Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

OQO ákimi bastaǵan bir top delegatsııa Ózbekstanǵa baryp qaıtty

2017 jylǵy 21 naýryz 02:25 734
Bólisińiz:
OQO ákimi bastaǵan bir top delegatsııa Ózbekstanǵa baryp qaıtty

ShYMKENT. QazAqparat - Ońtústik Qazaqstan oblysynyń ákimi Janseıit Túımebaev bastaǵan bir top delegatsııa Ózbekstan Respýblıkasyna bardy. Quramynda Shymkent qalasynyń ákimi Ǵabıdolla Ábdirahymov, sonymen qatar, elimizdiń ındýstrııa, kásipkerlik, aýyl sharýashylyǵy salasyna jaýapty ókilderi bar jumys kórshi eldiń Premer-mınıstriniń orynbasary - Aýyl jáne sý sharýashylyǵy mınıstri Zaır Mırzoevpen júzdesti, dep habarlaıdy QazAqparat HAA tilshisi.

Shekaralas qazaq-ózbek qarym-qatynasyn jańa deńgeıge kóterý - memlekettik mańyzdy másele degen ońtústikqazaqstandyq delegatsııa músheleri aldymen, Tashkenttiń sáýlettik sánimen tanysty. Baýyrlas eldiń mádenı-rýhanı baılanysyn nyǵaıtyp, ondaǵy qandastardy san salada qoldaý boıynsha birqatar kezdesýler ótti. Aımaq basshysy Ózbekstan Respýblıkasy Premer-Mınıstriniń orynbasary - Aýyl jáne sý sharýashylyǵy mınıstri Zaır Mırzaevpen kezdesti. Ózbekstandyq vıtse-premer eldiń Táýelsizdik alǵan jyldardan bergi ál-aýqatyn kóterýdegi jetistikterin joǵary baǵalady. Al, Janseıit Túımebaev týysqan elmen aradaǵy baılanysty túrli baǵytta damytýǵa nıetti ekenin jetkizdi.

 «Ońtústik Qazaqstan oblysyn Ózbekstanda jaqsy damyǵan jeńil ónerkásip, óndiris, aýyl sharýashylyǵy salalaryndaǵy jetistikter qyzyqtyrady. Atalǵan salalarda tájirıbe almasyp, birigip eńbek etsek, qos memleketke de tıimdi jobalar júzege asady degen senimdemin. Máselen, Sizderde jasap shyǵarylatyn aýyl sharýashylyǵy traktorlaryn satyp ala alyp, Ózbekstannyń saýda úıin uıymdastyrýymyzǵa bolady. Nemese, arnaıy jumysshy tobyn quryp, shekaralyq aımaqtaǵy keıbir máselelerdi retteýge atsalyssaq degen usynym bar. Ótıkeni, Qazaqstan Sizder úshin ózge memleketterge shyǵatyn qaqpa ispettes. Máselen, ótken jyldyń ózinde, 9 mln. 400 adam qazaq-ózbek keden beketinen ótip, ózge elderge bet alypty. Sondyqtan, Ońtústik óńiri men Ózbekstan Respýblıkasy barlyq salada múmkindikterin biriktirýi kerek dep esepteımin», - dedi oblys ákimi.

Búginde ońtústik óńiriniń Ózbekstanmen saýda-ekonomıkalyq baılanysy nyǵaıyp keledi. Ótken jyly ońtústik pen kórshi el arasynda 274 mln. AQSh dollardy quraıtyn  taýar eksporttalǵan. Import 375 mln. AQSh dollaryna jetken. Ózbekstanǵa sapary kezinde oblys ákimi Janseıit Túımebaev Tashkent qalasynyń ákimi Rahmanbek Ýsmanovpen de kezdesti. Ózara áńgime barysynda  shahar basshysy Tashkenttiń kúngeı aımaǵymen saýda-ekonomıkalyq, mádenı-gýmanıtarlyq baılanystarynyń nyǵaıyp kele jatqanyna rızashylyǵyn bildirip, kásipkerlik salasyndaǵy jetistikterine toqtaldy. Aıtýynsha, Ózbekstan astanasynda búginde 55 myńnan astam kásiporyn shaǵyn jáne orta kásip aıasynda jumys istese, onyń basym bóligi qyzmet kórsetý salasy men ónerkásip úlesinde eken. Qalada jyl saıyn bıznes bastap, isin jolǵa qoıyp jatqan kásipkerler kóbeıgen. Máselen, jyl basynan beri bir ǵana Tashkenttiń ózinde 2,5 myńǵa jýyq kásiporyn ashylyp, jumysyn bastap ketipti. Kórshi el astanasy ákimimen bolǵan áńgimede Tashkenttiń sáýlettik sáni de sóz boldy. Bul boıynsha qazaqstandyq tarap birlesken jobalardy qolǵa alýǵa bolatynyn aıtty. Kórshi eldiń san saladaǵy úzdikterin oblys basshysy óńirge arnaıy shaqyrdy. Sáýir aıynyń sońyna qaraı Ońtústik Qazaqstanda ózbekstandyq taýar óndirýshilerdiń kórmesin uıymdastyrý boıynsha kelisimge keldi.  Sapar barysynda ońtústikqazaqstandyq delegatsııa traktor shyǵaratyn zaýyt pen jemis-jıdekterden qurǵaq ónim daıyndaıtyn óndiris oryndaryn, tabıǵı tas alatyn karerdi aralady. Týysqan eldegi Joǵarǵy Shyrshyq aýdany men Almalyq qalasynda boldy. Ondaǵy qandastarymyzdyń naýryz dastarhanynan dám tatty. Óz kezeginde Janseıit Qanseıituly ózbekstandyq qazaq jastaryn elimizge shaqyryp, joǵary bilim berý, mádenı-rýhanı baılanysty arttyrý syndy máselelerde jan-jaqty qoldaýlardyń bolatynyn jetkizdi. Tamyry bir týysqan elderdiń qarym-qatynasy jańa deńgeıge kóterilýi shekaralyq óńirlerdiń áleýmettik ahýalyna oń yqpalyn tıgizeri anyq. Qos taraptyń ókilderi de kelissózder barysynda muny aıqyndaı túsip, ortaq maqsatqa jumylýǵa múddelilikterin bildirdi.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT