Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Ómirzaq Shókeev: Aqparatty ashyq ári ýaqtyly aıtýlaryńyz kerek

2019 jylǵy 8 shilde 17:20 591
Bólisińiz:
Ómirzaq Shókeev: Aqparatty ashyq ári ýaqtyly aıtýlaryńyz kerek

ARYS. QazAqparat - Arys qalasynda atqarylyp jatqan jumystar men málimetter shynaıy ári ashyq bolýy kerek. Búgin oblys ákimi apparatynyń kezekti selektorlyq jıynynda Ómirzaq Shókeev osylaı aıtty, dep habarlaıdy QazAqparat óńir basshysynyń baspasóz qyzmetine silteme jasap.

Qorǵa aýdarylǵan qarjy men memleket tarapynan beriletin árbir qarajat ta qoǵam nazarynda bolady.

«Árıne, qysqa merzimde qalany qalpyna keltirý ońaı emes. Memleket tarapynan qoldaý kórsetilip, aýqymdy jumystar atqarylyp jatyr. Biraq áli de eldi arandatqysy keletinder bar. Solarmen jeke jumys júrgizilsin. Árbir salaǵa jaýapty basshylar, ásirese, áskerıler men ózge de quzyrly organdar aqparatty ashyq ári ýaqtyly berip tursyn. Sonda ǵana is alǵa basady. Keıbir jigitter áli qorqynyshtan aryla almaı júr. Úreıden arylyp, iske kirisken jón. Arysta tirkelgen árbir adamǵa 100 myń teńge beriledi, úıleri jóndeledi. Eshkim qoldaýsyz qalmaıdy», - degen óńir basshysy barlyq jaýapty basshylar men mamandarǵa jumysty kúsheıtip, sapaly ári ýaqtyly aıaqtaýdy tapsyrdy.

QR Qorǵanys mınıstrligi bas shtabynyń birinshi orynbasary R.Shpekbaevtyń aıtýynsha, áskerı mamandardan quralǵan 42 top Arystyń mańyndaǵy 10 shaqyrym aýmaqty túgel tekserip, oq-dárilerden tazartyp shyqqan.

Ómirzaq Shókeev: Aqparatty ashyq ári ýaqtyly aıtýlaryńyz kerek 

«Saperler Arys qalasymen birge Aqdala, Dermene aýyldaryn tekserip shyqty. Mamandarymyz barlyq aýmaqty baqylap otyr. Qazirgi tańda áskerı qoımadan oq-dáriler kóshirilip jatyr. Qaladan 60 shaqyrymdaı aýmaqtaǵy arnaıy polıgonda oq-dárini joıý jumystary júredi. Sondyqtan keıde saǵat 9 ben 18.00 aralyǵynda birdi-ekili jarylys daýysy estilýi múmkin. Biraq turǵyndarǵa jaǵdaı tolyq baqylaýda ári qaýipsiz ekenin aıtqym keledi. Alańdaýǵa negiz joq»,  - dedi ol.

Al Túrkistan oblysynyń polıtsııa departamentiniń bastyǵy Qaırat Dálbekov eldi arandatý, jalǵan aqparat taratý, zańsyz sherýge shyǵý derekteri boıynsha 10 adam ustalyp, túsindirý jáne tergeý jumystary júrgizilgenin málimdedi.  4 qylmystyq is qozǵalǵan.

Oblys ákiminiń keńesshisi Ulasbek Sádibekov barlyq sektorlar men shtabtarda turǵyndardyń talap-tilegi tyńdalyp jatqanyn jetkizdi. Gýmanıtarlyq kómek ýaqtyly taratylyp, úıleri jaramsyz kúıge túsken otyzǵa jýyq otbasymen kezdesý ótkenin, qoldaý kórsetilgenin aıtty.

 Oblys ákimi Ómirzaq Shókeev turǵyndarmen tıisti jumys júrgizip, olardyń máselelerin tyńdaý, sheshý jóninde tapsyrma berdi. Sondaı-aq Arys qalasynyń zııaly qaýymy men belsendi azamattaryn, jergilikti atqarýshy organ men depýtattaryn, aqsaqaldaryn da belsendi bolýǵa shaqyrdy. 


Ómirzaq Shókeev: Aqparatty ashyq ári ýaqtyly aıtýlaryńyz kerek 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT