Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Ombyda Reseı qazaqtarynyń kishi quryltaıy ótip jatyr

2018 jylǵy 8 jeltoqsan 15:34 10316
Bólisińiz:
Ombyda Reseı qazaqtarynyń kishi quryltaıy ótip jatyr

ASTANA. QazAqparat - Bıyl Reseı qazaqtarynyń kishi quryltaıy Omby qalasynyń tórinde ótip jatyr, dep habarlaıdy QazAqparat Habar-24-ke silteme jasap.

Alqaly jıynda Elbasynyń bıylǵy joldaýy, kórshi memlekettegi baýyrlarymyzǵa mádenı-rýhanı járdem berý, oqý bilim jaǵynan qoldaý kórsetý syndy máseleler qaraldy. Reseıdiń Omby oblysy - qazaqtardyń kóptep qonystanǵan óńirleriniń biri. Onyń ústine Qazaqstanmen shekaralas aımaqta ornalasqan. ıAǵnı, «aýyly aralas, qoıy qoralas». Jalpy, Reseı qazaqtarynyń kishi quryltaıy budan bylaı jyl saıyn uıymdastyrylyp turatyn bolady. Al sońǵysy osydan úsh jyl buryn Saratov qalasynda ótken edi. Al búgingi jıynǵa Reseıdiń 25 óńiri men Qazaqstannyń birneshe oblystarynan delegattar qatysyp, asa mańyzdy degen máselelerdi talqylap jatyr. Bolashaqta endi zertteý jumystarymen aınalysýǵa den qoıylmaq.

Batyrhan Jumabaev, «Qasıetti Qazaqstan» ǵylymı-zertteý ortalyǵy dırektorynyń orynbasary: - Alǵa qoıǵan maqsat - 2019-2021 jyldary elimizden tys, syrtta jatqan tarıhı tulǵalarymyzǵa baılanysty qasıetti oryndardy dáripteý, zertteý. Atap aıtatyn bolsam, endi bárimiz biletin Astrahanda ataqty kúı atasy Qurmanǵazymyz bar. Jaqynda ǵana ıAltada Baıdolla Bókeev degen Jáńgirhannyń balasy bar. Ol tuńǵysh genaral bolǵan. Túmen oblysynda Ishım qalasynda Baýbek batyrymyz bar. Sonyń barlyǵyn tolyqqandy zertteýge osy qaýymdastyq sebepker bolyp jáne osyndaǵy Reseıdegi qazaqtar óz kómegin tıgizse eken dep kelip otyrmyz»,- deıdi «Qasıetti Qazaqstan» ǵylymı-zertteý ortalyǵy dırektorynyń orynbasary Batyrhan Jumabaev.

Búginde Omby oblysy - qazaqılyqtyń qaımaǵy buzylmaǵan óńir. Qazir munda 100 myńǵa jýyq qandasymyz turady.  Ádet-ǵurpymyz ben mádenıetimizdi saqtap qalýǵa barlyq jaǵdaı jasalǵan. Tipti ulttyq qundylyqtarymyzdy dáripteıtin birneshe ortalyq ta bar. Al mundaǵy mektepterde qazaq tili páni sheti tili retinde oqytyla bastaǵan.

Aıta ketsek, atalǵan sharany ótkizýge «Otandastar» qory men Dúnıejúzi qazaqtary qaýymdastyǵy muryndyq bolyp otyr. 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT