Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Nursultan Nazarbaev «DP World» kompanııasynyń basshysymen kezdesti

2018 jylǵy 11 tamyz 15:00 1029
Bólisińiz:
Nursultan Nazarbaev «DP World» kompanııasynyń basshysymen kezdesti

AQTAÝ. QazAqparat - Qazaqstan Prezıdenti «DP World» kompanııasynyń basqarma tóraǵasy Sultan Ahmed bın Sýlaıemmen kezdesti, dep habarlaıdy QazAqparat Aqordaǵa silteme jasap.

Kezdesý barysynda Memleket basshysy «DP World» kompanııasynyń júk tasymaly men logıstıka salasyndaǵy jetistikterin atap ótti.

«Sizder álemdegi 78 termınaldy basqaryp, 6 qurlyqtaǵy 42 elmen jumys isteısizder. Biz úshin sizderdiń mol tájirıbelerińiz asa mańyzdy, sizdermen birlesip jumys isteýge daıynbyz», - dedi Nursultan Nazarbaev.

Qazaqstan Prezıdenti ınvestıtsııa tartý úshin jasalyp jatqan elimizdegi jaǵdaıǵa erekshe toqtalyp, Quryq porty erkin ekonomıkalyq aımaǵynyń basymdyqtary jóninde aıtty.

«Biz jańa jol saldyq, Alashankoý men Qorǵas arqyly ótetin eki jol tartyldy. Osylaısha, biz Shyǵys Qytaı provıntsııasynan Qazaqstan, Ortalyq Azııa, Reseı, Parsy shyǵanaǵy, Qara jáne Jerorta teńizderi arqyly Eýropaǵa júk tasymaldaý kólemin tolyq qamtamasyz etip otyrmyz», - dedi Nursultan Nazarbaev.

Kompanııa jetekshisi Memleket basshysyn Quryq porty mýltımodaldy termınalynyń iske qosylýymen quttyqtap, Qazaqstanda transulttyq tasymaldaýshylardyń jumys isteýine qolaıly jaǵdaı jasalǵany úshin alǵys bildirdi.

- Men Sizdiń sińirgen eńbegińizdi taǵy da joǵary baǵalaǵym keledi. Bul jobanyń júzege asyrylýy, shyndyǵynda, ǵajaıyp is. Sebebi ınfraqurylymǵa qarjy salmaı, Qazaqstanda ǵana emes, sondaı-aq osy óńirde ekonomıkalyq turǵydan jetistikke jetý múmkin emes. Biz óz tutynýshylarymyzdyń maqsattary men qajettilikteri úshin Aqtaý portynyń jumysyna múddeli bolyp otyrmyz», - dedi Sultan Ahmed bın Sýlaıem.

Kezdesý sońynda Qazaqstan Prezıdenti «DP World» kompanııasynyń basshysyna ózara tıimdi yntymaqtastyq jolynda zor tabys tiledi.


Nursultan Nazarbaev «DP World» kompanııasynyń basshysymen kezdesti

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT