Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Nursultan Nazarbaev Qazaqstan men Eýropa odaǵy arasyndaǵy qatynasqa baǵa berdi

2019 jylǵy 31 mamyr 18:56 2617
Bólisińiz:
 Nursultan Nazarbaev Qazaqstan men Eýropa odaǵy arasyndaǵy qatynasqa baǵa berdi

NUR-SULTAN. QazAqparat - Qazaqstannyń Tuńǵysh Prezıdenti Eýropalyq keńestiń tóraǵasy Donald Týskpen kezdesti, dep habarlaıdy Qazaqstan Respýblıkasynyń Tuńǵysh Prezıdenti - Elbasynyń Baspasóz qyzmeti.

Nursultan Nazarbaev Qazaqstan men Eýropa odaǵy arasyndaǵy qarym-qatynas joǵary deńgeıde damyp kele jatqanyn atap ótti.

«Biz birneshe ret kezdestik. Siz tóraǵa bolǵan kezde Eýropa odaǵy men Qazaqstan arasynda keńeıtilgen áriptestik jáne yntymaqtastyq týraly kelisimge qol qoıyldy. Bıyl osy qujatty ratıfıkatsııalaý rásimi aıaqtalady. Jalpy, qarym-qatynasymyzdyń keleshegi jarqyn», - dedi Elbasy.

Donald Týsk Nursultan Nazarbaevtyń Qazaqstandy qalyptastyrý jáne órkendetý, sondaı-aq elimizdiń halyqaralyq bedelin nyǵaıtý isindegi rólin atap ótti.  

«Siz osy óńirde erekshe jáne mańyzdy ról atqarasyz. Sizben júzdeskenime qýanyshtymyn. Sizdiń bılik tranzıtine qatysty oıǵa qonymdy ári jaýapty ustanymyńyzdy joǵary baǵalaımyn. Meniń oıymsha búkil Eýropa osy qadamyńyzǵa tánti boldy. Demokratııa jaǵdaıynda kimniń prezıdent bolatynyn bilý ońaı emes. Biraq, Siz aıqyndaǵan baǵytty jalǵastyrý úshin kandıdatyńyzdyń tolyq múmkindigi bar», - dedi Eýropalyq keńes tóraǵasy.  


Nursultan Nazarbaev Qazaqstan men Eýropa odaǵy arasyndaǵy qatynasqa baǵa berdi

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT