Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Nursultan Nazarbaev Hasan Rýhanıge terrorlyq aktilerge baılanysty kóńil aıtty

2017 jylǵy 8 maýsym 11:37 808
Bólisińiz:
Nursultan Nazarbaev Hasan Rýhanıge terrorlyq aktilerge baılanysty kóńil aıtty

ASTANA. QazAqparat -  Elbasy Iran Islam Respýblıkasynyń Prezıdenti Hasan Rýhanıge Tegeran qalasynda bolǵan terrorlyq aktilerge baılanysty kóńil aıtý jedelhatyn joldady, dep habarlaıdy Aqordanyń baspasóz qyzmeti.

Memleket basshysy Tegeran qalasyndaǵy el parlamentiniń ǵımaraty men ımam Homeını kesenesi aýmaǵyndaǵy terrorlyq aktiler saldarynan kóptegen adamnyń qaza bolǵany jáne zardap shekkeni týraly habardy zor kúızelispen qabyldady.

Elbasy Qazaqstan halqynyń jáne jeke óziniń atynan qaza bolǵandardyń otbasylary men jaqyndaryna kóńil aıtty.   

«Biz beıbitshilik pen qaýipsizdikke qaýip tóndirip otyrǵan halyqaralyq terrorızm men ekstremızmniń kez kelgen túrin qatań aıyptaımyz.

Elderimizdiń beıbit ómiri men qaýipsizdigin qamtamasyz etý úshin qazirgi zaman qaýip-qaterlerine qarsy kúreste Qazaqstan Iranmen yntymaqtastyqty jalǵastyrýǵa árqashan daıyn ekenin atap ótemin», - delingen jedelhatta. 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT