Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Oraldyq kásiporynnan Iranǵa et jóneltilýde

2017 jylǵy 25 qarasha 20:35 1295
Bólisińiz:
Oraldyq kásiporynnan Iranǵa et jóneltilýde

ORAL. QazAqparat - Búgin Iranǵa «Kýbleı» JShS-dan kezekti ret et ónimderi jóneltildi, dep habarlaıdy «QazAqparat» tilshisi.


Oraldyq kásiporynnan Iranǵa et jóneltilýdeAtalmysh kásiporynda bolǵan QR AShM halyqaralyq yntymaqtastyq jáne ekonomıkalyq ıntegratsııa departamentiniń dırektory Ulbolsyn Sarybaevanyń aıtýynsha, qoı eti men tiri qoıdyń Iranǵa jóneltilýi Qazaqstannan Taıaý Shyǵys elderine ónim eksporttaýdyń  áleýetin keńeıtýge múmkindik beredi. «Kýbleıde» ónim halal tehnologııasyna sáıkes óndiriledi, sondyqtan ırandyqtardyń talap-tilegine tolyq saı keledi. Bıyl QR AShM men ırandyq tarap birlesken jumystar júrgizip, Qazaqstannan Iranǵa tiri qoı, sondaı-aq muzdatylǵan jáne tońazytylǵan qoı etin jiberýdiń veterınarlyq talaptary kelisildi. Sonyń nátıjesinde oraldyq fermerler Iranǵa et shyǵarýǵa múmkindik aldy.


Oraldyq kásiporynnan Iranǵa et jóneltilýdeBQO-nyń Aqjaıyq aýdanynda ornalasqan «Batys Marka Lamb» JShS-nyń ırandyq kompanııamen tońazytylǵan qoı etin Iranǵa jetkizý jóninde kelisimge kelgeni belgili. Sol sekildi Qyzylordadan bıylǵy tamyzda alǵash ret 812 bas qoı jóneltildi. Jyl aıaǵyna deıin taǵy 10 myń qoı tıelmekshi. Al «Kýbleı» JShS ırandyqtarmen jasalǵan kelisimshartqa sáıkes qoı etin jóneltýdi bıylǵy qyrkúıekte bastady. Osyǵan deıin 100 tonna et ótkizilse, jyl sońyna deıin taǵy sonshama ónim jóneltilmek.

QR Premer-Mınıstriniń orynbasary, Aýyl sharýashylyǵy mınıstri A.Myrzahmetovtiń Iranǵa jumys sapary barysynda Iran Islam Respýblıkasy Aýyl sharýashylyǵy mınıstri M.Hodjatımen kezdesýler bolyp, sonyń barysynda qazaqstandyq bıdaıdy jetkizý, ınvestıtsııa tartý, qatyrylǵan qoı eti jónindegi sertıfıkatty kelisýdi tezdetý, sondaı-aq Qazaqstannan iri qara, muzdatylǵan jáne tońazytylǵan sıyr etin eksporttaý boıynsha ıran tarapynan talaptardy berý máseleleri qarastyrylýda.


Oraldyq kásiporynnan Iranǵa et jóneltilýdeMal ónimderinen basqa ósimdik ónimderi jáne dándi daqyldar boıynsha kelisimder men jumystar jasalýda. Mysaly, zyǵyr tuqymynyń eksporty eki esege (2 myńnan 4,4 myń tonnaǵa deıin nemese 0,7-den 1,5 mln dollarǵa deıin), raps tuqymyn shyǵarý 7,5 esege ósti. Quny 4,4 mln dollardy quraıtyn 11 myń tonna kúnbaǵys tuqymy da jóneltilmekshi.

Oǵan qosa agroónerkásip kesheni ónimderiniń eksporttyq ortalyǵyna aınalǵan «Azyq-túlik kelisimshart korporatsııasy» UK» AQ men ırandyq Tadbir Supportand Developmentof AgriculturalandlivestockInfrastructures Co kompanııasy arasynda Iranǵa 100 myń tonna azyq-túlik bıdaıyn jóneltý týraly memorandýmǵa qol qoıyldy. Múzdatylǵan qoı etin jóneltý jóninde de kelisim jasaldy. Sonymen qatar ınvestıtsııa tartý men eksportty keńeıtý baǵytynda ırandyq kásipkerlermen kezdesýler ótkizildi. 

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT