Aýǵanstannyń qatysýymen ótken alǵashqy kezdesýine qatysty, dep habarlaıdy QazAqparat QR SІM baspasóz qyzmetine silteme jasap.

Ózbekstannyń Samarqan qalasynda ótken sharaǵa Qazaqstan Respýblıkasy, Aýǵanstan Islam Respýblıkasy, Úndistan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan jáne Ózbekstan Respýblıkasy syrtqy ister mınıstrleri bas qosty.

«Memleket basshysy Nursultan Nazarbaev aımaqtaǵy eldermen tatý kórshilestik jáne odaqtastyq qatynastardy nyǵaıtýǵa únemi nazar aýdarady, al Ortalyq Azııa elderiniń geografııalyq jáne mádenı-tarıhı jaqyndyǵy, dástúrli ornatylǵan óndiristik baılanystar, ekonomıkanyń birtutastyǵy Ortalyq Azııa elderiniń arasynda tereń ıntegratsııadan basqa balama qaldyrmaıdy», - dedi jıynda QR Syrtqy ister mınıstri Beıbit Atamqulov atap ótti.
Ortalyq Azııa elderiniń temirjol baǵytyn Iran portymen baılanystyratyn konsortsıým qurý usynyldy 

Qazaqstan SІM basshysy Ortalyq Azııa elderi men Úndistandy jaqyndastyrýǵa, sondaı-aq Ortalyq Azııa elderi ekonomıkasynyń ósýine serpin beretin ótken kezdesýdiń mańyzdylyǵyn atap ótti.

«Astana Hub» Halyqaralyq IT startaptar tehnoparki men «Astana» Halyqaralyq qarjy ortalyǵynyń múmkindikterin paıdalana otyryp, Úndistanmen medıtsına, farmatsevtıka, jańa tehnologııalar jáne qarjy salasyndaǵy birlesken jobalardy júzege asyrý qajettiligi atap ótildi. Aımaqtyń tranzıt-kóliktik áleýetin arttyrý maqsatynda Ortalyq Azııa - Úndistan baǵytyndaǵy júkterdi tasymaldaý úshin Qazaqstan - Túrikmenstan - Iran jáne Qazaqstan - Ózbekstan - Túrikmenstan - Iran temirjol marshrýttaryn Chabahar portymen baılanystyratyn barlyq Ortalyq Azııa elderiniń qatysýymen konsortsıým qurý ıdeıasy aıtyldy», - delingen habarlamada.

Іs-shara barysynda ekonomıkalyq, mádenı-gýmanıtarlyq yntymaqtastyq, sondaı-aq Aýǵanstannyń turaqtandyrý jáne ekonomıkalyq damýyna yqpal etý máseleleri talqylandy. Atap aıtqanda, ózara saýda-sattyqty belsendetý, iskerlik assotsıatsııalardyń tikeleı baılanystaryn keńeıtý, Ortalyq Azııa elderiniń tranzıt jáne kólik-kommýnıkatsııalyq áleýetin damytý, halyqaralyq jáne aımaqtyq kólik dálizderin qurý boıynsha birlesken bastamalardy alǵa jyljytý, úndistandyq ınvestıtsııalar, ınnovatsııalar jáne tehnologııalardy Ortalyq Azııa elderine tartý máseleleri qozǵaldy, onyń ishinde ónerkásip, energetıka, aqparattyq tehnologııalar, farmatsevtıka, aýyl sharýashylyǵy jáne t.b.

Kezdesý qorytyndysy boıynsha Dıalogqa múshe-elderiniń syrtqy ister mınıstrleri Birlesken málimdeme qabyldady. Taraptar Úndistan men Ortalyq Azııa elderiniń arasyndaǵy dostyq qarym-qatynastar men ózara tıimdi yntymaqtastyqtyń serpindi jáne jemisti damýyn atap ótip, aımaqty qaýipsiz, turaqty jáne ornyqty damytý maqsatynda aımaqtyq yntymaqtastyqty, ózara qoldaýdy, ózekti máselelerdi birlesip sheshýdi rastady.

«Úndistan - Ortalyq Azııa» Dıalogy sheńberindegi alǵashqy mınıstrlik kezdesýdi ótkizý týraly usynys aldynda 2012 jyldan beri ótkiziletin sarapshylar deńgeıindegi birqatar kezdesýler boldy. Osyndaı kezdesýlerdi ótkizý týraly bastamany Úndistannyń Syrtqy ister mınıstrligimen birlese otyryp Úndistannyń Halyqaralyq ister jónindegi keńesi (Indian Council of World Affairs, ICWA) usyndy.
Ortalyq Azııa elderiniń temirjol baǵytyn Iran portymen baılanystyratyn konsortsıým qurý usynyldy 

Bizdiń kanalymyzǵa jazylyńyz:

Basty sózder: Ortalyq Azııa, Logıstıka, QR SІM,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT