Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Oralmandardyń bıznes bastamalaryna qoldaý jasalady

2019 jylǵy 27 maýsym 15:33 760
Bólisińiz:
Oralmandardyń bıznes bastamalaryna qoldaý jasalady

NUR-SULTAN. QazAqparat - «Otandastar qory» kommertsııalyq emes aktsıonerlik qoǵamy, «Dúnıejúzi qazaqtary qaýymdastyǵy» Respýblıkalyq qoǵamdyq birlestigi jáne «Aýyl sharýashylyǵyn qarjylaı qoldaý qory» aktsıonerlik qoǵamy yntymaqtastyq týraly úshjaqty Memorandýmǵa qol qoıdy.  Qujatqa qol qoıýǵa Elbasy Nursultan Nazarbaevtyń Qazaqstanda jáne shetelde turatyn otandas oralmandardy qoldaý qajettigi týraly tapsyrmasy negiz boldy. Memorandýmnyń maqsaty - oralman otandastardyń bıznes bastamalaryn qoldaý jáne damytý, dep habarlaıdy QazAqparat.

  Taraptar Qazaqstan Respýblıkasynyń Úkimetine oralmandarmen jumys jónindegi usynymdardy qalyptastyrý, memlekettik baǵdarlamalardy jáne basqa da memlekettik qoldaý sharalaryn iske asyrý jóninde aqparattyq qoldaý kórsetý, tarıhı otanyna oralǵan jáne shetelde turatyn oralman otandastardyń osyndaı baǵdarlamalarǵa qatysý múmkindigin qamtamasyz etý sııaqty baǵyttarda yntymaqtastyqty júzege asyrýdy josparlap otyr.

Sondaı-aq, «Aýyl sharýashylyǵyn qarjylaı qoldaý qory» aktsıonerlik qoǵamynyń baılanys ortalyǵymen ıntegratsııalaýda 1404 Biryńǵaı baılanys ortalyǵyn damytý, qalalar men aýyldyq jerlerde oqý-óndiristik ortalyqtaryn qurýdy qoldaý josparlanýda.

 Aýyl sharýashylyǵyn qarjylaı qoldaý qory Dúnıe júzi qazaqtary qaýymdastyǵymen oblystyq fılıaldardyń qyzmetkerlerine jedel ózara is-qımyldy bekitedi. Sondaı-aq seriktestermen birlesip, shetelde turatyn qazaqtar úshin Qazaqstanda bıznesti damytýǵa jaǵdaı jasaý tetikterin qarastyrady.

 «Aýyl sharýashylyǵyn qarjylaı qoldaý qory 2013 jyldan bastap memlekettik baǵdarlamalar aıasynda aýyl kásipkerligine shaǵyn nesıe berý operatory bolyp jumys istep keledi. Osy kezeń aralyǵynda Qor 118 mlrd  teńgege 52 myń shaǵyn nesıe berdi, sonyń kómegimen aýyldyq jerlerde 52,6 myńnan astam adam jumyspen qamtyldy. Ótken jyly Nátıjeli jumyspen qamtý baǵdarlamasy boıynsha aýyl turǵyndaryna, sonyń ishinde oralmandarǵa jalpy somasy 30 mlrd teńge bolatyn 8 myńnan astam nesıe berildi», - dedi «Aýyl sharýashylyǵyn qarjylaı qoldaý qory» AQ Basqarma tóraǵasy Jandar Omarov. Jobaǵa «Atameken» UKP», «Damý» kásipkerlikti damytý qory» AQ, «Aýyl sharýashylyǵyn qarjylaı qoldaý qory» AQ, «Kazagrogarant» AQ, «Agrarlyq nesıe korporatsııasy» AQ, «Jasyl» ekonomıka jáne G-Global-dy damytý koalıtsııasy» jáne «El Tiregi» qazaqstandyq shaǵyn jáne orta bıznes qaýymdastyǵy qatysady.

Aýyl sharýashylyǵy óndirisin uıymdastyrý, bıznes josparlar daıyndaý jáne aýylda bıznes áleýetti iske asyrý úshin granttar, jeńildikter men sýbsıdııalar alýǵa járdem kórsetý múmkindikteri zerdelenedi. Agroónerkásiptik keshenniń «jasyl» tehnologııalaryn (tuqym, sebý tehnologııasy, mal basyn kóbeıtý, et jáne t.b. alý) paıdalana otyryp sút, et, ósimdik jáne t.b. óndirý múmkindikteri zertteledi. Aýylda bıznesti uıymdastyrý jóninde pármendi model jasalatyn bolady.

 

 

Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT